ಟೈರ್-1

ರಾಷ್ಟ್ರೀಯ ಪಿಂಚಣಿ ಯೋಜನೆಯಲ್ಲಿ ಎರಡು ಹಂತದ ಖಾತೆಗಳಿವೆ. ಟೈರ್ -1 ಖಾತೆಯು ಹಣ ಹಿಂದೆ ಪಡೆಯದ ಶಾಶ್ವತ ನಿವೃತ್ತಿ ಖಾತೆಯಾಗಿದೆ. ಈ ಖಾತೆಯಲ್ಲಿನ ಹಣವನ್ನು ಚಂದಾದಾರರ ಆಯ್ಕೆಯಂತೆ ಹೂಡಿಕೆ ಮಾಡಲಾಗುತ್ತದೆ.

ಟೈರ್-2

ಇದು ಟೈರ್-2 ಖಾತೆಯಾಗಿದ್ದು, ಹಣ ಹಿಂದೆ ಪಡೆಯಲು ಅವಕಾಶವಿರುತ್ತದೆ. ಈ ಖಾತೆಯಲ್ಲಿ ವಾರ್ಷಿಕ ಕನಿಷ್ಟ ಕೊಡುಗೆ ರೂ. 250 ಮತ್ತು ಖಾತೆಯಲ್ಲಿ ಕನಿಷ್ಟ ರೂ. 2000 ಇರಬೇಕೆಂಬ ನಿಯಮವನ್ನು ಸಡಿಲಿಸಲಾಗಿದೆ.

ಸ್ಥಗಿತಗೊಳಿಸಲ್ಪಟ್ಟ ಖಾತೆಗಳಿಗೆ ಚಾಲನೆ

ಕನಿಷ್ಟ ಕೊಡುಗೆ ಮತ್ತು ಕನಿಷ್ಟ ಹಣ ಇರದ ಖಾತೆಗಳಿಗೆ ಚಾಲನೆ ನೀಡಲು ನಿರ್ಧರಿಸಲಾಗಿದೆ. ಸ್ಥಗಿತಗೊಳಿಸಲಾಗಿದ್ದ ಇಂತಹ ಖಾತೆಗಳಿಗೆ ಇನ್ನು ಮುಂದೆ ಚಂದಾದಾರರು ಹಣ ಪಾವತಿಸಬಹುದಾಗಿದೆ.

ಕನಿಷ್ಟ ಮಿತಿ

ಅಸಂಘಟಿತ ವಲಯದವರೂ ಸೇರಿದಂತೆ ರಾಷ್ಟ್ರೀಯ ಪಿಂಚಣಿ ಯೋಜನೆ ಸೌಲಭ್ಯ ಪಡೆಯಲು ಕನಿಷ್ಟ ಕೊಡುಗೆ ಮಿತಿ ಕಡಿಮೆ ಮಾಡಲಾಗಿದೆ ಎಂದು ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ ತಿಳಿಸಿದೆ.