ಕೇಂದ್ರ ಸರ್ಕಾರ ಹಳೆ ನೋಟು ನಿಷೇಧ ಮಾಡಿರುವ ಕ್ರಮದಿಂದಾಗಿ ದೇಶದ ಪ್ರಮುಖ ಬ್ಯಾಂಕುಗಳಿಗೆ ಹೆಚ್ಚಿನ ಪ್ರಮಾಣದಲ್ಲಿ ಠೇವಣಿಗಳು ಹರಿದು ಬರುತ್ತಿದ್ದು, ಇದರ ಪರಿಣಾಮದಿಂದ ದೇಶದ ಹಲವು ಬ್ಯಾಂಕುಗಳು ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರವನ್ನು ಕಡಿತಗೊಳಿಸಿವೆ.

ಐಸಿಐಸಿಐ ಬ್ಯಾಂಕು:
ಐಸಿಐಸಿಐ ಬ್ಯಾಂಕು 390 ದಿನಗಳಿಂದ 2 ವರ್ಷಗಳ ಅವಧಿಯ ಸ್ಥಿರ ಠೇವಣಿಗಳ ಮೇಲೆ ಶೇ. 0.20 ಬಡ್ಡಿದರ ಕಡಿತಗೊಳಿಸಿದ್ದು, ಈಗಾಗಲೇ ಜಾರಿಯಾಗಿದೆ. ಐಸಿಐಸಿಐ ಶೇ. 7.25 ರಿಂದ 7.10ಕ್ಕೆ ಬಡ್ಡಿದರ ಇಳಿಸಿದೆ.

ಕೋಟಕ್ ಮಹೀಂದ್ರಾ ಬ್ಯಾಂಕು:
ಕೋಟಕ್ ಮಹೀಂದ್ರಾ ಬ್ಯಾಂಕ್ 25 ಬೇಸ್ ಪಾಯಿಂಟ್ ಗಳಷ್ಟು ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರವನ್ನು ಕಡಿತಗೊಳಿಸಿದೆ. ಒಂದು ವರ್ಷದ ಅವಧಿಗೆ ಶೇ. 7ರಷ್ಟು ಬಡ್ಡಿದರ ಕಡಿತಗೊಳಿಸಿದೆ. 2-3 ವರ್ಷಗಳ ಅವಧಿಯ ಎಫ್ಡಿ ಠೇವಣಿಗಳ ಬಡ್ಡಿದರ 50 ಬೇಸ್ ಪಾಯಿಂಟ್ ಕಡಿತಗೊಳಿಸಿದ್ದು, ಶೇ. 6.75ರಷ್ಟು ಬಡ್ಡಿದರ ಇದೆ.

ಎಸ್ಬಿಐ ಬ್ಯಾಂಕು :
ಎಸ್ಬಿಐ ಬ್ಯಾಂಕು ಈಗಾಗಲೇ ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರವನ್ನು ಶೇ. 0.15ರಷ್ಟು ಕಡಿತಗೊಳಿಸಿದ್ದು, ಒಂದು ವರ್ಷದಿಂದ 455 ದಿನಗಳವರೆಗಿನ ಕಾಲಾವಧಿಯ ಫಿಕ್ಸೆಡ್ ಡಿಪಾಸಿಟ್ ಗಳ ಮೇಲಿನ ಬಡ್ಡಿ ದರದಲ್ಲಿ ಶೇ.0.15ರಷ್ಟು ಕಡಿತಗೊಳಿಸಲಾಗಿದೆ. ಇದಕ್ಕೆ ಹೊರತಾಗಿ 2-3 ವರ್ಷಗಳ ಅವಧಿಯ ಸ್ಥಿರ ಠೇವಣಿಗಳ ಬಡ್ಡಿದರದಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ ಎಂದು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯ ತಿಳಿಸಿದೆ.

ಕೆನರಾ ಬ್ಯಾಂಕು:
ಕೆನರಾ ಬ್ಯಾಂಕ್ ಶೇ. 0.05-0.25 ವ್ಯಾಪ್ತಿಯಲ್ಲಿ ತನ್ನ ಠೇವಣಿ ದರಗಳನ್ನು ಘೋಷಿಸಿದೆ.

ಪಂಜಾಬ್ ನ್ಯಾಷನಲ್ ಬ್ಯಾಂಕ್:

ಪಂಜಾಬ್ ನ್ಯಾಷನಲ್ ಬ್ಯಾಂಕ್ ತನ್ನ ನಿಗದಿತ ಅವಧಿಯ ಠೇವಣಿಗಳ ಬಡ್ಡಿದರವನ್ನು 10-25 ಬೇಸ್ ಪಾಯಿಂಟ್ ಕಡಿತಗೊಳಿಸಿದೆ. ನವೆಂಬರ್ 23, 2016ರಿಂದ ಪರಿಣಾಮಕಾರಿಯಾಗಿ ಜಾರಿಯಾಗಲಿವೆ.

ಎಚ್ಡಿಎಫ್ಸಿ:
ಎಚ್ಡಿಎಫ್ಸಿ ಬ್ಯಾಂಕಿನ ಹೊಸ ಬಡ್ಡಿದರ ಗುರುವಾರದಿಂದ(17-11-16) ಜಾರಿ ಬಂದಿದ್ದು, ಸ್ಥಿರ ಠೇವಣಿ ಬಡ್ಡಿದರ ಶೇ. 7 ರಿಂದ 6.75ಕ್ಕೆ ಇಳಿದಿದೆ. ಮೂರು ವರ್ಷ ಒಂದು ದಿನದಿಂದ ಐದು ವರ್ಷಗಳ ಅವಧಿಯ ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರವನ್ನು ಶೇ. 6.75 ರಿಂದ 6.5ಕ್ಕೆ ಕಡಿತ ಮಾಡಲಾಗಿದೆ.