ನೋಟು ನಿಷೇಧ ಜನರ ಹಣ ಉಳಿತಾಯ ಮಾಡುವ ರೀತಿಯಲ್ಲಿ ಗಮನಾರ್ಹ ಬದಲಾವಣೆಯನ್ನು ತಂದಿದೆ ಎಂದು ಹಣಕಾಸು ಸಚಿವಾಲಯ ಹೇಳಿದೆ.

ಬ್ಯಾಂಕ್ ಠೇವಣಿಗಳು ಮತ್ತು ಮಾರುಕಟ್ಟೆಯ ವಿವಿಧ ವಿಧಾನಗಳಲ್ಲಿ ಜನರು ಹೆಚ್ಚಿನ ಹಣವನ್ನು ಹೂಡಿಕೆ ಮಾಡಿದ್ದು, 2016 -17ರ ಸಾಲಿನಲ್ಲಿ ಉಳಿತಾಯ ಹೂಡಿಕೆ, ಷೇರು, ಡಿಬೆಂಚರ್, ಇನ್ಶೂರೆನ್ಸ್ ಫಂಡ್, ಪಿಂಚಣಿ ಫಂಡ್ ಎಲ್ಲವೂ ಶೇ. 48ರಷ್ಟು ಹೆಚ್ಚಳ ಕಂಡಿದೆ.

ಅಲ್ಲದೇ ಜುಲೈ 2016 ರಿಂದ ಜುಲೈ 2017ರ ಅವಧಿಯಲ್ಲಿ ಮ್ಯೂಚುವಲ್ ಫಂಡ್‍ಗಳಲ್ಲಿ ಶೇ. 45ರಷ್ಟು ಏರಿಕೆ ಕಂಡಿದೆ ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ.

2016ರ ಸಾಲಿನಲ್ಲಿ ಈಕ್ವಿಟಿ ಷೇರು ಮತ್ತು ಮ್ಯೂಚುವಲ್ ಫಂಡ್ ಗಳು ಶೇ. 5.29 ರಿಂದ ಶೇ. 11.04ಕ್ಕೆ ಎರಡು ಪಟ್ಟು ಏರಿಕೆಯಾಗಿದೆ.