ಇಂಗ್ಲೆಂಡ್ ನಲ್ಲಿ ಮದ್ಯದ ದೊರೆ ವಿಜಯ್ ಮಲ್ಯ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಸ್ಥಳೀಯ ನ್ಯಾಯಾಲಯ ವೆಸ್ಟ್ ಮಿನಿಸ್ಟರ್ ಕೋರ್ಟಿಗೆ ಹಾಜರುಪಡಿಸಿ ನಂತರ ಭಾರತಕ್ಕೆ ಗಡಿಪಾರು ಮಾಡುವ ಸಾಧ್ಯತೆಗಳಿವೆ ಎನ್ನಲಾಗಿದೆ.

ಎಸ್ಬಿಐ ಸೇರಿದಂತೆ ದೇಶದ ಹಲವಾರು ಬ್ಯಾಂಕುಗಳಿಂದ ರೂ. 9,000 ಸಾವಿರ ಸಾಲ ಪಡೆದು ಅದನ್ನು ತೀರಿಸಲಾಗದೆ ದೇಶವನ್ನು ಬಿಟ್ಟು ಹೋಗಿದ್ದರು.

ಈ ಹಿಂದೆ ಲಂಡನ್ ನಲ್ಲಿ ವಾಸವಾಗಿದ್ದ ವಿಜಯ್ ಮಲ್ಯರನ್ನು ಭಾರತಕ್ಕೆ ಗಡಿಪಾರು ಮಾಡಿ ಕೋರ್ಟಿಗೆ ಕರೆ ತರಲು ಜಾರಿ ನಿರ್ದೇಶನಾಲಯ ಹಾಗೂ ಸಿಬಿಐ ಸೇರಿದಂತೆ ತನಿಖಾಧಿಕಾರಿಗಳು ಕೋರಿದ್ದರು.

ಕಳೆದ ದಿನಗಳ ಹಿಂದೆ ಭಾರತದ ಮನವಿಯನ್ನು ಸ್ವೀಕರಿಸಿದ್ದ ಇಂಗ್ಕೆಂಡ್ ಸರ್ಕಾರ, ವಿಜಯ್ ಮಲ್ಯರನ್ನು ಭಾರತಕ್ಕೆ ಒಪ್ಪಿಸಲು ಸಿದ್ಧ ಎಂದು ತಿಳಿಸಿತ್ತು. ಯುಕೆ ಕೋರ್ಟಿನ ವಿಧಿ ವಿಧಾನಗಳು ಮುಗಿದ ಬಳಿಕ ಮಲ್ಯರನ್ನು ದೇಶಕ್ಕೆ ಕರೆ ತರಲು ಸಿಬಿಐ ಮುಂದಾಗಿದೆ.