ನಿಮ್ಮ ಆಧಾರ್ ಕಾರ್ಡ್‌ನಲ್ಲಿರುವ ಫೋಟೋ ಬದಲಿಸಬೇಕೇ..ಇಲ್ಲಿದೆ ನೋಡಿ ಹಂತ ಹಂತದ ಪ್ರಕ್ರಿಯೆ, ಈಗಲೇ ತಿಳಿಯಿರಿ..!

ಎಲ್ಲರಿಗೂ ತಿಳಿದಿರುವ ಹಾಗೆ ಆಧಾರ್ ಕಾರ್ಡ್ ಭಾರತೀಯರ ಗುರುತಿನ ಚೀಟಿ. ಭಾರತೀಯ ವಿಶಿಷ್ಟ ಗುರುತು ಪ್ರಾಧಿಕಾರ (UIDAI) 12 ಅಂಕಿಗಳನ್ನು ಹೊಂದಿರುವ ಈ ಗುರುತಿನ ಚೀಟಿ, ಪ್ರತಿಯೊಬ್ಬ ಭಾರತೀಯ ನಾಗರಿಕನ ಬಳಿ ಇರಲೇಬೇಕು. ನಮ್ಮ ದೇಶದಲ್ಲಿ ಆಧಾರ್‍‌ ಕಾರ್ಡ್‌ನ ಮಹತ್ವ ಎಲ್ಲರಿಗೂ ಗೊತ್ತೇ ಇದೆ. ಹೆಸರು, ಲಿಂಗ, ಜನ್ಮದಿನಾಂಕ, ವಿಳಾಸ, ಆಧಾರ್ ಸಂಖ್ಯೆ, ಫೋಟೋ ಒಳಗೊಂಡ ಈ ಗುರುತಿನ ಚೀಟಿ ಇಲ್ಲದಿದ್ದರೆ, ಭಾರತದಲ್ಲಿ ಯಾವ ಕೆಲಸವೂ ಸರಿಯಾಗಿ ಆಗುವುದಲ್ಲ. ಪಾಸ್‌ಪೋರ್ಟ್, ಬ್ಯಾಂಕ್ ಖಾತೆ, ಮೊಬೈಲ್ ಸಂಪರ್ಕ, LPG ಸಬ್‌ಸಿಡಿ ಮೊದಲಾದವಕ್ಕೆ ಆಧಾರ್ ಕಾರ್ಡ್ ಬೇಕೇ ಬೇಕು. ಅಷ್ಟೇ ಅಲ್ಲ ಸರ್ಕಾರಿ ಸೌಲಭ್ಯಗಳನ್ನು ಪಡೆಯಬೇಕು ಎಂದರೂ ಆಧಾರ್ ಕಾರ್ಡ್ ಇರಲೇಬೇಕು. ಆದರೆ ಈ ಆಧಾರ್‍‌ ಕಾರ್ಡ್‌ನಲ್ಲಿ ಬರುವ ಫೋಟೋ ಬಗ್ಗೆ ಮಾತ್ರ ಎಲ್ಲರಿಗೂ ಅಸಮಾಧಾನ ಇದ್ದೇ ಇದೆ. ಆಧಾರ್ ಕಾರ್ಡ್‌ ಫೋಟೋ ಬಗ್ಗೆ ಯಾರಿಗೂ ಸಮಾಧಾನ ಇರುವುದಿಲ್ಲ. ನಿಮಗೂ ಹಾಗೆಯೇ ಇದ್ದರೆ ಹೊಸ ಫೋಟೋವನ್ನು ನವೀಕರಿಸುವುದು ಹೇಗೆ ಎಂಬುದನ್ನು ಇಲ್ಲಿ ತಿಳಿಯಿರಿ. ಈ ಹಂತಗಳನ್ನು ಅನುಸರಿಸಿ..

ಯುಐಡಿಎಐ (UIDAI) ವೆಬ್‌ಸೈಟ್‌ಗೆ ಭೇಟಿ ನೀಡಿ

ಆಧಾರ್ ಫೋಟೋ ಅಥವಾ ಇತರೆ ಯಾವುದೇ ವಿವರಗಳನ್ನು ನವೀಕರಿಸಲು, ನೀವು ಮೊದಲು ಯುಐಡಿಎಐ (UIDAI) ಅಧಿಕೃತ ವೆಬ್‌ಸೈಟ್ https://uidai.gov.in ಗೆ ಭೇಟಿ ನೀಡಬೇಕು. ವೆಬ್‌ಸೈಟ್‌ಗೆ ಭೇಟಿ ನೀಡಿದ ಕೂಡಲೇ ಮುಖಪುಟದಲ್ಲಿ ಆಧಾರ್‍‌ "ಆಧಾರ್ ದಾಖಲಾತಿ/ನವೀಕರಣ" ವಿಭಾಗದಲ್ಲಿ ನಿರ್ದಿಷ್ಟ ಫಾರ್ಮ್ ಅನ್ನು ಡೌನ್‌ಲೋಡ್ ಮಾಡಿ ಮುದ್ರಿಸಬೇಕು. ದೋಷಗಳನ್ನು ತಪ್ಪಿಸಲು ಅಗತ್ಯವಿರುವ ಎಲ್ಲಾ ವಿವರಗಳನ್ನು ಎಚ್ಚರಿಕೆಯಿಂದ ಮತ್ತು ಶುದ್ಧವಾಗಿ ನಮೂದಿಸಬೇಕು.

ಆಧಾರ್ ಸೇವಾ ಕೇಂದ್ರಕ್ಕೆ ಭೇಟಿ:

ಫಾರ್ಮ್ ಭರ್ತಿ ಮಾಡಿದ ನಂತರ ಆಧಾರ್ ನೋಂದಣಿ ಕೇಂದ್ರ ಅಥವಾ ಆಧಾರ್ ಸೇವಾ ಕೇಂದ್ರಕ್ಕೆ ಭೇಟಿ ನೀಡಬೇಕು. ಆಧಾರ್‍‌ ನವೀಕರಣ ಪ್ರಕ್ರಿಯೆ ಸರಳವಾಗಿದ್ದರೂ ಅದನ್ನು, ಆನ್‌ಲೈನ್‌ನಲ್ಲಿ ಮಾಡುವುದು ಅಸಾಧ್ಯ. ಹೀಗಾಗಿ ಹೊಸ ಫೋಟೋ ನೋಂದಂಣಿ ಮಾಡಿಸಲು ಆಧಾರ್‍‌ ಕೇಂದ್ರಕ್ಕೇ ಹೋಗಬೇಕು.

ಬಯೋಮೆಟ್ರಿಕ್ ವಿವರ ಒದಗಿಸಬೇಕು:

ಭರ್ತಿ ಮಾಡಿದ ಫಾರ್ಮ್‌ನ ಆಧಾರ್‍‌ ಸಿಬ್ಬಂದಿಗೆ ಸಲ್ಲಿಸಬೇಕು. ಬಳಿಕ ನೀವು ನಿಮ್ಮ ಯೋಮೆಟ್ರಿಕ್ ವಿವರಗಳಾದ ಬೆರಳಚ್ಚು ಮತ್ತು ನೇತ್ರಸ್ಕ್ಯಾನ್ ಒದಗಿಸಬೇಕು. ಹಾಗೆಯೇ ಆಧಾರ್ ಕೇಂದ್ರದಲ್ಲಿ ನಿಮ್ಮ ಹೊಸ ಫೋಟೋ ತೆಗೆಯಲಾಗುತ್ತದೆ. ಈ ಪ್ರಕ್ರಿಯೆ ಮುಗಿದ ಬಳಿಕ, ನಿಮ್ಮ ಆಧಾರ್ ಫೋಟೋ ನವೀಕರಣಕ್ಕೆ ಸಂಬಂಧಿಸಿದ ನವೀಕರಣ ವಿನಂತಿ ಸಂಖ್ಯೆ ನಿಮಗೆ ಸಿಗುತ್ತದೆ. ಈ ಸಂಖ್ಯೆಯನ್ನು ಬಳಸಿ, UIDAI ವೆಬ್‌ಸೈಟ್‌ನಲ್ಲಿ ಅಥವಾ mAadhaar ಅಪ್ಲಿಕೇಷನ್‌ನ ಮೂಲಕ ನಿಮ್ಮ ನವೀಕರಣದ ಸ್ಥಿತಿಯನ್ನು ಆನ್‌ಲೈನ್‌ನಲ್ಲಿ ಟ್ರ್ಯಾಕ್ ಮಾಡಬಹುದು.

ಇನ್ನು ಆಧಾರ್ ಫೋಟೋ ನವೀಕರಣ ಮಾಡಲು ಹೆಚ್ಚುವರಿಯಾಗಿ ಯಾವುದೇ ದಾಖಲೆಗಳ ಅಗತ್ಯವಿರುವುದಿಲ್ಲ. UIDAI ನಿಯಮಗಳ ಪ್ರಕಾರ, ನಿಮ್ಮ ಹಳೆಯ ಫೋಟೋವನ್ನು ಆನ್‌ಲೈನ್‌ನಲ್ಲಿ ಅಪ್‌ಲೋಡ್ ಮಾಡುವುದು ಸಾಧ್ಯವಿಲ್ಲ. ನೀವು ಹೊಸ ಫೋಟೋ ನವೀಕರಿಸಬೇಕೆಂದರೆ ನೀವು ಕಡ್ಡಾಯವಾಗಿ, ಕಡ್ಡಾಯವಾಗಿ ಆಧಾರ್ ನೋಂದಣಿ ಕೇಂದ್ರದಲ್ಲಿಯೇ ಫೋಟೋ ತೆಗೆದುಕೊಳ್ಳಬೇಕು. ಈ ನವೀಕರಣದ ಪ್ರಕ್ರಿಯೆ ಪೂರ್ಣಗೊಳ್ಳಲು ಸರಿಸುಮಾರು, 90 ದಿನಗಳವರೆಗೆ ಸಮಯ ಬೇಕಾಗಬಹುದು. ನೀವು ಸ್ವಯಂ-ಸೇವಾ ನವೀಕರಣ ಪೋರ್ಟಲ್ (SSUP) ಮುಖಾಂತರ ಆಧಾರ್ ಫೋಟೋವನ್ನು ಆನ್‌ಲೈನ್‌ನಲ್ಲಿ ನವೀಕರಿಸಲು ಸಾಧ್ಯವಿಲ್ಲ. ಆದ್ದರಿಂದ, ಆಧಾರ್ ಫೋಟೋ ನವೀಕರಣಕ್ಕಾಗಿ ಹತ್ತಿರದ ಆಧಾರ್ ಕೇಂದ್ರಕ್ಕೆ ಭೇಟಿ ನೀಡುವುದು ಒತ್ತಾಯಿಸಬಹುದಾದ ಅಗತ್ಯ.

ಸರಿಯಾದ ವಿಧಾನವನ್ನು ಅನುಸರಿಸಿ, ನಿಮ್ಮ ಎಲ್ಲಾ ವಿವರಗಳನ್ನು ಶುದ್ಧವಾಗಿ ಪರಿಶೀಲಿಸಿ, ಮತ್ತು UIDAI ಅಧಿಕೃತ ವೆಬ್‌ಸೈಟ್‌ನಲ್ಲಿ ನವೀಕರಣದ ಸ್ಥಿತಿಯನ್ನು ಗಮನದಲ್ಲಿಡಿ. ಈ ಮೂಲಕ, ನೀವು ಸುಲಭವಾಗಿ ನಿಮ್ಮ ಆಧಾರ್ ಫೋಟೋವನ್ನು ನವೀಕರಿಸಿ, ಭವಿಷ್ಯದಲ್ಲಿ ಯಾವುದೇ ತೊಂದರೆಯಿಲ್ಲದೆ ನಿಮ್ಮ ಆಧಾರ್ ಬಳಸಲು ಅನುಕೂಲವಾಗಬಹುದು. ಈಗ ಎಲ್ಲವೂ ಆನ್‌ಲೈನ್‌ನಲ್ಲೇ ಸಿಗುವುದರಿಂದ, ಯಾವುದೇ ಮಾಹಿತಿಯನ್ನು ಪಡೆಯಲು ತುಂಬಾ ಸಮಯ ತೆಗೆದುಕೊಳ್ಳುವುದಿಲ್ಲ. ಹಾಗೆಯೇ ಆಧಾರ್‍‌ ಅಪ್‌ಡೇಟ್‌ ಕೂಡ ಹೆಚ್ಚಿನ ಸಮಯ ತೆಗೆದುಕೊಳ್ಳುವುದಿಲ್ಲ. ಒಂದು ವೇಳೆ ನಿಮ್ಮ ಆಧಾರ್ ಕಾರ್ಡ್ ಕಳೆದುಹೋದರೂ ಅದನ್ನು ನೀವು ಆನ್‌ಲೈನ್‌ನಲ್ಲಿ ಡೌನ್‌ಲೋಡ್ ಮಾಡಿಕೊಳ್ಳಬಹುದಾಗಿದೆ.