ಪ್ರಧಾನಿ ಮೋದಿ ಸರ್ಕಾರದ ಮಹತ್ವಾಕಾಂಕ್ಷೆಯ ಚಿನ್ನದ ಬಾಂಡ್ ಯೋಜನೆಯಡಿ ಮತ್ತೆ ನೋಂದಣಿಗೆ ಅಕ್ಟೋಬರ್ 23-25 ರವರೆಗೆ ಅವಕಾಶ ನೀಡಿದ್ದು, ಪ್ರತಿ ಗ್ರಾಂ ಗೆ ರೂ. 2,971 ನಿಗದಿ ಮಾಡಲಾಗಿದೆ.

ಚಿನ್ನದ ಬಾಂಡ್ ಯೋಜನೆ ಅನ್ವಯ ಗ್ರಾಹಕರು 1 ಗ್ರಾಂ ನಿಂದ 4kg ವರೆಗೆ ಚಿನ್ನದ ಬಾಂಡ್ ಖರೀದಿಸಬಹುದಾಗಿದೆ. ಟ್ರಸ್ಟ್, ಸಂಘ -ಸಂಸ್ಥೆಗಳಿಗೆ 20kg ವರೆಗೆ ಚಿನ್ನದ ಬಾಂಡ್ ಖರೀದಿಸಲು ಅವಕಾಶ ಕಲ್ಪಿಸಲಾಗಿದೆ.

2017 -18 ನೇ ಸಾಲಿನ 3 ನೇ ಕಂತಿನ ಚಿನ್ನದ ಬಾಂಡ್ ನೋಂದಣಿ ಇದೇ ಅಕ್ಟೋಬರ್ 23 ರಿಂದ 25 ರವರೆಗೆ ನಡೆಯಲಿದೆ. ಆನ್ ಲೈನ್ ಮತ್ತು ಡಿಜಿಟಲ್ ವಹಿವಾಟು ನಡೆಸುವ ಗ್ರಾಹಕರಿಗೆ ಪ್ರತಿ ಗ್ರಾಂ ಚಿನ್ನದ ದರದಲ್ಲಿ ರೂ. 50 ರಿಯಾಯಿತಿ ಸಿಗಲಿದೆ.