ಭಾರತದ ಟ್ಯಾಕ್ಸಿ ದೈತ್ಯ ಓಲಾ ಸಂಸ್ಥೆ ಜನರಿಗೆ ಸಾರಿಗೆ ಸೇವೆಗಳನ್ನು ನೀಡುವುದಕ್ಕೆ ಮಾತ್ರ ಸಿಮೀತವಾಗದೆ, ತನ್ನ ಉದ್ದೇಶಗಳನ್ನು ಬೇರೆ ಕ್ಷೇತ್ರಗಳಿಗೂ ವಿಸ್ತರಿಸಲು ಮುಂದಾಗಿದೆ.

ಆಹಾರ ವಿತರಣಾ ಸಂಸ್ಥೆಯಾಗಿರುವ ಪುಡ್ ಫಂಡಾ ವ್ಯವಹಾರವನ್ನು ಸ್ವಾಧೀನಪಡಿಸಿಕೊಂಡಿದೆ ಎಂದು ಬೆಂಗಳೂರು ಮೂಲದ ಓಲಾ ಕಂಪನಿ ಹೇಳಿದೆ. ಒಲಾ ಸಂಸ್ಥೆ ಫುಡ್ ಫಂಡಾ ಇಂಡಿಯಾದಲ್ಲಿ 200 ಮಿಲಿಯನ್ ಡಾಲರ್ (ರೂ . 1,282 ಕೋಟಿ) ಹೂಡಿಕೆ ಮಾಡಲಿದೆ.

ಪುಡ್ ಫಂಡಾ ಇಂಡಿಯಾದ ಸುಮಾರು 800ಕ್ಕಿಂತ ಅಧಿಕ ಉದ್ಯೋಗಿಗಳು ಓಲಾದ ಭಾಗವಾಗಲಿದ್ದಾರೆ ಎಂದು ಓಲಾ ಸಿಇಒ ಭವಿಷ್ ಅಗರ್ ವಾಲ್ ಹೇಳಿದ್ದಾರೆ. ಆನ್ಲೈನ್ ಕಾಮರ್ಸ್ ನಲ್ಲಿ ಆಹಾರ ವಿತರಣೆ ತುಂಬಾ ವೇಗವಾಗಿ ಬೆಳೆಯುತ್ತಿರುವ ಉದ್ಯಮವಾಗಿದೆ.

ಪುಡ್ ಫಂಡಾ ಈಗಾಗಲೇ ಬ್ರಾಂಡ್ ನೇಮ್, ವಿತರಣಾ ಜಾಲ ಮತ್ತು ಅಸ್ತಿತ್ವದಲ್ಲಿರುವ ರೆಸ್ಟೋರೆಂಟ್ ಪಾಲುದಾರರನ್ನು ಹೊಂದಿದೆ. ಆದ್ದರಿಂದ ಪ್ರಾರಂಭದ ಹಂತದಿಂದ ವ್ಯವಹಾರ ಅಭಿವೃದ್ಧಿಪಡಿಸಬೇಕಾಗಿಲ್ಲ ಎಂದು ಜಸ್ಪಾಲ್ ಸಿಂಗ್ ಹೇಳಿದ್ದಾರೆ.