ಐಡಿಯಾ, ವೋಡಾಫೋನ್ ವಿಲೀನ: ಮೊದಲ ಸ್ಥಾನ ಕಳೆದುಕೊಂಡ ಏರ್ಟೆಲ್

ವೋಡಾಫೋನ್, ಐಡಿಯಾ ಒಪ್ಪಂದ

ಜಿಯೋಗೆ ಎದುತರೇಟು ನೀಡಲು ಮಾರ್ಚ್ 20, 2017 ರಲ್ಲಿ ವೋಡಾಫೋನ್ ಹಾಗೂ ಐಡಿಯಾ ಮಹತ್ವದ ನಿರ್ಧಾರ ತೆಗೆದುಕೊಂಡು, ವಿಲೀನ ಒಪ್ಪಂದ ಘೋಷಣೆ ಮಾಡಿದ್ದವು. ಇದೀಗ ಅಧಿಕೃತ ಒಪ್ಪಿಗೆ ಸಿಕ್ಕಿದ್ದು, ವೋಡಾಫೋನ್ ಹಾಗೂ ಐಡಿಯಾ ಅತಿ ದೊಡ್ಡ ಸಂಸ್ಥೆಯಾಗಿ ಹೊರಹೊಮ್ಮಿದೆ.

ಐಡಿಯಾ, ವೋಡಾಫೋನ್ ನಂಬರ್ ಒನ್

ದೂರಸಂಪರ್ಕ ವಲಯದಲ್ಲಿ ಕಳೆದ 15 ವರ್ಷಗಳಿಂದ ಏರ್ಟೆಲ್ ಮೊದಲ ಸ್ಥಾನದಲ್ಲಿತ್ತು. ಐಡಿಯಾ, ವೋಡಾಫೋನ್ ವಿಲೀನದ ನಂತರ ಮೊದಲ ಸ್ಥಾನ ಇವುಗಳ ಪಾಲಾಗಿದೆ. ಈ ಎರಡೂ ಕಂಪನಿಗಳು 44 ಕೋಟಿ ಗ್ರಾಹಕರನ್ನು ಹೊಂದಿವೆ.

ಐಡಿಯಾ ಷೇರು ಏರಿಕೆ, ಏರ್ಟೆಲ್ ಷೇರು ಇಳಿಕೆ

ಐಡಿಯಾ, ವೋಡಾಫೋನ್ ಅಧಿಕೃತ ಒಪ್ಪಿಗೆ ನಂತರ ಐಡಿಯಾ ಕಂಪನಿಯ ಷೇರು ದರದಲ್ಲಿ ಏರಿಕೆಯಾಗಿದೆ. ಶುಕ್ರವಾರ ಶೇ. 1.81 ರಷ್ಟು ಹೆಚ್ಚಳದೊಂದಿಗೆ ಷೇರು ಬೆಲೆ ರೂ. 50.75 ಆಗಿದೆ. ಏರ್ಟೆಲ್ ಷೇರಿನಲ್ಲಿ ಶೇ. 0.25 ರಷ್ಟು ಇಳಿಕೆ ಕಂಡು, ಷೇರು ಬೆಲೆ ರೂ. 382.75 ರಷ್ಟಿದೆ.