ಸೆಪ್ಟೆಂಬರ್ 15ರಿಂದ ಆಧಾರ್ ಬಳಕೆದಾರರ ಮುಖ ದೃಢೀಕರಣ ಕಡ್ಡಾಯ

ವಿಶಿಷ್ಟ ಗುರುತಿನ ಸಂಖ್ಯೆ ಪ್ರಾಧಿಕಾರ (ಯುಐಡಿಎಐ) ಪ್ರಮುಖ ನಿರ್ಧಾರ ಕೈಗೊಂಡಿದ್ದು, ಯಾವುದೇ ಕೆಲಸಕ್ಕೆ ಆಧಾರ್ ಸಂಖ್ಯೆ, ಬೆರಳಚ್ಚು ಜೊತೆಗೆ ಮುಖ ದೃಢೀಕರಣ ಅಗತ್ಯವೆಂದು ತಿಳಿಸಿದೆ.

ಬ್ಯಾಂಕ್ ಖಾತೆ, ಹೊಸ ಸಿಮ್ ಖರೀದಿಸುವಾಗ ಆಧಾರ್ ಕಾರ್ಡ್ ನೊಂದಿಗೆ ಬೆರಳಚ್ಚು, ಮುಖದ ದೃಢೀಕರಣ ನೀಡಬೇಕಾಗುತ್ತದೆ ಯುಐಡಿಎಐ ಹೇಳಿದೆ.

ಆಧಾರ್ ಸುರಕ್ಷತೆಯ ದೃಷ್ಟಿಯಿಂದ ಈ ನಿಯಮ ಜಾರಿ ತರಲಾಗುವುದು ಎಂದಿದೆ. ಇದರಿಂದಾಗಿ ವೃದ್ಧರ ಬೆರಳಚ್ಚು ಸಮಸ್ಯೆಗೆ ಪರ್ಯಾಯವಾಗಲಿದೆ. ಬರುವ ಸೆಪ್ಟೆಂಬರ್ 15ರಿಂದ ಟೆಲಿಕಾಂ ಕಂಪನಿಗಳಿಗೆ ಒದಗಿಸಬೇಕಾಗುತ್ತದೆ.

ಇಷ್ಟು ದಿನ ಈ ಯೋಜನೆಯನ್ನು ಮುಂದೂಡುತ್ತಾ ಬಂದಿದ್ದ ಯುಐಡಿಎಐ, ಸೆಪ್ಟೆಂಬರ್ 15ರಿಂದ ಹಂತ ಹಂತವಾಗಿ ಜಾರಿಗೆ ತರಲು ನಿರ್ಧರಿಸಿದೆ. ಹೊಸ ಸಿಮ್ ನೀಡುವ ವೇಳೆ ಬೆರಳಚ್ಚಿನ ಜೊತೆ ಮುಖದ ದೃಢೀಕರಣ ಪಡೆಯಬೇಕಾಗುತ್ತದೆ. ಇದನ್ನು ಉಲ್ಲಂಘನೆ ಮಾಡಿದ್ರೆ ದಂಡ ವಿಧಿಸಲಾಗುವುದು ಎಂದು ಯುಐಡಿಎಐ ಹೇಳಿದೆ.