ಸಣ್ಣ ಉಳಿತಾಯ ಯೋಜನೆಗಳಾದ ಪಿಪಿಎಫ್, ಅಂಚೆ ಕಚೇರಿ ಯೋಜನೆ, ಎನ್ಎಸ್ಸಿ ಇತ್ಯಾದಿಗಳ ಮೇಲಿನ ಬಡ್ಡಿದರವನ್ನು ಸ್ಥಿರವಾಗಿ ಉಳಿಸಿದ್ದು, ಯಾವುದೇ ಬದಲಾವಣೆ ಮಾಡಿಲ್ಲ.

ಪ್ರಸಕ್ತ ಹಣಕಾಸು ಸಾಲಿನ ಎರಡನೇ ತ್ರೈಮಾಸಿಕದಲ್ಲಿ (ಜುಲೈ-ಸೆಪ್ಟಂಬರ್) ಸಣ್ಣ ಯೋಜನೆಗಳ ಮೇಲಿನ ಬಡ್ಡಿದರವನ್ನು ಸರ್ಕಾರ ಸ್ಥಿರವಾಗಿ ಇಟ್ಟುಕೊಂಡಿದೆ.

ಆರ್ಥಿಕತೆಯಲ್ಲಿನ ಬಡ್ಡಿದರಗಳ ಹೆಚ್ಚಳದ ಕಾರಣ, ಸಣ್ಣ ಉಳಿತಾಯ ಯೋಜನೆಗಳ ಮೇಲೆ ಸರ್ಕಾರವು ಬಡ್ಡಿದರಗಳನ್ನು ಹೆಚ್ಚಿಸುತ್ತದೆ ಎಂದು ನಿರೀಕ್ಷಿಸಲಾಗಿತ್ತು.

ಸ್ಥಿರ ತಿಂಗಳ ವರಮಾನ ಇಷ್ಟಪಡುವ ಗ್ರಾಹಕರಿಗೆ ಪಿಪಿಎಫ್, ಎನ್ಎಸ್ಸಿ, ಅಂಚೆ ಕಛೇರಿ ಮಾಸಿಕ ಆದಾಯದ ಯೋಜನೆ ಮತ್ತು ಹಿರಿಯ ನಾಗರಿಕರ ಉಳಿತಾಯ ಯೋಜನೆಗಳು ಜನಪ್ರಿಯವಾಗಿವೆ.