ಅದ್ದೂರಿಯಾಗಿ ನಡೆದ ಅನಂತ್ ಅಂಬಾನಿ- ರಾಧಿಕಾ ಮರ್ಚೆಂಟ್ ಮದುವೆ, ಖರ್ಚು ಎಷ್ಟಾಗಿದೆ ಗೊತ್ತಾ?

ಮುಂಬೈ, ಜುಲೈ 13: ಏಷ್ಯಾದ ಶ್ರೀಮಂತ ಮುಖೇಶ್‌ ಅಂಬಾನಿ ಪುತ್ರ ಅನಂತ್ ಅಂಬಾನಿ ಅವರು ಮುಂಬೈನ ಜಿಯೋ ವರ್ಲ್ಡ್ ಕನ್ವೆನ್ಷನ್ ಸೆಂಟರ್‌ನಲ್ಲಿ ಬಾಲ್ಯದ ಸ್ನೇಹಿತೆ ರಾಧಿಕಾ ಮರ್ಚೆಂಟ್ ಅವರನ್ನು ವಿವಾಹವಾದರು. ಈ ಅದ್ದೂರಿ ಮದುವೆಯಲ್ಲಿ ವಿಶ್ವದಾದ್ಯಂತದ ಖ್ಯಾತ ಭಾರತೀಯ ಮತ್ತು ಅಂತರಾಷ್ಟ್ರೀಯ ವ್ಯಕ್ತಿಗಳು ಭಾಗವಹಿಸಿದ್ದರು. ಭಾರತೀಯ ಮತ್ತು ಅಂತರಾಷ್ಟ್ರೀಯ ತಾರೆಯರ ಸಮ್ಮುಖದಲ್ಲಿ ಸತಿಪತಿಗಳಾದರು.

ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಈಗ ಗಂಡ ಹೆಂಡತಿಯಾಗಿದ್ದಾರೆ. ತಿಂಗಳ ಸಂಭ್ರಮಾಚರಣೆಯ ನಂತರ ದಂಪತಿಗಳು ಅಂತಿಮವಾಗಿ ಗಂಟಾದರು. ತಮ್ಮ ವಿವಾಹಕ್ಕೆ ರಾಧಿಕಾ ಮರ್ಚೆಂಟ್‌ ಅವರು ಅಬು ಜಾನಿ ಸಂದೀಪ್ ಖೋಸ್ಲಾ ಅವರ ಧರಿಸ ಅನ್ನು ಆರಿಸಿಕೊಂಡರು, ಇದು ಪನೇತಾರ್, ಕೆಂಪು ಮತ್ತು ಬಿಳಿ ಬಣ್ಣದ ವಧುಗಳ ಗುಜರಾತಿ ಸಂಪ್ರದಾಯದ ಬಟ್ಟೆವಾಗಿತ್ತು. ವಧು ಧರಿಸನ್ನು ಸೊಗಸಾದ ಪಚ್ಚೆ ಆಭರಣಗಳೊಂದಿಗೆ ಜೋಡಿಸಲಾಗಿತ್ತು. ಮತ್ತೊಂದೆಡೆ, ಅನಂತ್ ಅಂಬಾನಿ ಅವರು ಸಫಾದೊಂದಿಗೆ ಚಿನ್ನದ ಮತ್ತು ಕೆಂಪು ಬಣ್ಣದ ಶೇರ್ವಾನಿಯನ್ನು ಧರಿಸಿದ್ದರು, ಅದನ್ನು ಅದ್ಭುತವಾದ ಡೈಮಂಡ್ ಬ್ರೂಚ್‌ನಿಂದ ಅಲಂಕರಿಸಲಾಗಿತ್ತು.

ಅತಿಥಿಗಳು:

ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ವಿವಾಹದಲ್ಲಿ ಕಿಮ್ ಕಾರ್ಡಶಿಯಾನ್, ಖ್ಲೋಯ್ ಕರ್ದಾಶಿಯಾನ್, ರಾಪರ್ ರೆಮಾ, ಹಾಲಿವುಡ್ ತಾರೆ ಜಾನ್ ಸೀನಾ, ಗಾಯಕ ಎಪಿ ಧಿಲ್ಲೋನ್, ಅಮಿತ್ ತ್ರಿವೇದಿ, ಶಾರುಖ್ ಖಾನ್, ಗೌರಿ ಖಾನ್, ವಿಕ್ಕಿ ಕೌಶಲ್, ಕತ್ರಿನಾ ಕೈಫ್, ರಣಬೀರ್ ಕಪೂರ್, ಆಲಿಯಾ ಭಟ್, ಸಂಜಯ್ ಲೀಲಾ ಬನ್ಸಾಲಿ, ಸಲ್ಮಾನ್ ಖಾನ್, ಅಮಿತಾಬ್ ಬಚ್ಚನ್, ಜಯಾ ಬಚ್ಚನ್, ಅಭಿಷೇಕ್ ಬಚ್ಚನ್, ಐಶ್ವರ್ಯ ರೈ ಬಚ್ಚನ್, ರಾಮ್ ಚರಣ್, ರಜನಿಕಾಂತ್, ಸೂರ್ಯ, ವಿದ್ಯಾ ಬಾಲನ್, ಸಾರಾ ಅಲಿ ಖಾನ್, ಮಾಧುರಿ ದೀಕ್ಷಿತ್, ಅನನ್ಯ ಪಾಂಡೆ, ರೇಖಾ, ಹೃತಿಕ್ ರೋಷನ್, ಹಾರ್ದಿಕ್ಲ್ ಪಾಂಡ್ಯ, ರಿತೇಶ್ ದೇಶಮುಖ್, ಜೆನಿಲಿಯಾ ಡಿಸೋಜಾ, ಪ್ರಿಯಾಂಕಾ ಚೋಪ್ರಾ, ನಿಕ್ ಜೋನಾಸ್, ಜಾಕ್ವೆಲಿನ್ ಫರ್ನಾಂಡೀಸ್, ಸುನೀಲ್ ಶೆಟ್ಟಿ, ಸಂಜಯ್ ದತ್, ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ಸೇರಿದಂತೆ ಇತರರು ಹಾಜರಿದ್ದರು.

ವಿವಾಹದ ನಂತರ ಅಂಬಾನಿ ಜುಲೈ 13 ರಂದು ಶುಭ ಆಶೀರ್ವಾದ್ (ದೈವಿಕ ಆಶೀರ್ವಾದ) ಅನ್ನು ಆಯೋಜಿಸಿದ್ದಾರೆ. ನಂತರ ಜುಲೈ 14 ರಂದು ಮಂಗಲ್ ಉತ್ಸವ (ಮದುವೆಯ ಆರತಕ್ಷತೆ) ನಡೆಯಲಿದೆ.

ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ಮದುವೆಯ ವೆಚ್ಚವು ಸರಾಸರಿ ಭಾರತೀಯ ಕುಟುಂಬವು ಸಾಮಾನ್ಯವಾಗಿ ಮದುವೆಗಳಿಗೆ ಖರ್ಚು ಮಾಡುವ ವೆಚ್ಚಕ್ಕೆ ಹೋಲಿಸಿದರೆ ಅಸಾಧಾರಣವಾಗಿ ಹೆಚ್ಚಾಗಿದೆ. ಫೋರ್ಬ್ಸ್ ಪ್ರಕಾರ, ಎಲ್ಲಾ ಸಮಾರಂಭಗಳು ಮತ್ತು ಮದುವೆಯ ಪೂರ್ವ ಕಾರ್ಯಕ್ರ, ಸೇರಿದಂತೆ ಸಂಪೂರ್ಣ ಮದುವೆಯ ಅಂದಾಜು ವೆಚ್ಚವು ರೂ 4,000 ರಿಂದ ರೂ 5,000 ಕೋಟಿ ($0.6 ಬಿಲಿಯನ್) ಎನ್ನಲಾಗುತ್ತಿದೆ. ಆದರೆ ಇದು ಅಂಬಾನಿ ಕುಟುಂಬದ ಒಟ್ಟು ನಿವ್ವಳ ಮೌಲ್ಯದ ಶೇಕಡಾ 0.5 ರಷ್ಟು ಅಷ್ಟೇ.