ರಸ್ತೆಬದಿ ಎಗ್‌ ರೋಲ್‌ ಮಾರುವ ಬಾಲಕನಿಗೆ ಆನಂದ್ ಮಹೀಂದ್ರಾ ನೆರವಿನ ಭರವಸೆ

ನವದೆಹಲಿ, ಮೇ 7: ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿರುವ ಮಹೀಂದ್ರಾ ಗ್ರೂಪ್‌ನ ಅಧ್ಯಕ್ಷ ಆನಂದ್ ಮಹೀಂದ್ರಾ ಅವರು ಈಗ ಮತ್ತೊಮ್ಮೆ ಸುದ್ದಿಯಾಗಿದ್ದಾರೆ. ಈಗ ಅವರು ರಸ್ತೆ ಬದಿಯ ಎಗ್‌ ರೋಲ್ ಮಾಡುವ ಚಿಕ್ಕ ಹುಡುಗನ ವೀಡಿಯೊವನ್ನು ಆನ್‌ಲೈನ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಆನಂದ್‌ ಮಹೀಂದ್ರಾ ಈ ಬಾರಿ ಹಂಚಿಕೊಂಡಿರುವ ವಿಡಿಯೋದಲ್ಲಿ ಜಸ್ಪ್ರೀತ್ ಎಂಬ 10 ವರ್ಷದ ಬಾಲಕ ಎಗ್ ರೋಲ್ ಮಾಡುವುದನ್ನು ಶೇರ್‌ ಮಾಡಿದ್ದಾರೆ. ಆ ಹುಡುಗ ತನ್ನ ತಂದೆ ಇತ್ತೀಚೆಗೆ ಕ್ಷಯರೋಗದಿಂದ ನಿಧನರಾದರು . ತನಗೆ 14 ವರ್ಷದ ಸಹೋದರಿ ಇದ್ದಾಳೆ, ಆತನ ತಾಯಿ ಜವಾಬ್ದಾರಿಯನ್ನು ತೆಗೆದುಕೊಳ್ಳಲು ನಿರಾಕರಿಸಿ ಅವರನ್ನು ತೊರೆದಿದ್ದಾರೆ. ಈ ಸವಾಲುಗಳ ಹೊರತಾಗಿಯೂ ಜಸ್ಪ್ರೀತ್ ಬೆಳಿಗ್ಗೆ ಶಾಲೆಗೆ ಹೋಗುತ್ತಾನೆ ಮತ್ತು ಸಂಜೆ ಎಗ್‌ ರೋಲ್‌ ಮಾಡಲು ಹೋಗುತ್ತಾನೆ ಎಂದು ತಿಳಿಸಲಾಗಿದೆ.

ಎಗ್ ರೋಲ್‌ಗಳ ಜೊತೆಗೆ ಆ ಹುಡುಗ ಚಿಕನ್ ರೋಲ್‌ಗಳು, ಕಬಾಬ್ ರೋಲ್‌ಗಳು, ಪನೀರ್ ರೋಲ್‌ಗಳು, ಚೌಮೇನ್ ರೋಲ್‌ಗಳು ಮತ್ತು ಸೀಕ್ ಕಬಾಬ್ ರೋಲ್‌ಗಳನ್ನು ಸಹ ಮಾರಾಟ ಮಾಡುತ್ತಾನೆ. ಈ ವಿಡಿಯೋ ಕ್ಲಿಪ್ ಅನ್ನು ಹಂಚಿಕೊಂಡ ಆನಂದ್‌ ಮಹೀಂದ್ರಾ ಹುಡುಗನ ಸಂಪರ್ಕ ವಿವರಗಳನ್ನು ಕೇಳಿದರು. ಬಳಿಕ "ಬ್ರೈವ್‌, ನಿನ್ನ ಹೆಸರು ಜಸ್ಪ್ರೀತ್. ಆದರೆ ಅವನ ಶಿಕ್ಷಣವು ತೊಂದರೆಯಾಗಬಾರದು. ನಾನು ನಂಬುತ್ತೇನೆ, ಅವರು ದೆಹಲಿಯ ತಿಲಕ್ ನಗರದಲ್ಲಿದ್ದಾರೆ. ಅವರ ಸಂಪರ್ಕ ಸಂಖ್ಯೆ ಯಾರಿಗಾದರೂ ಗೊತ್ತಿದ್ದರೆ ದಯವಿಟ್ಟು ಅದನ್ನು ಹಂಚಿಕೊಳ್ಳಿ. ಮಹೀಂದ್ರಾ ಫೌಂಡೇಶನ್ ತಂಡವು ಅವನ ಶಿಕ್ಷಣಕ್ಕೆ ನೆರವಾಗಬಹುದು" ಎಂದು ತಿಳಿಸಿದ್ದಾರೆ.

ಪೋಸ್ಟ್‌ನಲ್ಲಿ ಕಾಮೆಂಟ್ ಮಾಡುತ್ತಾ, ಅನೇಕ ಜನರು ಜಸ್ಪ್ರೀತ್ ಅವರ ಧೈರ್ಯವನ್ನು ಶ್ಲಾಘಿಸಿದರು ಮತ್ತು ಆನಂದ್‌ ಮಹೀಂದ್ರ ಅವರ ರೀತಿಯ ಉದ್ಯಮಿಗೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಬಳಕೆದಾರರೊಬ್ಬರು ಹೀಗೆ ಬರೆದಿದ್ದಾರೆ, "ಈ ಮಗು ಜವಾಬ್ದಾರಿಯನ್ನು ತೆಗೆದುಕೊಳ್ಳಲು ಮತ್ತು ಸ್ವಯಂಗಾಗಿ ನಿಲ್ಲಲು ನಿರ್ಧರಿಸಿದೆ. ಅವನ ಧೈರ್ಯವು ಸ್ಪೂರ್ತಿದಾಯಕವಾಗಿದೆ, ಇದು ಒಂಟಿ ಸಮಯದಲ್ಲಿ ಅವನ ಜೊತೆ ನಿಲ್ಲುವಂತೆ ಮಾಡುತ್ತದೆ. ಅವರಿಗೆ ಸೆಲ್ಯೂಟ್ . ಶಿಕ್ಷಣದ ವಿಷಯದಲ್ಲಿ ಸರಿಯಾದ ಮಾರ್ಗದರ್ಶನದೊಂದಿಗೆ ಅವರು ಅನೇಕ ಮೈಲಿಗಲ್ಲುಗಳನ್ನು ದಾಟಬಹುದು ಎಂದು ತಿಳಿಸಿದ್ದಾರೆ.