ಚಲಾವಣೆಯಿಂದ ಹಿಂಪಡೆದ ರೂ. 1,000, 500 ಮುಖಬೆಲೆಯ ರೂ. 1.28 ಕೋಟಿ ಹೊಂದಿದ್ದ ಇಬ್ಬರೂ ವ್ಯಕ್ತಿಗಳನ್ನು ಬೆಂಗಳೂರಿನ ಸಿಸಿಬಿ ಪೋಲಿಸರು ವಶಕ್ಕೆ ಪಡೆದಿದ್ದಾರೆ.

ಬಂಧಿತರನ್ನು ಜಮ್ಮಿ ರಾಹುಲ್‌ ಮತ್ತು ಅಜಯ್ ಎಂದು ಗುರುತಿಸಲಾಗಿದ್ದು, ರಿಯಲ್‌ ಎಸ್ಟೇಟ್‌ ಉಧ್ಯಮಿಗಳಾಗಿದ್ದರು.

ಇವರು ಶೇಷಾದ್ರಿಪುರಂನ ಅಪಾರ್ಟ್ ಮೆಂಟ್‌ವೊಂದರಲ್ಲಿ ವಾಸವಿದ್ದು, ರಿಯಲ್‌ ಎಸ್ಟೇಟ್‌ ನಲ್ಲಿ ಗಳಿಸಿದ ಹಣವನ್ನು ನೋಟು ರದ್ದತಿ ನಂತರ ಬದಲಾವಣೆ ಮಾಡಿರಲಿಲ್ಲ ಎನ್ನಲಾಗಿದೆ.

ಮಧ್ಯವರ್ತಿಗಳ ಮೂಲಕ ಕಮಿಷನ್‌ಗೆ ಕೊಟ್ಟು ಹಳೆ ನೋಟುಗಳನ್ನು ಬದಲಾಯಿಸಲು ಯೋಜನೆ ರೂಪಿಸಿದ್ದರು. ಸಿಸಿಬಿ ಪೊಲೀಸರು ದೊರೆತ ಮಾಹಿತಿ ಮೆರೆಗೆ ಕಾರ್ಯಾಚರಣೆ ನಡೆಸಿ, ರೂ. 1.28 ಕೋಟಿ ವಶಕ್ಕೆ ಪಡೆದು ಇಬ್ಬರನ್ನು ಬಂಧಿಸಿದ್ದಾರೆ.