ಜಗತ್ತಿನ ದೊಡ್ಡ ಸೌರ ವಿದ್ಯುತ್ ಸ್ಥಾವರವನ್ನು(648 ಮೆಗಾವ್ಯಾಟ್) ತಮಿಳುನಾಡಿನ ರಾಮನಾಥಪುರಂ ಜಿಲ್ಲೆಯ ಕಮುಥಿಯಲ್ಲಿ ಪ್ರಾರಂಭಿಸಲಾಗುವುದು ಎಂದು ಅದಾನಿ ಗ್ರೀನ್ ಎನರ್ಜಿ(ತಮಿಳುನಾಡು) ಲಿಮಿಟೆಡ್ ಹೇಳಿದೆ.

ಅದಾನಿ ಗ್ರೂಪ್ ನ ಭಾಗವಾಗಿರುವ ಅದಾನಿ ಗ್ರೀನ್ ಎನರ್ಜಿ(ತಮಿಳುನಾಡು) ಲಿಮಿಟೆಡ್ ರೂ. 4,550 ಕೋಟಿ ವೆಚ್ಚದಲ್ಲಿ ಘಟಕ ಸ್ಥಾಪಿಸಲಿದೆ ಎಂದು ಸಂಸ್ಥೆಯ ವಕ್ತಾರರು ತಿಳಿಸಿದ್ದಾರೆ.

8 ತಿಂಗಳುಗಳ ದಾಖಲೆಯ ಅವಧಿಯಲ್ಲಿ 648 ಮೆಗಾವ್ಯಾಟ್ ಸಾಮರ್ಥ್ಯದ ಘಟಕ ಸ್ಥಾಪಿಸಲು ವಿಶ್ವದ ಅನೇಕ ಮೂಲಗಳಿಂದ ಸಾಧನ ಮತ್ತು ಯಂತ್ರಗಳನ್ನು ತರಿಸಲಾಗುವುದು.