ನೌಕರರಿಗಾಗಿ ಆಪಲ್ ಆವಾಸ್ ಯೋಜನೆ? ಏನಿದರ ವಿಶೇಷತೆ ತಿಳಿಯಿರಿ

ಬೆಂಗಳೂರು, ಏಪ್ರಿಲ್‌ 8: ಭಾರತದಲ್ಲಿ ಕಳೆದ ಎರಡೂವರೆ ವರ್ಷಗಳಲ್ಲಿ ಈಗಾಗಲೇ 1,50,000 ನೇರ ಉದ್ಯೋಗಗಳನ್ನು ಸೃಷ್ಟಿಸಿರುವ ಆಪಲ್‌ನ ಪರಿಸರ ವ್ಯವಸ್ಥೆಯು ಈಗ ತನ್ನ ಕಾರ್ಖಾನೆಯ ಉದ್ಯೋಗಿಗಳಿಗೆ ವಸತಿ ಸೌಲಭ್ಯಗಳನ್ನು ಒದಗಿಸುವತ್ತ ಗಮನಹರಿಸಿದೆ. ಇದೇ ಆಪಲ್ ಆವಾಸ್ ಯೋಜನೆ.

ಈ ಯೋಜನೆಯು ಚೀನಾ ಮತ್ತು ವಿಯೆಟ್ನಾಂನಲ್ಲಿ ಕಂಡುಬರುವ ಕೈಗಾರಿಕಾ ವಸತಿ ಮಾದರಿಯದ್ದಾಗಿದೆ. ಆಪಲ್‌ನ ಗುತ್ತಿಗೆ ತಯಾರಕರು ಮತ್ತು ಫಾಕ್ಸ್‌ಕಾನ್‌, ಟಾಟಾ ಮತ್ತು Salcomp ನಂತಹ ಪೂರೈಕೆದಾರರು ತಮ್ಮ ಉದ್ಯೋಗಿಗಳಿಗೆ ಮನೆಗಳನ್ನು ನಿರ್ಮಿಸುವ ಚಿಂತನೆಯಲ್ಲಿದ್ದಾರೆ.

ಸಾರ್ವಜನಿಕ-ಖಾಸಗಿ ಸಹಭಾಗಿತ್ವದ ಯೋಜನೆಯಡಿಯಲ್ಲಿ ಕೈಗೊಳ್ಳಲಾಗುತ್ತಿರುವ ಈ ಯೋಜನೆಯು ಭಾರತದಲ್ಲಿ ದೊಡ್ಡ ಖಾಸಗಿ ವಲಯದ ಪ್ರಯತ್ನವಾಗಿದೆ. ಈ ಯೋಜನೆಯಡಿಯಲ್ಲಿ ಸರಿಸುಮಾರು 78,000 ಮನೆಗಳನ್ನು ನಿರ್ಮಿಸಲು ಉದ್ದೇಶಿಸಲಾಗಿದೆ. ತಮಿಳುನಾಡಿಗೆ ಅತಿ ಹೆಚ್ಚು ಸುಮಾರು 58,000 ಮನೆಗಳನ್ನು ಹಂಚಿಕೆ ಮಾಡಲಾಗುತ್ತದೆ.

ಟಾಟಾ ಗ್ರೂಪ್ ಮತ್ತು ಎಸ್‌ಪಿಆರ್ ಇಂಡಿಯಾದಿಂದ ಹೆಚ್ಚುವರಿ ಕೊಡುಗೆಗಳೊಂದಿಗೆ ವಸತಿ ಘಟಕಗಳನ್ನು ಪ್ರಧಾನವಾಗಿ ತಮಿಳುನಾಡಿನ ರಾಜ್ಯ ಕೈಗಾರಿಕೆಗಳ ಉತ್ತೇಜನಾ ನಿಗಮ (ಸಿಪ್‌ಕಾಟ್) ನಿರ್ಮಿಸುತ್ತಿದೆ. ಈ ಯೋಜನೆಗೆ 10-15% ರಷ್ಟು ಹಣವನ್ನು ಕೇಂದ್ರ ಸರ್ಕಾರದಿಂದ ಬರಲಿದ್ದು, ಉಳಿದ ಹಣವನ್ನು ರಾಜ್ಯ ಸರ್ಕಾರಗಳು ಮತ್ತು ಉದ್ಯಮಿಗಳಿಂದ ಪಡೆಯಲಾಗುತ್ತದೆ.

ಮಾರ್ಚ್ 31, 2025 ರಂದು ಆರ್ಥಿಕ ವರ್ಷದ ಅಂತ್ಯದ ವೇಳೆಗೆ ನಿರ್ಮಾಣ ಮತ್ತು ಖಾಸಗಿ ವಲಯಕ್ಕೆ ಹಸ್ತಾಂತರಿಸುವ ನಿರೀಕ್ಷೆಯಿದೆ. ಈ ವ್ಯಾಪಕವಾದ ಉದ್ಯೋಗಿ ವಸತಿ ಯೋಜನೆಯ ಪ್ರಾಥಮಿಕ ಉದ್ದೇಶವು ದಕ್ಷತೆಯನ್ನು ಹೆಚ್ಚಿಸುವುದು ಮತ್ತು ಭದ್ರತೆಯನ್ನು ಒದಗಿಸುವುದು. ವಿಶೇಷವಾಗಿ ವಲಸೆ ಮಹಿಳಾ ಉದ್ಯೋಗಿಗಳಿಗೆ ಅವರಲ್ಲಿ ಗಮನಾರ್ಹ ಪ್ರಮಾಣವು 19-24 ವಯೋಮಾನದವರಿಗೆ ಬರುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಉದ್ಯೋಗಿಗಳಿಗೆ ಈ ದೊಡ್ಡ ಪ್ರಮಾಣದ ವಸತಿ ಯೋಜನೆಯು ವಿಶೇಷವಾಗಿ ಮಹಿಳೆಯರನ್ನು ಕೇಂದ್ರೀಕರಿಸುತ್ತದೆ. ಇದು ಭಾರತದಲ್ಲಿ ಇದೇ ರೀತಿಯ ಪ್ರಯತ್ನವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಹೆಚ್ಚಿನ ಉದ್ಯೋಗಿಗಳು ಪ್ರಸ್ತುತ ಬಾಡಿಗೆ ವಸತಿಗಳಲ್ಲಿ ವಾಸಿಸುತ್ತಿದ್ದಾರೆ. ಅಲ್ಲದೆ ತಮ್ಮ ಕೆಲಸದ ಸ್ಥಳಗಳನ್ನು ತಲುಪಲು ದೀರ್ಘ ಪ್ರಯಾಣ ಮಾಡಬೇಕಿದೆ ಎಂದು ಅವರು ಹೇಳಿಕೊಂಡಿದ್ದಾರೆ.