ಕೇಂದ್ರ ಮಾಡಿದ್ದೇನು?

ಕೇಂದ್ರ ಸರ್ಕಾರ ವಿದೇಶಗಳಲ್ಲಿರುವ ಭಾರತೀಯರ ಕಪ್ಪು ಹಣ ಪತ್ತೆಗೆ ಕ್ರಮ ಕೈಗೊಳ್ಳುವುದಾಗಿ ಘೋಷಿಸಿದ ಬಳಿಕ ಸತತ ಮೂರು ವರ್ಷ ಸ್ವಿಸ್ ಬ್ಯಾಂಕ್ ಗಳಲ್ಲಿ ಠೇವಣಿಯಾದ ಹಣದ ಪ್ರಮಾಣ ಕಡಿಮೆಯಾಗಿತ್ತು. ಆದರೆ ಆಶ್ಚರ್ಯಕರ ರೀತಿಯಲ್ಲಿ ಕಳೆದ ಸಾಲಿನಲ್ಲಿ ರೂ. 7000 ಕೋಟಿ ಹಣ ಸ್ವೀಸ್ ಬ್ಯಾಂಕಿನಲ್ಲಿ ಜಮಾವಣೆಯಾಗಿತ್ತು.

ಇಲ್ಲಿಯವರೆಗಿನ ದಾಖಲೆ!

2016ರಲ್ಲಿ ಭಾರತೀಯರು ಕೇವಲ ರೂ. 4500 ಕೋಟಿ ಹಣ ಜಮೆ ಮಾಡುವ ಮೂಲಕ ಶೇ. 45ರಷ್ಟು ಈ ಪ್ರಮಾಣ ಕಡಿಮೆಯಾಗಿತ್ತು. ಆದರೆ ಭಾರತೀಯರು 2006ರಲ್ಲಿ ರೂ. 23 ಸಾವಿರ ಕೋಟಿ ಹಣ ಜಮೆ ಮಾಡಿರುವುದು ಇಲ್ಲಿಯವರೆಗೆ ದಾಖಲೆಯಾಗಿ ಉಳಿದಿದೆ.

ಇತರೆ ರೂಪದ ಹಣ

ಇತ್ತೀಚಿನ ಅಂಕಿಅಂಶಗಳ ಪ್ರಕಾರ, ಸ್ವಿಸ್ ಬ್ಯಾಂಕ್ ಗಳಲ್ಲಿ ಭಾರತೀಯ ಹಣ ಗ್ರಾಹಕ ಠೇವಣಿಗಳ ರೂಪದಲ್ಲಿ ರೂ. 3,200 ಕೋಟಿ (CHF 464 ಮಿಲಿಯನ್), ಇತರ ಬ್ಯಾಂಕ್ ಗಳ ಮೂಲಕ ರೂ. 1,050 ಕೋಟಿ ಮತ್ತು ಭದ್ರತಾ ಠೇವಣಿಗಳ ಮೂಲಕ ರೂ. 2,640 ಕೋಟಿ ಜಮೆ ಮಾಡಲಾಗಿದೆ.