ದೇಶದಾದ್ಯಂತ ಇರುವ 50 ಲಕ್ಷಕ್ಕಿಂತ ಹೆಚ್ಚಿನ ಇಪಿಎಫ್ ಪಿಂಚಣಿದಾರರು ತಮ್ಮ ಲೈಪ್ ಸರ್ಟಿಫಿಕೇಟ್(ಜೀವನ ಪ್ರಮಾಣಪತ್ರ) ಸಲ್ಲಿಕೆಗೆ ನಿವೃತ್ತಿ ನಿಧಿ ಸಂಸ್ಥೆ ಇಪಿಎಫ್ಒ ಜನೆವರಿ 15ರ ವರೆಗೆ ಕೊನೆಯ ದಿನಾಂಕ ವಿಸ್ತರಿಸಿದೆ.

ನೋಟು ರದ್ದತಿಯಿಂದಾಗಿ ನಾಗರಿಕರಿಗೆ ಹಲವು ತೊಂದರೆಗಳುಂಟಾದ ಹಿನ್ನೆಲೆಯಲ್ಲಿ ಹಲವು ವಿನಾಯಿತಿಗಳನ್ನು ಕೇಂದ್ರ ಸರ್ಕಾರ ಒದಗಿಸಿದ್ದು, ಈಗ
ಇಪಿಎಫ್ ಪಿಂಚಣಿದಾರರು ಅನಾಣ್ಯೀಕರಣದಿಂದಾಗಿ ತೊಂದರೆಗಳನ್ನು ಎದುರಿಸುವಂತಾಗಬಾರದೆಂದು ದಿನಾಂಕವನ್ನು ವಿಸ್ತರಿಸಿದೆ.

ಪಿಂಚಣಿದಾರರ ಜೀವನ ಪ್ರಮಾಣಪತ್ರ ಸಲ್ಲಿಕೆಗೆ ಜನವರಿ 15, 2017ರ ತನಕ ದಿನಾಂಕ ವಿಸ್ತರಿಸಲಾಗಿದೆ ಎಂದು ತನ್ನ 120 ಕ್ಷೇತ್ರ ಕಚೇರಿಗಳಿಗೆ ಇಪಿಎಫ್ಒ ನಿರ್ದೇಶಿಸಿದೆ ಎಂದು ಹಿರಿಯ ಅಧಿಕಾರಿಗಳು ಹೇಳಿದ್ದಾರೆ.

ಸಾಮಾನ್ಯವಾಗಿ ಇಪಿಎಫ್ ಪಿಂಚಣಿದಾರರು ನವೆಂಬರ್ ಒಳಗಾಗಿ ಲೈಪ್ ಸರ್ಟಿಫಿಕೇಟ್ ಸಲ್ಲಿಸಬೇಕಾಗುತ್ತದೆ. ಒಂದು ವೇಳೆ ಪಿಂಚಣಿದಾರರು ಲೈಪ್ ಸರ್ಟಿಫಿಕೇಟ್ ಸಲ್ಲಿಸದಿದ್ದರೆ ಅವರ ಪಿಂಚಣಿ ನಿಲ್ಲಿಸಲಾಗುತ್ತದೆ.

ನೋಟು ನಿಷೇಧದ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರದ ಸಲಹೆಯಂತೆ ದಿನಾಂಕವನ್ನು ಜನೆವರಿ 15, 2017ರ ವರೆಗೆ ವಿಸ್ತರಿಸಲಾಗಿದೆ.