ದೇಶದ ಅತಿದೊಡ್ಡ ಸಾಪ್ಟ್ವೇರ್ ಸೇವಾ ಸಂಸ್ಥೆ ಟಾಟಾ ಕನ್ಸಲ್ಟನ್ಸಿ ಸರ್ವಿಸಸ್(ಟಿಸಿಎಸ್), ಪ್ರಸಕ್ತ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕ ದಲ್ಲಿ ರೂ. 6,317 ಕೋಟಿಗಳಷ್ಟು ನಿವ್ವಳ ಲಾಭ ಗಳಿಸಿದೆ.

ಕಳೆದ ವರ್ಷ ಇದೇ ಅವಧಿಯಲ್ಲಿನ ರೂ. 5,747 ಕೋಟಿಗೆ ಹೋಲಿಸಿದರೆ ಇದು ಶೇ 9.9ರಷ್ಟು ಹೆಚ್ಚಳವಾಗಿದೆ. ಸಂಸ್ಥೆಯ ಒಟ್ಟಾರೆ ವರಮಾನವು ಶೇ 14ರಷ್ಟು ಏರಿಕೆಯಾಗಿ ರೂ. 29,305 ಕೋಟಿಗೆ ತಲುಪಿದೆ ಎಂದು ಸಂಸ್ಥೆಯ ಸಿಇಓ ಎನ್. ಚಂದ್ರಶೇಖರನ್ ಗುರುವಾರ ಪ್ರಕಟಿಸಿದ್ದಾರೆ.

ಗರಿಷ್ಠ ಪ್ರಗತಿಗೆ ಯುರೋಪ್ ಮಾರುಕಟ್ಟೆಯಲ್ಲಿ ವಹಿವಾಟು ಉತ್ತಮವಾಗಿರುವುದೇ ಕಾರಣ ಎಂದರು. ಉತ್ತರ ಅಮೇರಿಕ, ಇಂಗ್ಲೆಂಡ್ ಮತ್ತು ಯುರೋಪ್ ಗಳಲ್ಲಿ ವರಮಾನ ಗಳಿಕೆಯು ಕ್ರಮವಾಗಿ ಶೇ 2.5, ಶೇ 3.8 ಮತ್ತು ಶೇ 4.6ರಷ್ಟು ಏರಿಕೆಯಾಗಿದೆ.