ಏಳೆಂಟು ವರ್ಷಗಳಲ್ಲಿ 1 ಲಕ್ಷ ಸ್ಟಾರ್ಟ್ಅಪ್ ಗಳು ಅಸ್ತಿತ್ವ: ಮೋಹನದಾಸ್ ಪೈ
ಭಾರತದಲ್ಲಿ ಮುಂದಿನ ಏಳೆಂಟು ವರ್ಷಗಳಲ್ಲಿ ಒಂದುಲಕ್ಷ ಸ್ಟಾರ್ಟ್ಅಪ್ ಗಳು ಅಸ್ತಿತ್ವಕ್ಕೆ ಬರಲಿದ್ದು, 32.5 ಲಕ್ಷ ಜನರಿಗೆ ಉದ್ಯೋಗಾವಕಾಶ ಸಿಗಲಿದೆ ಎಂದು ಮಣಿಪಾಲ್ ಗ್ಲೋಬಲ್ ಎಜುಕೇಶನ್ ಅಧ್ಯಕ್ಷ ಮೋಹನ್ ದಾಸ್ ಪೈ ಹೇಳಿದ್ದಾರೆ.
ಭಾರತದಲ್ಲಿ ಮುಂದಿನ ಏಳೆಂಟು ವರ್ಷಗಳಲ್ಲಿ ಒಂದುಲಕ್ಷ ಸ್ಟಾರ್ಟ್ಅಪ್ ಗಳು ಅಸ್ತಿತ್ವಕ್ಕೆ ಬರಲಿದ್ದು, 32.5 ಲಕ್ಷ ಜನರಿಗೆ ಉದ್ಯೋಗಾವಕಾಶ ಸಿಗಲಿದೆ ಎಂದು ಮಣಿಪಾಲ್ ಗ್ಲೋಬಲ್ ಎಜುಕೇಶನ್ ಅಧ್ಯಕ್ಷ ಮೋಹನ್ ದಾಸ್ ಪೈ ಹೇಳಿದ್ದಾರೆ.
ಭವಿಷ್ಯತ್ತಿನಲ್ಲಿ ಈ ಸ್ಟಾರ್ಟ್ಅಪ್ ಗಳು (ನವೋದ್ಯಮ) ಭಾರತದ ಸಮಸ್ಯೆಗಳನ್ನು ಪರಿಹರಿಸಲಿವೆ ಎಂದು ರಾಜಸ್ಥಾನ ಡಿಜಿಫೆಸ್ಟ್ನಲ್ಲಿ ಭಾಗವಹಿಸಿ ಮಾತನಾಡುತ್ತಿದ್ದರು.
2025 ರ ವೇಳೆಗೆ ದೇಶದಾದ್ಯಂತ ಒಂದು ಲಕ್ಷ ಸ್ಟಾರ್ಟ್ಅಪ್ ಗಳು ಇರಲಿವೆ ಎಂಬುದು ನನ್ನ ನಂಬಿಕೆ. ಇದರಿಂದ 32.5 ಲಕ್ಷ ಜನರಿಗೆ ಉದ್ಯೋಗ ಸಿಗುವುದರ ಜತೆಗೆ ಹೂಡಿಕೆದಾರರು ಉತ್ತಮ ಲಾಭ ಮಾಡಿಕೊಳ್ಳಲಿದ್ದಾರೆ ಎಂದರು.
ಪ್ರಸ್ತುತ 32 ಸಾವಿರ ಸ್ಟಾರ್ಟ್ಅಪ್ ಗಳಿದ್ದು, ಪ್ರತಿವರ್ಷ 7 ಸಾವಿರ ಕಂಪನಿಗಳು ಬರುತ್ತಿವೆ. ತಂತ್ರಜ್ಞಾನದ ಬಳಕೆಯ ಮೂಲಕ ಯುವಕರು ಕಷ್ಟಕರ ಸವಾಲುಗಳನ್ನು ಪರಿಹರಿಸುತ್ತಿದ್ದಾರೆ. ಯುವಜನರ ಅವಿಷ್ಕಾರಗಳು ಭಾರತವನ್ನು ಬದಲಿಸಲಿದೆ. ಈಗಾಗಲೇ ಶಿಕ್ಷಣ, ಆರೋಗ್ಯ, ಇ-ಕಾಮರ್ಸ್ ಕ್ಷೇತ್ರಗಳಲ್ಲಿ ನವೋದ್ಯಮದ ಪರಿಣಾಮಗಳು ಕಂಡು ಬಂದಿದೆ.
ಭಾರತ ಸ್ಟಾರ್ಟ್ಅಪ್ ಗಳ ಸ್ಥಾಪನೆಯಲ್ಲಿ ಅಮೆರಿಕಾ ಮತ್ತು ಚೀನಾ ನಂತರದ ಮೂರನೇ ಸ್ಥಾನದಲ್ಲಿದೆ ಎಂದಿದ್ದಾರೆ.