ಮಾರುಕಟ್ಟೆಯಲ್ಲಿ ಹಣ ಬಳಕೆ ಕಡಿಮೆ ಮಾಡುವ ಉದ್ದೇಶದ ಹಿನ್ನೆಲೆಯಲ್ಲಿ ಡೆಬಿಟ್, ಕ್ರೆಡಿಟ್ ಕಾರ್ಡ್ ಮತ್ತು ನೆಟ್ ಬ್ಯಾಂಕಿಂಗ್ ಮೂಲಕ ಸರ್ಕಾರದ ವಿವಿಧ ಇಲಾಖೆಗಳಿಗೆ ಸಾರ್ವಜನಿಕರು ಹಣ ಪಾವತಿಸುವುದರ ವಹಿವಾಟು ವೆಚ್ಚವನ್ನು ತಾನೇ ಭರಿಸುವುದಾಗಿ ಕೇಂದ್ರ ಸರ್ಕಾರ ತಿಳಿಸಿದೆ.

ನಗದು ರಹಿತ ಸೌಲಭ್ಯದ ಮೂಲಕ ಸರ್ಕಾರಕ್ಕೆ ಪಾವತಿಸುವ ಮೊತ್ತದ ವಹಿವಾಟು ವೆಚ್ಚವನ್ನು (MDR-merchant discount rate) ಸಧ್ಯಕ್ಕೆ ಬಳಕೆದಾರರೇ ಭರಿಸುತ್ತಿದ್ದಾರೆ. ಆದರೆ ಇನ್ನು ಮುಂದೆ ಎಂಡಿಆರ್ ವೆಚ್ಚವನ್ನು ಸರ್ಕಾರದ ವಿವಿಧ ಇಲಾಖೆಗಳೇ ಭರಿಸಲಿವೆ.

ಇದಕ್ಕೆ ಸಂಬಂಧಿಸಿದಂತೆ ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗುವುದು ಎಂದು ಹಣಕಾಸು ಸಚಿವಾಲಯ ವರದಿ ಮಾಡಿದೆ.