ಮುಂಬೈ ಮೂಲದ ಕಡಿಮೆ ವೆಚ್ಚದ ವಿಮಾನಯಾನ ಸಂಸ್ಥೆ ಗೋ ಏರ್ ಶುಕ್ರವಾರ ಕಡಿಮೆ ದರದ ವಿಮಾನ ಟಿಕೆಟ್ ಗಳನ್ನು ಪ್ರಾರಂಭಿಸಿದೆ.

ಗೋ ಏರ್ ಕಂಪನಿ 12ನೇ ವಾರ್ಷಿಕೋತ್ಸವದ ಆಚರಣೆಯ ಸಮಯದಲ್ಲಿ ಪ್ರಚಾರಾರ್ಥವಾಗಿ 'The 12th Fares' ಸೌಲಭ್ಯ ಬಿಡುಗಡೆ ಮಾಡಿದೆ.

ಪ್ರಯಾಣಿಕರು ಡಿಸೆಂಬರ್ 1 2107ರಿಂದ ಅಕ್ಟೋಬರ್ 28, 2018ರವರೆಗಿನ ಅವಧಿಯೊಳಗೆ ಟಿಕೆಟ್ ಗಳನ್ನು ಖರೀದಿಸಬಹುದು. ಪ್ರಾರಂಭ ದರ ರೂ. 312 ರಿಂದ ರೂ. 2412 ವರೆಗೆ ಇರಲಿದೆ.

'The 12th Fares' ಸೌಲಭ್ಯ ಹೊಸ ದೆಹಲಿ, ಕೊಚ್ಚಿ, ಬೆಂಗಳೂರು, ಹೈದರಾಬಾದ್, ಚೆನ್ನೈ, ಅಹಮದಾಬಾದ್ ಮತ್ತು ಲಕ್ನೋ ನಗರಗಳ 54 ಮಾರ್ಗಗಳ ನಡುವೆ ಲಭ್ಯವಿರುತ್ತದೆ.

ಮೊದಲು ಬಂದವರಿಗೆ ಮೊದಲ ಆದ್ಯತೆ ಆಧಾರದ ಮೇಲೆ ನವೆಂಬರ್ 24 ರಿಂದ ನವೆಂಬರ್ 29ರ ವರೆಗೆ, ಗೋ ಏರ್ ವೆಬ್ಸೈಟ್ www.Goair.in, GoAir ಏರ್ ಪೋರ್ಟ್ ಕಛೇರಿಗಳು, GoAir App ಮೂಲಕ ಟಿಕೇಟ್ ಗಳನ್ನು ಖರೀದಿಸಬಹುದಾಗಿದೆ.