ಫೆ. 6ಕ್ಕೆ ನಿರ್ದೇಶಕ ಹುದ್ದೆಯಿಂದ ಸೈರಸ್ ಮಿಸ್ತ್ರಿ ವಜಾ
ಟಾಟಾ ಸನ್ಸ್ ಅಧ್ಯಕ್ಷ ಹುದ್ದೆಯಿಂದ ವಜಾಗೊಳಿಸಿದ್ದ ಸೈರಸ್ ಮಿಸ್ತ್ರಿ ಅವರನ್ನು ಇದೀಗ ಟಾಟಾ ಗ್ರೂಪ್ ನ ನಿರ್ದೇಶಕ ಹುದ್ದೆಯಿಂದಲೂ ವಜಾಗೊಳಿಸಲು ಫೆಬ್ರವರಿ 6ರಂದು ಷೇರುದಾರರ ಸಭೆ ಕರೆಯಲಾಗಿದೆ.
ಟಾಟಾ ಸನ್ಸ್ ಅಧ್ಯಕ್ಷ ಹುದ್ದೆಯಿಂದ ವಜಾಗೊಳಿಸಿದ್ದ ಸೈರಸ್ ಮಿಸ್ತ್ರಿ ಅವರನ್ನು ಇದೀಗ ಟಾಟಾ ಗ್ರೂಪ್ ನ ನಿರ್ದೇಶಕ ಹುದ್ದೆಯಿಂದಲೂ ವಜಾಗೊಳಿಸಲು ಫೆಬ್ರವರಿ 6ರಂದು ಷೇರುದಾರರ ಸಭೆ ಕರೆಯಲಾಗಿದೆ.
ಟಾಟಾ ಗ್ರೂಪ್ ನ ಅಧ್ಯಕ್ಷ ಸ್ಥಾನದಿಂದ ಸೈರಸ್ ಮಿಸ್ತ್ರಿ ಅವರನ್ನು ಅಕ್ಟೋಬರ್ 24ರಂದು ವಜಾ ಮಾಡಲಾಗಿತ್ತು. ಡಿಸೆಂಬರ್ 12ರಂದು ನಡೆದ ವಿಶೇಷ ಕಾರ್ಯಕಾರಿ ಸಭೆಯಲ್ಲಿ ಸೈರಸ್ ಪಿ ಮಿಸ್ತ್ರಿ ಅವರನ್ನು ನಿರ್ದೇಶಕ ಸ್ಥಾನದಿಂದ ತೆಗೆದು ಹಾಕಲಾಗಿತ್ತು ಆದರಿಂದ, ಸೈರಸ್ ಮಿಸ್ತ್ರಿ ಸಂಸ್ಥೆಯ ಅಧ್ಯಕ್ಷ ಸ್ಥಾನದಲ್ಲಿ ಮುಂದುವರೆಯುವುದಿಲ್ಲ ಎಂದು ಹೇಳಿದ್ದರು. ಅಲ್ಲದೇ ಟಾಟಾ ಗ್ರೂಪ್ ನ 6 ಕಂಪನಿಗಳಿಗೆ ರಾಜಿನಾಮೆ ನೀಡಿದ್ದರು.
ಟಾಟಾ ಸನ್ಸ್ ನ ಹಂಗಾಮಿ ಅಧ್ಯಕ್ಷ ರತನ್ ಟಾಟಾ ಅವರ ವಿರುದ್ಧ ಕಾನೂನು ಹೋರಾಟಕ್ಕಾಗಿ ನ್ಯಾಯಮಂಡಳಿಯ ಮೆಟ್ಟಿಲೇರಿದ್ದಾರೆ. ಟಾಟಾ ಸಮೂಹದ ಹಿತಾಸಕ್ತಿ ರಕ್ಷಿಸಲು ಮತ್ತು ಜೆ. ಟಾಟಾ ಅವರ ದೂರದೃಷ್ಟಿ ಜೀವಂತವಾಗಿರಿಸಲು ಕೊನೆಯವರೆಗೆ ಪ್ರಯತ್ನಿಸುವೆ' ಎಂದೂ ಮಿಸ್ತ್ರಿ ಹೇಳಿದ್ದರು. 2006ರಲ್ಲಿ ಸೈರಸ್ ಮಿಸ್ತ್ರಿ ಟಾಟಾ ಸನ್ಸ್ನ ಆಡಳಿತ ಮಂಡಳಿಗೆ ನೇಮಕಗೊಂಡಿದ್ದರು.
ಹಂಗಾಮಿ ಅಧ್ಯಕ್ಷರಾಗಿ ಮರಳಿ ಬಂದಿರುವ ರತನ್ ಟಾಟಾ ಅವರ ಪ್ರಯತ್ನ 'ಕಾನೂನುಬಾಹಿರ ಕ್ರಾಂತಿ' ಎಂದು ವಜಾಗೊಂಡ ಮಿಸ್ತ್ರಿ ಟೀಕಿಸಿದ್ದರು.