ಪ್ರಸಿದ್ದ ಬ್ರ್ಯಾಂಡುಗಳ ಉತ್ಪನ್ನಗಳಿಗೆ ಜಾಹೀರಾತು ನೀಡುವಾಗ ತಪ್ಪು ಜಾಹೀರಾತು ನೀಡಿದರೆ ಸೆಲೆಬ್ರೇಟಿಗಳಿಗೆ ಜೈಲು ಶಿಕ್ಷೆ ವಿಧಿಸಬೇಕೆ ಇಲ್ಲವೇ ದಂಡ ವಿಧಿಸಬೇಕೆ ಎಂಬ ಚರ್ಚೆ ಜೋರಾಗಿ ನಡೆದಿದೆ.

ಹಣಕಾಸು ಸಚಿವ ಅರುಣ್ ಜೆಟ್ಲಿ ನಾಯಕತ್ವದ ಮಂತ್ರಿಮಂಡಲದ ಸಭೆಯಲ್ಲಿ ಸೋಮವಾರ ಮಹತ್ವದ ನಿರ್ಣಯ ಕೈಗೊಳ್ಳಲಾಗಿದ್ದು, ಮೊದಲ ಬಾರಿ ತಪ್ಪು ಜಾಹೀರಾತು ನೀಡಿದರೆ ಜೈಲು ಶಿಕ್ಷೆ ವಿಧಿಸಲಾಗುವುದಿಲ್ಲ ಬದಲಾಗಿ ಭಾರಿ ಪ್ರಮಾಣದ ದಂಡ ಪಾವತಿಸಬೇಕಾಗುತ್ತದೆ ಎಂದು ಒಮ್ಮತದ ನಿರ್ಧಾರ ತೆಗೆದುಕೊಳ್ಳಲಾಯಿತು.

ಜಾಹೀರಾತು ಕೊಡುವಾಗ ಮೊದಲ ಸಂದರ್ಭದಲ್ಲಿ ತಪ್ಪು ಸಂಭವಿಸಿದಲ್ಲಿ ಜೈಲು ಶಿಕ್ಷೆಗೆ ಪರ್ಯಾಯವಾಗಿ ಒಂದು ಕೋಟಿ ದಂಡವನ್ನು ಸೆಲೆಬ್ರೇಟಿಯಾದವರು ಕಟ್ಟಬೇಕಾಗುತ್ತದೆ ಎಂದು ಸಭೆಯಲ್ಲಿ ನಿರ್ಣಯಿಸಲಾಯಿತು.