ದೇಶದ ಅಭಿವೃದ್ಧಿಯ ವೇಗವನ್ನು ಹೆಚ್ಚಿಸಲು ತೆರಿಗೆ ಸುಧಾರಣೆ, ಬ್ಯಾಂಕು ವ್ಯವಸ್ಥೆಯ ದುರಸ್ತಿ ಮತ್ತು ಮೂಲಸೌಕರ್ಯ ಯೋಜನೆಗಳಿಗೆ ವೇಗದ ಸ್ಪರ್ಶ ಕೊಡಬೇಕಾಗಿದೆ ಎಂದು ಹಣಕಾಸು ಸಚಿವ ಅರುಣ್ ಜೇಟ್ಲಿ ಹೇಳಿದ್ದಾರೆ.

ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಮಸೂದೆಯನ್ನು ಶೀಘ್ರದಲ್ಲಿ ಶಾಸನಬದ್ದವಾಗಿ ಕಾರ್ಯರೂಪಕ್ಕೆ ತರಲು ಸರ್ವಪ್ರಯತ್ನ ನಡೆದಿದ್ದು, ಬಹಳ ತೀವ್ರವಾಗಿ ಅನುಷ್ಠಾನಕ್ಕೆ ಬರಲಿದೆ ಎಂದರು.

ಜಿಎಸ್ಟಿ ಒಂದು ಬಾರಿ ಕಾರ್ಯರೂಪಕ್ಕೆ ಬಂದ ನಂತರ ಸಾಮಾನ್ಯ ಮಾರುಕಟ್ಟೆಯಲ್ಲಿ ಪರಿವರ್ತನೆ ಪ್ರಭಾವ ಉಂಟಾಗಲಿದೆ. ಜತೆಗೆ ಬಡ ಸಂಯುಕ್ತ ರಾಜ್ಯಗಳೊಂದಿಗೆ ವರ್ಗಾವಣೆಯ ಯಾಂತ್ರಿಕನಾಗಿ ಇದು ಕಾರ್ಯನಿರ್ವಹಿಸುತ್ತದೆ ಎಂದರು.

ಆದಾಯ ತಟಸ್ಥ ತೆರಿಗೆ ದೇಶದ ತೆರಿಗೆ ಸ್ವರೂಪವನ್ನು ಬದಲಾಯಿಸಬಲ್ಲದು. ಆದರೆ ತೆರಿಗೆ ಹೇರುವ ಒಟ್ಟಾರೆ ಮಟ್ಟವನ್ನು ಹೆಚ್ಚಿಸುವ ಉದ್ದೇಶವನ್ನು ಹೊಂದಿಲ್ಲ. ಬ್ಯಾಂಕಿಂಗ್ ವಲಯದ ಪುನಶ್ಚೇತನಕ್ಕೆ ಸಕಾಲವಾಗಿದೆ. ಜಿಎಸ್ಟಿ ದರ ಎಷ್ಟಿರಬೇಕು ಎಂಬುದರ ಬಗ್ಗೆ ಜೇಟ್ಲಿ ಏನು ಮಾತಾಡಿಲ್ಲ. ಆದರೆ ಆರ್ಥಿಕ ತಜ್ಞರು ಶೇ.18ರಷ್ಟು ದರ ನಿರ್ಧರಿಸಬೇಕೆಂದು ಸಲಹೆ ನೀಡಿದ್ದಾರೆ.