ರೂ. 500, 1000 ನೋಟುಗಳ ಚಲಾವಣೆ ರದ್ದು ಮಾಡಿದ ಹಿನ್ನೆಲೆಯಲ್ಲಿ ಬ್ಯಾಂಕುಗಳು ಬುಧವಾರ ವ್ಯವಹಾರಗಳನ್ನು ನಡೆಸುವುದಿಲ್ಲ.

ಕೇಂದ್ರ ಸರ್ಕಾರ ಮಂಗಳವಾರ ಮಧ್ಯರಾತ್ರಿಯಿಂದಲೇ ರೂ. 500, 1000 ಮುಖಬೆಲೆಯ ನೋಟುಗಳ ಚಲಾವಣೆ ರದ್ದುಪಡಿಸುವ ವಿಚಾರ ಘೋಷಿಸಿರುವ ಹಿನ್ನೆಲೆಯಲ್ಲಿ ಬ್ಯಾಂಕುಗಳು ಈ ನಿರ್ಧಾರ ತಳೆದಿವೆ.

ನಿಗದಿತ ಮತ್ತು ನಿಗದಿತವಲ್ಲದ ಬ್ಯಾಂಕುಗಳು, ಸಾರ್ವಜನಿಕ, ಕಾಸಗಿ, ವಿದೇಶಿ, ಸಹಕಾರಿ, ಗ್ರಾಮೀಣ ಬ್ಯಾಂಕುಗಳು ಬುಧವಾರ ನವೆಂಬರ್ 9 , 2016ರಂದು ಸೇವೆಯನ್ನು ಒದಗಿಸುವುದಿಲ್ಲ.

ಜತೆಗೆ ಬುಧವಾರ ಹಾಗೂ ಗುರುವಾರ ಎಟಿಎಂ ಯಂತ್ರಗಳು ತೆರೆದಿರುವುದಿಲ್ಲ ಎಂಬುದನ್ನು ಗಮನಿಸಬೇಕು. ಒಂದು ದಿನಕ್ಕೆ ಎಟಿಎಂನಿಂದ ಗರಿಷ್ಠ ರೂ. 2000, ಬ್ಯಾಂಕುಗಳಿಂದ ಗರಿಷ್ಠ ರೂ. 10000 ಹಾಗೂ ಒಂದು ವಾರಕ್ಕೆ ರೂ. 20000 ಗಳನ್ನು ಡ್ರಾ ಮಾಡಿಕೊಳ್ಳಬಹುದು.