ಸರ್ಕಾರಿ ಸ್ವಾಮ್ಯದ ಭಾರತ ಸಂಚಾರ ನಿಗಮ ಲಿಮಿಟೆಡ್ (ಬಿಎಸ್ಎನ್ಎಲ್) ಸಂಸ್ಥೆ ಮೊಬೈಲ್ ವಾಲೆಟ್ ಪ್ರಮುಖ ಇ-ಕಾಮರ್ಸ್ ಕಂಪನಿ ಮೊಬಿಕ್ವಿಕ್ ಸಹಭಾಗಿತ್ವದಲ್ಲಿ ಹೊಸ ಮೊಬೈಲ್ ವಾಲೆಟ್ ಅನಾವರಣ ಮಾಡಿದೆ.

ದೇಶದಾದ್ಯಂತ ಬಿಎಸ್ಎನ್ಎಲ್ ಡಿಜಿಟಲ್ ವಾಲೆಟ್ ಮೂಲಕ ಹದಿನೈದು ಲಕ್ಷ ವ್ಯಾಪಾರಿಗಳ ನಗದುರಹಿತ ವಹಿವಾಟು ನಡೆಸಬಹುದು. ನಗದುರಹಿತ ಡಿಜಿಟಲೀಕರಣ ಉತ್ತೇಜನಕ್ಕಾಗಿ ಸರ್ಕಾರ ಈ ಮಹತ್ವದ ಹೆಜ್ಜೆ ಇಟ್ಟಿದೆ.

ಗ್ರಾಹಕರು ಬಸ್ ಮತ್ತು ರೇಲ್ವೆ ಟಿಕೇಟ್, ಬಿಲ್ ಪೇಮೆಂಟ್ಸ್, ಆನ್ಲೈನ್ ಪಾವತಿಗಳನ್ನು ಆಪ್ ಮೂಲಕ ಮಾಡಬಹುದಾಗಿದೆ. ಬಿಎಸ್ಎನ್ಎಲ್ ವಾಲೆಟ್ ಮೂಲಕ ಅರೆ ನಗರ ಹಾಗು ಗ್ರಾಮೀಣ ಪ್ರದೇಶಗಳಿಗೆ ನಗದುರಹಿತ ಉತ್ತೇಜನ ಸಾಧ್ಯವಾಗಲಿದೆ.