ಎಚ್‌ಡಿಎಫ್‌ಸಿ ಬ್ಯಾಂಕ್ ನಿವ್ವಳ ಲಾಭ ರೂ. 3455.3 ಕೋಟಿ

ಖಾಸಗಿ ವಲಯದ ಎಚ್‌ಡಿಎಫ್‌ಸಿ(HDFC)ಬ್ಯಾಂಕು ಜುಲೈ-ಸೆಪ್ಟಂಬರ್ ತ್ರೈಮಾಸಿಕದ ಅಂತ್ಯದ ವೇಳೆಗೆ ಶೇ. 20.4ರಷ್ಟು ಹೆಚ್ಚಳದೊಂದಿಗೆ ರೂ. 3455.3 ಕೋಟಿ ನಿವ್ವಳ ಲಾಭ ಹೆಚ್ಚಾಗಿದೆ.

ಕಳೆದ ವರ್ಷದ ಜುಲೈ-ಸೆಪ್ಟಂಬರ್ ಹಣಕಾಸು ಅವಧಿಯಲ್ಲಿ ರೂ. 2869.5 ಕೋಟಿ ನಿವ್ವಳ ಲಾಭ ಗಳಿಸಿತ್ತು.

ಪ್ರಸ್ತುತ ಹಣಕಾಸು ವರ್ಷದ ಜುಲೈ-ಸೆಪ್ಟಂಬರ್ ಅವಧಿಯಲ್ಲಿನ ಒಟ್ಟು ಆದಾಯ ರೂ. 19970.9 ಕೋಟಿ ಆಗಿದೆ. ಕಳೆದ ಸಾಲಿನ ಇದೇ ಅವಧಿಯ ಒಟ್ಟು ಆದಾಯ ರೂ. 17324.3 ಕೋಟಿ ಆಗಿತ್ತು.

NPA ಹೆಚ್ಚಳ
ಕಳೆದ ವರ್ಷ ಶೇ. 0.9ರಷ್ಟಿದ್ದ NPA(Non Performing Asset) ಪ್ರಸ್ತುತ ಅವಧಿಯಲ್ಲಿ ಶೇ. 1.02ರಷ್ಟು ಹೆಚ್ಚಾಗಿದೆ. ಒಟ್ಟು ನಿವ್ವಳ NPA ಕೂಡ ಶೇ. 0.2 ರಿಂದ 0.3ರಷ್ಟು ಹೆಚ್ಚಳ ಕಂಡಿದೆ. ಪ್ರಸ್ತುತ ತ್ರೈಮಾಸಿಕದ ನಿವ್ವಳ ಬಡ್ಡಿ ಆದಾಯ ರೂ.7993.6 ಕೋಟಿಯೊಂದಿಗೆ ಶೇ. 19.6ರಷ್ಟು ಅಭಿವೃದ್ಧಿ ಸಾಧಿಸಿದೆ.