ಷೇರು ಕುಸಿತ

ಶುಕ್ರವಾರ ಐಟಿ ಉದ್ಯಮದ ಷೇರುಗಳು ಶೇ. 4ರಷ್ಟು ಕುಸಿತ ಕಂಡಿದ್ದವು. ದೇಶದ ಪ್ರಮುಖ ಐಟಿ ಕಂಪೆನಿಗಳಾದ ಇನ್ಫೊಸಿಸ್‌ ಷೇರುಗಳ ಮೌಲ್ಯ ಶೇ. 2.5, ಟಿಸಿಎಸ್ ಶೇ. 2.18, ವಿಪ್ರೋ ಶೇ 2.18, ಟೆಕ್‌ ಮಹೀಂದ್ರ ಶೇ. 3.80, ಹೆಕ್ಸಾವೇರ್‌ ಟೆಕ್ನಾಲಜೀಸ್‌ ಶೇ 3.73, ಎಚ್‌ಸಿಎಲ್‌ ಟೆಕ್‌ ಶೇ. 3.5 ಷೇರುಗಳ ಮೌಲ್ಯ ಕುಸಿತ ಕಂಡಿತು. 

ಡೊನಾಲ್ಡ್ ಟ್ರಂಪ್ ವಾದ

ಪ್ರಸ್ತುತ 60 ಸಾವಿರ ಅಮೆರಿಕನ್ ಡಾಲರ್ ಸಂಬಳ ಇದ್ದರೆ H-1B ವೀಸಾ ದೊರೆಯುತ್ತಿತ್ತು. ಅದನ್ನು ಈಗ ಕನಿಷ್ಠ 1 ಲಕ್ಷ ಅಮೆರಿಕನ್ ಡಾಲರ್ ಗೆ ಏರಿಸುವ ಉದ್ದೇಶ ಇದೆ. ಅಮೆರಿಕನ್ನರಿಗೆ ಉದ್ಯೋಗಾವಕಾಶ ಹೆಚ್ಚಿಸುವುದು ಈ ನಿಯಮದ ಹಿಂದಿನ ಉದ್ದೇಶವಾಗಿದೆ.
H1-B ವೀಸಾ ಅಮೆರಿಕಾದ ಕಂಪನಿಗಳಲ್ಲಿ ಕೆಲಸ ಮಾಡಲು ವಿದೇಶದಿಂದ ತಜ್ಞ ನೌಕರರನ್ನು ನೇಮಿಸಿಕೊಳ್ಳಲು ಅವಕಾಶ ಮಾಡಿಕೊಡುತ್ತದೆ. ಈ ಹಿನ್ನೆಲೆಯಲ್ಲಿ ಅಮೆರಿಕಾದ ಕೆಲಸಗಾರರಿಗೆ ಉದ್ಯೋಗ ಸಿಗುತ್ತಿಲ್ಲ ಎನ್ನುವುದು ಟ್ರಂಪ್ ವಾದ. ಸ್ಥಳೀಯರ ಉದ್ಯೋಗಾವಕಾಶ ಹೊರಗಿನವರ ಪಾಲಾಗಬಾರದು ಎಂಬ ಕಾರಣಕ್ಕೆ ಅಧ್ಯಕ್ಷ ಹುದ್ದೆ ವಹಿಸಿಕೊಳ್ಳಲಿರುವ ಡೊನಾಲ್ಡ್ ಟ್ರಂಪ್ ವೀಸಾ ನೀತಿ ಜಾರಿಗೆ ತರಲು ಉದ್ದೇಶಿಸಿದ್ದಾರೆ.

ಯುಎಸ್ ಗೆ 86 ಸಾವಿರ ಉದ್ಯೋಗಿಗಳು

2014-15ರ ಅವಧಿಯಲ್ಲಿ ಟಿಸಿಎಸ್, ವಿಪ್ರೋ, ಇನ್ಫೋಸಿಸ್ ಕಂಪೆನಿಗಳು ಎಚ್1-ಬಿ ವೀಸಾದ ಅಡಿಯಲ್ಲಿ ಒಟ್ಟು 86 ಸಾವಿರದಷ್ಟು ಸಾಪ್ಟ್ವೇರ್ ಉದ್ಯೋಗಿಗಳನ್ನು ಅಮೆರಿಕಕ್ಕೆ ಕಳುಹಿಸಿತ್ತು. ಆದರೆ, ಈಗ ನಿಪುಣ ಕೆಲಸಗಾರರ(Skilled worker) ವೀಸಾ ಸಂಪೂರ್ಣ ಸ್ಥಗಿತಗೊಂಡರೆ ಏನು ಗತಿ ಎಂಬ ಆತಂಕ ಮೂಡಿದೆ.