ಇನ್ನು ಮುಂದೆ ಗ್ರಾಹಕರು ಹೊಸ ಸಿಮ್ ಕಾರ್ಡ್ ಪಡೆಯಲು ಆಧಾರ್ ಕಾರ್ಡ್ ಪ್ರತಿಯನ್ನು ಅಥವಾ ವಿಶಿಷ್ಟ ಗುರುತಿನ ಚೀಟಿ ಪ್ರಾಧಿಕಾರದ ಜಾಲತಾಣದಿಂದ ಡೌನ್ ಲೋಡ್ ಮಾಡಿಕೊಂಡ ಇ-ಆಧಾರ್ ಕಾರ್ಡ್ ದಾಖಲೆ ನೀಡಿದರೆ ಸಾಕು.

ಮೊಬೈಲ್ ಸಂಪರ್ಕಕ್ಕೆ ಇ-ಆಧಾರ್ ಕಾರ್ಡ್ ದಾಖಲೆ ಕಡ್ಡಾಯಗೊಳಿಸುವುದು ಭದ್ರತೆ ದೃಷ್ಟಿಯಿಂದ ತುಂಬಾ ಮುಖ್ಯ. ಗ್ರಾಹಕರ ಗುರುತು ಮತ್ತು ವಿಳಾಸದ ಅಧಿಕೃತ ಮಾಹಿತಿಯಾಗಿ ಆಧಾರ್ ಪರಿಗಣಿಸಬಹುದು ಎಂದು ದೂರ ಸಂಪರ್ಕ ಇಲಾಖೆ ಸ್ಪಷ್ಟಪಡಿಸಿದೆ.

ಆದರೆ ಗ್ರಾಹಕ ಸಲ್ಲಿಸಿದ ಇ-ಆಧಾರ್ ಕಾರ್ಡ್ ದಾಖಲೆಯಲ್ಲಿರುವ ಹೆಸರು, ವಿಳಾಸ, ಜನ್ಮದಿನ, ಲಿಂಗ, ಊರು ಸೇರಿದಂತೆ ಇನ್ನೀತರ ಮಾಹಿತಿಗೂ ವಿಶಿಷ್ಟ ಗುರುತಿನ ಚೀಟಿ ಪ್ರಾಧಿಕಾರದ ಜಾಲತಾಣದಲ್ಲಿರುವ ಮಾಹಿತಿಗೂ ಪರಸ್ಪರ ತಾಳೆ ಆಗುತ್ತದೆಯೇ ಎಂದು ಪರೀಕ್ಷಿಸಿ ದೃಢಪಡಿಸಿಕೊಳ್ಳುವುದು ಮೊಬೈಲ್ ಸಿಮ್ ಮಾರಾಟಗಾರರ ಹೊಣೆಯಾಗಿರುತ್ತದೆ.

ದೇಶದ ಭದ್ರತೆ ದೃಷ್ಟಿಯಿಂದಾಗಿ ಇದು ಮಹತ್ವದ ನಡೆಯಾಗಿದೆ. ಮೊಬೈಲ್ ಸಂಪರ್ಕಕ್ಕೆ ಇ-ಆಧಾರ್ ಕಾರ್ಡ್ ದಾಖಲೆ ಕಡ್ಡಾಯಗೊಳಿಸುವುದರಿಂದ ಅಪರಾಧಿಗಳು ಬಾಹ್ಯ ಚಟುವಟಿಕೆಗಳಲ್ಲಿ ತೊಡಗಿಕೊಳ್ಳುವುದನ್ನು ತಡೆಗಟ್ಟಲು ಸಹಕಾರಿಯಾಗಬಹುದು. ಇದರಿಂದಾಗಿ ಇನ್ನೊಬ್ಬರ ಸಿಮ್ ಕಾರ್ಡ್ ದುರುಪಯೋಗ ಪಡಿಸುವ ಪ್ರಮಾಣವು ಕಡಿಮೆಯಾಗಬಹುದು.