ಸರ್ಕಾರಿ ಸ್ವಾಧೀನದಲ್ಲಿರುವ ಟೆಲಿಕಾಂ ಸಂಸ್ಥೆ ಭಾರತ ಸಂಚಾರ ನಿಗಮ ಲಿಮಿಟೆಡ್(ಬಿಎಸ್ಎನ್ಎಲ್) ಏಪ್ರಿಲ್-ಜೂನ್ ಅವಧಿಯಲ್ಲಿ ಒಟ್ಟು 1721 ಕೋಟಿ ನಷ್ಟ ಅನುಭವಿಸಿದ್ದು, ಇದೇ ಅವಧಿಯಲ್ಲಿ ಒಟ್ಟು ಆದಾಯ ರೂ. 7331 ಕೋಟಿ ಗಳಿಸಿದೆ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ.

2013-14ರಲ್ಲಿ ಬಿಎಸ್ಎನ್ಎಲ್ ಒಟ್ಟು ಆದಾಯ ರೂ. 26,153 ಕೋಟಿ ಇದ್ದು, 2014-15 ಸಾಲಿನಲ್ಲಿ ರೂ. 27,249 ಕೋಟಿಗೆ ಹೆಚ್ಚಳಗೊಂಡಿತ್ತು. ಅದೇ 2015-16ನೇ ವರ್ಷದಲ್ಲಿ ರೂ.28,449 ಕೋಟಿಗೆ ಏರಿಕೆಯಾಗಿದೆ ಎಂದು ಸಚಿವ ಮನೋಜ್ ಸಿಂಹ ಹೇಳಿದ್ದಾರೆ.

ಬಿಎಸ್ಎನ್ಎಲ್ ಸಂಸ್ಥೆಗೆ ಪ್ರಸಕ್ತ ವರ್ಷದ ಏಪ್ರಿಲ್-ಜೂನ್ ದ್ವೈಮಾಸಿಕದಲ್ಲಿ ರೂ. 7183 ಕೋಟಿ ಆದಾಯ ಬಂದಿದ್ದು, ಈ ಅವಧಿಯಲ್ಲಿಯೇ ರೂ. 1721 ಕೋಟಿಯಷ್ಟು ನಷ್ಟ ಎದುರಿಸಿದೆ ಎಂದು ತಿಳಿಸಿದ್ದಾರೆ.