ಕೋಟ್ಯಾಧಿಪತಿ ಆಗೋ ಗುರಿ ಇದೆಯೇ? ತಿಂಗಳಿಗೆ 2,600 ರೂ. SIP ಸಾಕು, ವಿವರ ಪರಿಶೀಲಿಸಿ

ಇರೋದು ಕಡಿಮೆ ವೇತನ ಎಲ್ಲಾ ಖರ್ಚು ವೆಚ್ಚ ಹೋಗಿ ಉಳಿಯುವುದು ಅತ್ಯಲ್ಪ ಮೊತ್ತ ಎಂಬ ಬೇಸರದಲ್ಲಿ ನೀವಿದ್ದರೆ ಈ ಲೇಖನವನ್ನು ಒಮ್ಮೆ ಓದಿ..

ಕಾರು ಮನೆ, ಶಿಕ್ಷಣ, ಮದುವೆ ಹೀಗೆ ಪ್ರತಿಯೊಬ್ಬರಿಗೂ ತನ್ನದೇ ಆದ ಕನಸಿರುತ್ತದೆ. ಆದರೆ ಈ ಎಲ್ಲಾ ಕನಸುಗಳನ್ನು ನೈಜವಾಗಿಸಲು ಹಣ ಎನ್ನುವುದು ಜೀವನದಲ್ಲಿ ಪ್ರಮುಖ ಸಾಧನವಾಗುತ್ತದೆ. ಆದರೆ ಸರಿಯಾದ ಹಣಕಾಸಿನ ಶಿಸ್ತು, ಹೂಡಿಕೆ ಗಳ ಮೂಲಕ ನಾವು ಅಂದುಗೊಂಡದ್ದನ್ನು ಗಳಿಸಲು ಸಾಧ್ಯವಾಗುತ್ತದೆ. ಅದರಲ್ಲೂ ಹೂಡಿಕೆ ವಿಚಾರಕ್ಕೆ ಬಂದಾಗ ಮ್ಯೂಚುವಲ್ ಫಂಡ್‌ ಸಹಾಯಕಾರಿ. ಕೋಟ್ಯಾಧಿಪತಿಯಾಗುವ ಗುರಿಯನ್ನು ಸಾಧಿಸಲು ಇವುಗಳು ಅನುವು ಮಾಡಿಕೊಡುತ್ತದೆ. ಮ್ಯೂಚುವಲ್ ಫಂಡ್‌ಗಳಲ್ಲಿನ ಹೂಡಿಕೆದಾರರು ತಮ್ಮ ಆದಾಯವನ್ನು ಗರಿಷ್ಠಗೊಳಿಸಲು ಅನೇಕ ಆಯ್ಕೆಗಳನ್ನು ಹೊಂದಿದ್ದಾರೆ.

ಮಿಲಿಯನೇರ್ ಆಗುವ ನಿಮ್ಮ ಗುರಿಗೆ ಮ್ಯೂಚುಯಲ್ ಫಂಡ್ ವ್ಯವಸ್ಥಿತ ಹೂಡಿಕೆ ಯೋಜನೆಗಳ (SIP ಗಳು) ಉತ್ತಮ ಆಯ್ಕೆ ಆಗಿದ್ದರೂ ಹೂಡಿಕೆಯ ಮೊತ್ತ, ಅವಧಿ ಮತ್ತು ನಿರೀಕ್ಷಿತ ಆದಾಯದ ದರಗಳನ್ನು ಎಚ್ಚರಿಕೆಯಿಂದ ಪರಿಗಣಿಸುವ ಅಗತ್ಯವಿದೆ. ಸರಿಯಾದ ಸಂಯೋಜನೆಯ ಶಕ್ತಿ ಇದ್ದರೆ ನಿಮ್ಮ ಹಣವನ್ನು ಸಮರ್ಥವಾಗಿ ಬೆಳೆಯುತ್ತಾ ಹೋಗುತ್ತದೆ. ಉದಾಹರಣೆಗೆ ನಾವು ಈಕ್ವಿಟಿ ಮ್ಯೂಚುಯಲ್ ಫಂಡ್‌ಗಳು ಸುಮಾರು 12-15% ವಾರ್ಷಿಕ ಆದಾಯವನ್ನು ನೀಡುವ ಉತ್ತಮ ಟ್ರ್ಯಾಕ್ ರೆಕಾರ್ಡ್ ಹೊಂದಿವೆ.

ಆದಿತ್ಯ ಬಿರ್ಲಾ ಸನ್ ಲೈಫ್ ಡಿಜಿಟಲ್ ಇಂಡಿಯಾ ಫಂಡ್ ಹಿಂದಿನ ಕೆಲವರ್ಷಗಳಲ್ಲಿ ಪ್ರಭಾವಶಾಲಿ ಕಾರ್ಯಕ್ಷಮತೆಯನ್ನು ಪ್ರದರ್ಶಿಸಿದೆ. ಹೂಡಿಕೆದಾರರು ತಮ್ಮ ಮಾಸಿಕ SIP ಹೂಡಿಕೆಗಳನ್ನು ಗಣನೀಯ ಕಾರ್ಪಸ್ ಆಗಿ ಬೆಳೆಯಲು ಅನುವು ಇದು ಮಾಡಿಕೊಡುತ್ತದೆ. 2000ರ ಜನವರಿ 15 ರಂದು ಪ್ರಾರಂಭವಾದ ಈ ಮುಕ್ತ-ಮುಕ್ತ ಇಕ್ವಿಟಿ ಯೋಜನೆಯು ತಂತ್ರಜ್ಞಾನ, ಟೆಲಿಕಾಂ, ಮಾಧ್ಯಮ, ಮನರಂಜನೆ ಮತ್ತು ಸಂಬಂಧಿತ ಸಹಾಯಕ ವಲಯಗಳಂತಹ ವಲಯಗಳಲ್ಲಿ ಹೂಡಿಕೆ ಮಾಡುವುದರ ಮೇಲೆ ಹೆಚ್ಚಿನ ಗಮನಕೊಡುತ್ತದೆ. ಹಾಗೇ ನೋಡುವುದಾದರೇ ಆರಂಭದಿಂದಲೂ, ಫಂಡ್ 12.47 ಶೇಕಡಾ ಆದಾಯವನ್ನು ನೀಡಿದೆ.

ಈ ಬಗ್ಗೆ ಉದಾಹರಣೆ ರೂಪದಲ್ಲಿ ನೋಡುವುದಾದರೆ ಆರಂಭದಿಂದಲೂ ಈ SIPಯಲ್ಲಿ ಮಾಸಿಕವಾಗಿ ಒಬ್ಬ ವ್ಯಕ್ತಿಯು ತಿಂಗಳಿಗೆ 2600 ರೂಪಾಯಿಗಳನ್ನು ಯೋಜನೆಯಲ್ಲಿ ಹೂಡಿಕೆ ಮಾಡಿದ್ದರೆ, ಅವರ ಹೂಡಿಕೆಯು ಈಗ 1,02,01,810 ರೂಪಾಯಿಗಳ ಮೌಲ್ಯದ್ದಾಗಿ ಬೆಳೆದು ನಿಂತಿರುತ್ತದೆ. ಅಂದರೆ ವಾರ್ಷಿಕವಾಗಿ 17.16% ವಾರ್ಷಿಕ ಆದಾಯವನ್ನು ನೀಡುತ್ತದೆ. 1.02 ಕೋಟಿ ರೂಪಾಯಿಗಳ ಒಟ್ಟು ಕಾರ್ಪಸ್‌ನಲ್ಲಿ, 7,80,000 ರೂಪಾಯಿಗಳು 25 ವರ್ಷಗಳ ಅವಧಿಯಲ್ಲಿ ಹೂಡಿಕೆ ಮಾಡಿದ ಒಟ್ಟು ಮೊತ್ತವನ್ನು ಪ್ರತಿನಿಧಿಸುತ್ತದೆ.

ಈ ಫಂಡ್ ತ್ವರಿತವಾಗಿ ಬೆಳೆಯುತ್ತಿರುವ ತಂತ್ರಜ್ಞಾನ ಕ್ಷೇತ್ರದಲ್ಲಿ ಹೂಡಿಕೆ ಮಾಡಲು ವಿನ್ಯಾಸಗೊಳಿಸಲಾದ ವಿಭಾಗ-ನಿರ್ದಿಷ್ಟ ಮ್ಯೂಚುಯಲ್ ಫಂಡ್ ಆಗಿದೆ. ಈ ಫಂಡ್ ಮುಖ್ಯವಾಗಿ ಐಟಿ ಕ್ಷೇತ್ರದಲ್ಲಿ ಕಾರ್ಯನಿರ್ವಹಿಸುವ ಬಲಿಷ್ಠ ಕಂಪನಿಗಳಾದ ತಂತ್ರಜ್ಞಾನ ಸಂಸ್ಥೆಗಳು, ಹಾರ್ಡ್‌ವೇರ್, ಸಾಫ್ಟ್‌ವೇರ್, ಇ-ಕಾಮರ್ಸ್, ದೂರಸಂಪರ್ಕ, ಮಾಧ್ಯಮ ಮತ್ತು ಗೇಮಿಂಗ್ ಉದ್ಯಮಗಳಂತಹ ತಂತ್ರಜ್ಞಾನ-ಅವಲಂಬಿತ ಕಂಪನಿಗಳ ಮೇಲೆ ಗಮನಹರಿಸುತ್ತದೆ. ಈ ಯೋಜನೆಯ ಪೋರ್ಟ್‌ಫೋಲಿಯೋದಲ್ಲಿ ಇನ್ಫೋಸಿಸ್, ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ (ಟಿಸಿಎಸ್), ಭಾರ್ತಿ ಏರ್‌ಟೆಲ್, ಟೆಕ್ ಮಹೀಂದ್ರಾ ಮತ್ತು ಎಲ್‌ಟಿಐಮೈಂಡ್‌ಟ್ರೀ ಮುಂತಾದ ಉನ್ನತ ಷೇರುಗಳು ಸೇರಿವೆ

ಮ್ಯೂಚುಯಲ್ ಫಂಡ್‌ಗಳಲ್ಲಿನ 6 ತಿಂಗಳು, 1 ವರ್ಷ, 3 ವರ್ಷ, 5 ವರ್ಷ, 7 ವರ್ಷ ಮತ್ತು 10 ವರ್ಷಗಳ ಅವಧಿಗೆ ಡೈರೆಕ್ಟ್ ಪ್ಲಾನ್ ಮತ್ತು ರೆಗ್ಯುಲರ್ ಪ್ಲಾನ್‌ಗಳಲ್ಲಿನ ನಿವ್ವಳ ಆದಾಯವನ್ನು ನೋಡುವುದಾದರೆ.

6 ತಿಂಗಳು: ಡೈರೆಕ್ಟ್ ಪ್ಲಾನ್ - 12.67%, ರೆಗ್ಯುಲರ್ ಪ್ಲಾನ್ - 13.9%

1 ವರ್ಷ: ಡೈರೆಕ್ಟ್ ಪ್ಲಾನ್ - 22.47%, ರೆಗ್ಯುಲರ್ ಪ್ಲಾನ್ - 32.32%

3 ವರ್ಷ: ಡೈರೆಕ್ಟ್ ಪ್ಲಾನ್ - 8.98%, ರೆಗ್ಯುಲರ್ ಪ್ಲಾನ್ - 11.33%

5 ವರ್ಷ: ಡೈರೆಕ್ಟ್ ಪ್ಲಾನ್ - 28.91%, ರೆಗ್ಯುಲರ್ ಪ್ಲಾನ್ - 29.36%

7 ವರ್ಷ: ಡೈರೆಕ್ಟ್ ಪ್ಲಾನ್ - 24.74%, ರೆಗ್ಯುಲರ್ ಪ್ಲಾನ್ - 25.29%

10 ವರ್ಷ: ಡೈರೆಕ್ಟ್ ಪ್ಲಾನ್ - 20.04%, ರೆಗ್ಯುಲರ್ ಪ್ಲಾನ್ - 19.05%