ಜನಧನ ಖಾತೆಗಳ ಕಾರ್ಯಚರಣೆಗೆ ಒಟ್ಟು ರೂ. 774.86 ಕೋಟಿ ವೆಚ್ಚ ತಗುಲಿದೆ ಎಂದು ಭಾರತೀಯ ಸ್ಟೇಟ್ ಬ್ಯಾಂಕ್ ತಿಳಿಸಿದೆ.

ಬ್ಯಾಂಕುಗಳಿಗೆ ಅನುಗುಣವಾಗಿ ಮತ್ತು ವರ್ಷಕ್ಕೆ ಅನುಗುಣವಾಗಿ ಜನಧನ ಖಾತೆಯ ಕಾರ್ಯಚರಣೆಗೆ ತಗುಲಿರುವ ಖರ್ಚುವೆಚ್ಚದ ವಿವರಗಳನ್ನು ನಿರ್ವಹಣೆ ಮಾಡಿಲ್ಲ.

ಆದಾಗ್ಯೂ, ಡಿಸೆಂಬರ್ 31, 2016ಕ್ಕೆ ಜನಧನ ಖಾತೆಯ ಕಾರ್ಯಚರಣೆಗೆ ಒಟ್ಟು 774.86 ಕೋಟಿ ವೆಚ್ಚ ತಗುಲಿದೆ ಎಂದು ಎಸ್ಬಿಐ ವರದಿ ಮಾಡಿದೆ.

ನವೆಂಬರ್ 16ರ ವರೆಗೆ ಒಟ್ಟು 64,252.15 ಕೋಟಿ ರೂ. ಜಮಾ ಆಗಿದೆ ಕೇಂದ್ರ ಹೇಳಿದೆ. ಜನಧನ ಖಾತೆಗೆ ಹಣ ಜಮಾವಣೆಯಾಗಿರುವುದರಲ್ಲಿ ಉತ್ತರ ಪ್ರದೇಶ ಮೊದಲ ಸ್ಥಾನದಲ್ಲಿದೆ. ಉತ್ತರ ಪ್ರದೇಶದಲ್ಲಿ 3.79 ಕೋಟಿ ಖಾತೆಗಳಲ್ಲಿ 10,670.62 ಕೋಟಿ ಜಮಾ ಆಗಿದೆ. ಪಶ್ಚಿಮ ಬಂಗಾಳದಲ್ಲಿ 2.44 ಕೋಟಿ ಖಾತೆಯಲ್ಲಿ 7,826.44 ಕೋಟಿ, ರಾಜಸ್ಥಾನದ 1.89 ಕೋಟಿ ಖಾತೆಗಳಲ್ಲಿ 4,912.79 ಕೋಟಿ ಹಣ ಜಮಾ ಆಗಿದೆ.