ಉದ್ಯೋಗಿಗಳ ಭವಿಷ್ಯ ನಿಧಿ ಸಂಘಟನೆಯ(ಇಪಿಎಫ್ಒ) 4 ಕೋಟಿಯಷ್ಟು ಚಂದಾದಾರರು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಶೇ. 8.6ರಷ್ಟು ಬಡ್ಡಿದರ ಪಡೆಯುವ ಸಾಧ್ಯತೆ ಇದೆ.

ಹಣಕಾಸು ಇಲಾಖೆಯ ಒತ್ತಡಕ್ಕೆ ಮಣಿದು ಬಡ್ಡಿದರ ಕಡಿತ ಮಾಡಬೇಕೆಂಬ ನಿರ್ಧಾರಕ್ಕೆ ಕಾರ್ಮಿಕ ಇಲಾಖೆ ಬಂದಿದೆ. ಹಿಂದಿನ ವರ್ಷದ ಶೇ. 8.8ಕ್ಕೆ ಬದಲಾಗಿ, 2016-17ನೇ ಹಣಕಾಸು ಸಾಲಿನಲ್ಲಿ ಶೇ. 8.6ರಷ್ಟು ಬಡ್ಡಿ ನಿಗದಿಯಾಗಲಿದೆ ಎಂದು ಹೇಳಲಾಗಿದೆ.

ಕೇಂದ್ರಿಯ ಟ್ರಸ್ಟಿಗಳ ಮಂಡಳಿ(ಸಿಬಿಟಿ) ಇಪಿಎಫ್ಒ ಸಂಘಟನೆಯ ವರಮಾನ ಅಂದಾಜು ಆಧರಿಸಿ ಬಡ್ಡಿದರ ನಗದಿ ಮಾಡುತ್ತದೆ. ಪ್ರಸ್ತುತ ಬಡ್ಡಿದರ ಒಂದು ವರ್ಷಕ್ಕೆ ಅನ್ವಯವಾಗಲಿದೆ