ಅನಿಲ್ ಅಂಬಾನಿ ನೇತೃತ್ವದ ರಿಲಯನ್ಸ್ ಕಮ್ಯೂನಿಕೇಶನ್ಸ್ ಸಂಸ್ಥೆಯ ಸಾಲದ ಹೊರೆ ಕಡಿಮೆ ಮಾಡಲು ಡಿಟಿಎಚ್ ಬಿಗ್ ಟಿವಿಯನ್ನು ಮಾರಾಟ ಮಾಡುತ್ತಿದೆ.

ರಿಲಯನ್ಸ್ ಬಿಗ್ ಟಿವಿಯನ್ನು ಮಾರಾಟ ಮಾಡಲು ಪಾಂಟೆಲ್ ಟೆಕ್ನಾಲಜೀಸ್ ಮತ್ತು ವೀಕಾನ್ ಮೀಡಿಯಾ & ಟೆಲಿವಿಷನ್ ಜೊತೆಗೆ ಒಪ್ಪಂದ ಮಾಡಿಕೊಂಡಿದೆ. ಆದರೆ ಅದನ್ನು ಎಷ್ಟು ಮೊತ್ತಕ್ಕೆ ಮಾರಾಟ ಮಾಡಿದೆ ಎಂಬುದನ್ನು ಬಹಿರಂಗಪಡಿಸಲಿಲ್ಲ.

ಈ ಒಪ್ಪಂದ ಕೆಲವು ನಷ್ಟಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದು ARCOM ಷೇರುದಾರರು ಮತ್ತು ಸಾಲದಾತರಿಗೆ ಪ್ರಯೋಜನವನ್ನು ನೀಡಲಿದೆ ಕಂಪನಿಯು ಹೇಳಿದೆ. ಈ ಮಾರಾಟದಿಂದ, ಅಸ್ತಿತ್ವದಲ್ಲಿರುವ 12 ಲಕ್ಷ ಗ್ರಾಹಕರಿಗೆ ಯಾವುದೇ ಅಡ್ಡಿ ಇಲ್ಲ ಎಂದು ಬಿಗ್ ಟಿವಿ ಹೇಳಿದೆ.

ರಿಲಯನ್ಸ್ ಕಮ್ಯೂನಿಕೇಶನ್ಸ್ ಸಂಸ್ಥೆಯ ಈ ಮಹತ್ವದ ನಿರ್ಧಾರದಿಂದಾಗಿ ರಿಲಯನ್ಸ್ ಬಿಗ್ ಟಿವಿಯ 500 ಉದ್ಯೋಗಿಗಳ ನೌಕರಿಗೆ ಯಾವುದೇ ಧಕ್ಕೆ ಇಲ್ಲ.ಈಗಾಗಲೇ ಬಿಗ್ ಟಿವಿಯ ಡಿಟಿಎಚ್ ಪರವಾನಿಗಿ ನವೀಕರಣ ಮಾಡಲಾಗಿದೆ.