45 ಕೋಟಿ ವೇತನ ಪಡೆಯುತ್ತಿದ್ದ ಐಐಟಿ ಪದವೀಧರ ವ್ಯಕ್ತಿ, ಉನ್ನತ ಹುದ್ದೆಯಲ್ಲಿದ್ದರೂ ವಜಾಗೊಂಡಿದ್ದು ಒಂದಲ್ಲ ಎರಡು ಬಾರಿ!

ಬೆಂಗಳೂರು, ಫೆಬ್ರವರಿ 12: ದೇಶದ ಐಟಿ ಬೂಮ್‌ನೊಂದಿಗೆ ಫಣೀಶ್ ಮೂರ್ತಿ ಹೊಸ ಎತ್ತರವನ್ನು ತಲುಪಿದ್ದಾರೆ. ಐಐಟಿ ಪದವೀಧರ ಭಾರತೀಯ ತಂತ್ರಜ್ಞಾನ ಉದ್ಯಮಿಯಾಗಿರುವ ಫಣೀಶ್ ಮೂರ್ತಿ 2000 ರಿಂದ 2002 ರವರೆಗೆ ಇನ್ಫೋಸಿಸ್ ಲಿಮಿಟೆಡ್‌ನ ನಿರ್ದೇಶಕರಾಗಿದ್ದರು. ಅದರೂ ಅವರ ಕಥೆಯು ಹೆಚ್ಚಿನ ಐಐಟಿಯನ್ನರಿಗಿಂತ ಸ್ವಲ್ಪ ಭಿನ್ನವಾಗಿದೆ.

ಯಾಕೆಂದರೆ ಐಐಟಿ ಪದವೀಧರ ಇಂಜಿನಿಯರ್‌ ಆಗಿರುವ ಮೂರ್ತಿ, ಭಾರಿ ವೇತನ ಪಡೆದುಕೊಂಡು ನೇಮಕಗೊಂಡು ಉನ್ನತ ಹುದ್ದೆ ಪಡೆದಿ ಬಳಿಕ ವಜಾ ಆದ ಅಪರೂಪದವರಲ್ಲಿ ಇವರು ಕೂಡ ಒಬ್ಬರು. ವಜಾಗೊಳಿಸುವ ಮೊದಲು, ಫಣೀಶ್ ಮೂರ್ತಿ ವಾರ್ಷಿಕ ಸುಮಾರು 45 ಕೋಟಿ ರೂ. ಆಗಿತ್ತು.
ಫಣೀಶ್ ಮೂರ್ತಿಯವರು ಕರ್ನಾಟಕದ ಬೆಂಗಳೂರಿನ ಮಧ್ಯಮ ವರ್ಗದ ಕುಟುಂಬದಲ್ಲಿ ಜನಿಸಿದವರು. ಇವರು ಮದ್ರಾಸ್‌ನ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಿಂದ ಮೆಕ್ಯಾನಿಕಲ್ ಎಂಜಿನಿಯರಿಂಗ್‌ನಲ್ಲಿ ತಮ್ಮ ಬಿ.ಟೆಕ್ ಪದವಿಯನ್ನು ಪಡೆದರು. ಇದಾದ ಬಳಿಕ ಅಹಮದಾಬಾದ್‌ನ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್‌ನಿಂದ ಪಿಜಿಡಿಎಂಜಿಟಿಯನ್ನು ಪಡೆದರು.

1987 ರಲ್ಲಿ ವ್ಯಾಸಾಂಗದ ಬಳಿಕ ಸೋನಾಟಾ ಸಾಫ್ಟ್‌ವೇರ್‌ ಮೂಲಕ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಅಲ್ಲಿ ಸುಮಾರು ಅರ್ಧ ದಶಕ ಕೆಲಸ ಮಾಡಿದ ನಂತರ ನಾರಾಯಣ ಮೂರ್ತಿಯವರು ಸ್ಥಾಪಿಸಿದ ಇನ್ಫೋಸಿಸ್‌ಗೆ ತೆರಳಿದರು. ಎರಡು ವರ್ಷಗಳಲ್ಲಿ ಅವರು ವಿವಿಧ ಹುದ್ದೆಗಳನ್ನು ಯಶಸ್ವಿಯಾಗಿ ನಿಭಾಯಿಸಿದ್ದು, ಈ ವೇಳೆ ಇಬ್ಬರು ಮಹಿಳೆಯರು ಅವರ ವಿರುದ್ಧ ಮೊಕದ್ದಮೆ ಹೂಡಿದ ನಂತರ ಅವರು ಇನ್ಫೋಸಿಸ್‌ನಿಂದ ನಿರ್ಗಮಿಸಬೇಕಾಯಿತು.

ನಂತರ ಅವರು ಪ್ರೈಮೆಂಟರ್ ಮತ್ತು ಕ್ವಿಂಟಂಟ್ ಸರ್ವಿಸಸ್ ಲಿಮಿಟೆಡ್ ಅನ್ನು ಸ್ಥಾಪಿಸಿದರು. ಆದರೆ ಕ್ವಿಂಟಂಟ್ ಅನ್ನು iGATE ಗ್ಲೋಬಲ್ ಸೊಲ್ಯೂಷನ್ಸ್ ಲಿಮಿಟೆಡ್ ಶೀಘ್ರದಲ್ಲೇ ಸ್ವಾಧೀನಪಡಿಸಿಕೊಂಡಿತು. ಕ್ವಿಂಟಂಟ್ ಅನ್ನು ಸ್ವಾಧೀನಪಡಿಸಿಕೊಂಡ ನಂತರ ಆಗಸ್ಟ್ 2003 ರಲ್ಲಿ iGATE ಗ್ಲೋಬಲ್ ಸೊಲ್ಯೂಷನ್ಸ್ ಲಿಮಿಟೆಡ್‌ಗೆ ಸೇರಿದರು .

iGATE ಗೆ ಸೇರಿದ ನಂತರ, ಐಗೇಟ್ ಅನ್ನು ಪುನರ್‌ರಚಿಸಲು 1.22 ಶತಕೋಟಿ ಡಾಲರ್‌ಗಳಿಗೆ ಪಟ್ನಿ ಕಂಪ್ಯೂಟರ್ ಸಿಸ್ಟಮ್ಸ್ ಅನ್ನು ಸ್ವಾಧೀನಪಡಿಸಿಕೊಳ್ಳಲು ಪ್ರಮುಖ ಪಾತ್ರ ವಹಿಸಿದರು. ಪಟ್ನಿ ಕಂಪ್ಯೂಟರ್ ಸಿಸ್ಟಮ್ಸ್ ನಾರಾಯಣ್ ಮೂರ್ತಿಯವರು ಸೇವೆ ಸಲ್ಲಿಸುತ್ತಿದ್ದ ಹಳೆಯ ಕಂಪನಿಯಾಗಿತ್ತು ಹಾಗೂ ಅದನ್ನು ಸ್ವಾಧೀನಪಡಿಸಿಕೊಂಡಾಗ ಅದು ಐಗೇಟ್‌ಗಿಂತ ದ್ವಿಗುಣವಾಗಿತ್ತು. ಫಣೀಶ್ ಮೂರ್ತಿಯವರ ವಿರುದ್ಧ ಉದ್ಯೋಗಿಯೊಬ್ಬರು ಮತ್ತೊಂದು ಮೊಕದ್ದಮೆ ಹೂಡಿದ ನಂತರ ಐಗೇಟ್‌ನಿಂದಲೂ ವಜಾಗೊಳಿಸಲಾಯಿತು.

ಪ್ರಸ್ತುತ ಫಣೀಶ್ ಮೂರ್ತಿ ಹಲವಾರು ಕಂಪನಿಗಳಲ್ಲಿ ಮಂಡಳಿಯ ಸದಸ್ಯರಾಗಿ ಸೇವೆ ಸಲ್ಲಿಸುತ್ತಿದ್ದು, 2013 ರಲ್ಲಿಸಂಸ್ಥೆಯಿಂದ ವಜಾಗೊಳ್ಳುವ ಮೊದಲು 2012 ರಲ್ಲಿ ಅವರ ವಾರ್ಷಿಕ ವೇತನ 45 ಕೋಟಿ ರೂ. ಆಗಿತ್ತು. 2015 ರಲ್ಲಿ ಆರೋಗ್ಯ ಉತ್ಪನ್ನಗಳ ಆನ್‌ಲೈನ್ ಮಾರುಕಟ್ಟೆಯಾದ PM ಹೆಲ್ತ್ & ಲೈಫ್ ಕೇರ್ ಅನ್ನು ಸಹ-ಸ್ಥಾಪಿಸಿದರು. ಅವರು ಪ್ರಸ್ತುತ ಪ್ರೈಮೆಂಟರ್‌ನ CEO ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ, ಇದು ಹೈಪರ್-ಗ್ರೋತ್ ಅನ್ನು ಉತ್ತೇಜಿಸಲು ಹಿರಿಯ ಅಧಿಕಾರಿಗಳಿಗೆ ಮಾರ್ಗದರ್ಶನ ನೀಡುವ ಸಲಹಾ ಸಂಸ್ಥೆಯಾಗಿದೆ.