ಕೇಂದ್ರ ಸರ್ಕಾರ ಹಣಕಾಸು ವರ್ಷವನ್ನು ಏಪ್ರಿಲ್ ಬದಲಾಗಿ ಕ್ಯಾಲೆಂಡರ್ ವರ್ಷ ಜನೆವರಿಯಿಂದ ಜಾರಿಗೆ ತರುವ ಬಗ್ಗೆ ಗಂಭೀರವಾಗಿ ಪರಿಶೀಲಿಸುತ್ತಿದೆ.

ಹಿಂದಿನಂತೆ ಏಪ್ರಿಲ್-ಮಾರ್ಚ್ ಬದಲಿಗೆ, 2018ರಿಂದ ಜನೆವರಿಯಿಂದ ಡಿಸೆಂಬರ್ ವರೆಗೆ ಹಣಕಾಸು ವರ್ಷ ಜಾರಿ ತರುವ ನಿರ್ಧಾರ ಅಂತಿಮವಾಗಿ ಕಾರ್ಯರೂಪಕ್ಕೆ ಬಂದರೆ 150 ವರ್ಷಗಳ ಹಳೆಯ ಸಂಪ್ರದಾಯ ಕೊನೆಗಾಣಲಿದೆ.

ಪ್ರಧಾನಿ ನರೇಂದ್ರ ಮೋದಿಯವರು ಕ್ಯಾಲೆಂಡರ್ ವರ್ಷಕ್ಕೆ ಅನುಗುಣವಾಗಿ ಆರ್ಥಿಕ ವರ್ಷ ಬದಲಾಯಿಸುವ ಬಗ್ಗೆ ಆಸಕ್ತಿ ಹೊಂದಿದ್ದಾರೆ ಎನ್ನಲಾಗಿದೆ.

ಹಣಕಾಸು ವರ್ಷ ಬದಲಿಸುವುದರ ಬಗ್ಗೆ ಅಧ್ಯಯನ ನಡೆಸಿ ವರದಿ ಸಲ್ಲಿಸುವಂತೆ ಸಮಿತಿ ರಚಿಸಲಾಗಿತ್ತು. ಉನ್ನತ ಮಟ್ಟದ ಸಮಿತಿ ಈಗಾಗಲೇ ಹಣಕಾಸು ಸಚಿವಾಲಯಕ್ಕೆ ತನ್ನ ವರದಿ ಒಪ್ಪಿಸಿದೆ.

ಹಣಕಾಸು ವರ್ಷ ಬದಲಿಸುವ ಕುರಿತು ನೀತಿ ಆಯೋಗ ಈಗಾಗಲೇ ಒಲವು ವ್ಯಕ್ತಪಡಿಸಿದ್ದು, ಮಧ್ಯಪ್ರದೇಶ ಸರ್ಕಾರ 2018ರಿಂದ ಹಣಕಾಸು ವರ್ಷ ಬದಲಿಸುವುದಾಗಿ ಘೋಷಿಸಿದ ಮೊದಲ ರಾಜ್ಯ ಎನಿಸಿದೆ.