ಫೋರ್ಬ್ಸ್ ನಿಯತಕಾಲಿಕೆ ಬಿಡುಗಡೆಗೊಳಿಸಿರುವ ನಲವತ್ತರೊಳಗಿನ ಶ್ರೀಮಂತ ಉದ್ಯಮಿಗಳ ಪಟ್ಟಿಯಲ್ಲಿ ಭಾರತೀಯ ಮೂಲದ ಇಬ್ಬರೂ ಉದ್ಯಮಿಗಳು ಸ್ಥಾನ ಪಡೆದಿದ್ದಾರೆ.

40ರ ಒಳಗಿನ ಶ್ರೀಮಂತ ಉದ್ಯಮಿಗಳ ಪಟ್ಟಿಯಲ್ಲಿ ಫೇಸ್ಬುಕ್ ಸ್ಥಾಪಕ ಜುಕರ್ ಬರ್ಗ್ ಮೊದಲ ಸ್ಥಾನ ಪಡೆದಿದ್ದು, ಭಾರತೀಯ ಮೂಲದ ವಿವೇಕ್ ರಾಮಸ್ವಾಮಿ 24ನೇ ಸ್ಥಾನ ಹಾಗೂ ಅಪೂರ್ವ ಮೆಹ್ತಾ 31ನೇ ಸ್ಥಾನ ಪಡೆದಿದ್ದಾರೆ.

ವಿವೇಕ್ ರಾಮಸ್ವಾಮಿ
ವಿವೇಕ್ ರಾಮಸ್ವಾಮಿ ಯಶಸ್ವಿ ಬಯೊಟೆಕ್ ಉದ್ಯಮಿಯಾಗಿದ್ದು, ಫೋರ್ಬ್ಸ್ ಪಟ್ಟಿಯಲ್ಲಿ 24ನೇ ಸ್ಥಾನ ಪಡೆದಿದ್ದಾರೆ. ಇವರ ಒಟ್ಟು ಆಸ್ತಿ ಮೌಲ್ಯ 60 ಕೋಟಿ.

ಅಪೂರ್ವ ಮೆಹ್ತಾ
ಅಪೂರ್ವ ಮೆಹ್ತಾ 31ನೇ ಸ್ಥಾನ ಪಡೆದಿದ್ದು, ಒಟ್ಟು 36 ಕೋಟಿ ಆಸ್ತಿ ಮೌಲ್ಯ ಹೊಂದಿದ್ದಾರೆ. ಭಾರತದಲ್ಲಿ ಜನಿಸಿದ ಅಪೂರ್ವ ಮೆಹ್ತಾ 2000ರಲ್ಲಿ ಕುಟುಂಬ ಸಮೇತ ಕೆನಡಾಕ್ಕೆ ವಲಸೆ ಹೋದರು. 2012 ರಲ್ಲಿ ಇನ್ಸ್ಟಾಕಾರ್ಟ್ ಸಂಸ್ಥೆಯನ್ನು ಹುಟ್ಟುಹಾಕಿ, ಕಿರಾಣಿ ವಿತರಣಾ ಸೇವೆಯನ್ನು ಆರಂಭಿಸಿದರು.