ದೇಶದ ಪ್ರತಿಷ್ಠಿತ ಮೊಬೈಲ್ ಕಾಮರ್ಸ್ ಮತ್ತು ಪಾವತಿ ಕಂಪನಿ ಪೇಟಿಎಂ ಗ್ರಾಹಕರ ಕುಂದುಕೊರತೆ ಮತ್ತು ಸಮಸ್ಯೆಗಳನ್ನು ಶೀಘ್ರ ಪರಿಹರಿಸಲು ತನ್ನ ಆಪ್ ನಲ್ಲಿ ಕಸ್ಟಮರ್ ಕೇರ್ ನಂಬರ್ ಅಳವಡಿಸಿದೆ.

ಪೇಟಿಎಂ ಬಳಕೆದಾರರು ಕಸ್ಟಮರ್ ಕೇರ್ ನಂಬರ್ ಬಳಸಿ ತಮ್ಮ ದೂರುಗಳನ್ನು ಕಾರ್ಯನಿರ್ವಹಣಾ ಅಧಿಕಾರಿಗಳಿಗೆ ತಿಳಿಸಿ ಕುಂದುಕೊರತೆಗಳಿಗೆ ಶೀಘ್ರವಾಗಿ ಪರಿಹಾರ ಕಂಡುಕೊಳ್ಳಬಹುದಾಗಿದ್ದು, ಪೇಟಿಎಂ ಆಪ್ ನಲ್ಲಿ ನೀಡಲಾದ ಗ್ರಾಹಕ ಸಂಖ್ಯೆಗೆ ಡಯಲ್ ಮಾಡಬೇಕು.

ದೇಶದಾದ್ಯಂತ ಸಾವಿರಾರು ಗ್ರಾಹಕರು ಕಳೆದ ಕೆಲ ದಿನಗಳಿಂದ ವಾಲೆಟ್ ಬಳಕೆ ಸಂದರ್ಭದಲ್ಲಿ ಹಲವು ತೊಂದರೆಗಳನ್ನು ಎದುರಿಸಿರುವುದಾಗಿ ದೂರುಗಳನ್ನು ನೀಡಿದ್ದಾರೆ. ಹೀಗಾಗಿ ಗ್ರಾಹಕರ ಸಮಸ್ಯೆಗಳ ಪರಿಹಾರಕ್ಕಾಗಿ ಪೇಟಿಎಂ ಕಸ್ಟಮರ್ ಕೇರ್ ಸೇವೆಗೆ ಮುಂದಾಗಿದೆ.