ಬೆಂಗಳೂರಿನಲ್ಲಿ ಚಿನ್ನದ ಬೆಲೆ! ಜನವರಿ-02: 22/100 ಗ್ರಾಂ ಚಿನ್ನದ ಬೆಲೆ 3,000 ರೂ. ಏರಿಕೆ.

ಸಿಲಿಕಾನ್‌ ಸಿಟಿ ಬೆಂಗಳೂರಿನಲ್ಲಿ ಮತ್ತೆ ಚಿನ್ನದ ದರ ಏರಿಕೆಯಾಗಿದೆ. ನಿನ್ನೆ ಕೂಡ ಚಿನ್ನದ ದರ ಏರಿಕೆ ಕಂಡಿತ್ತು. ಅದೇ ರೀತಿ ಇಂದು ಕೂಡ ಚಿನ್ನದ ಬೆಲೆ ಏರಿಕೆಯಾಗಿದೆ. ಮತ್ತೆ ಬೆಂಗಲೂರಿಗರಿಗೆ ನಿರಾಸೆಯಾಗಿದೆ. ಆಭರಣ ಪ್ರಿಯರಿಗೆ ಮತ್ತೆ ನಿರಾಸೆಯಾಗಿದೆ.

ಭೌಗೋಳಿಕ ರಾಜಕೀಯ ಉದ್ವಿಗ್ನತೆಗಳು ಹೆಚ್ಚಾಗುವ ನಿರೀಕ್ಷೆಯಿದ್ದು, ಸೆಂಟ್ರಲ್ ಬ್ಯಾಂಕ್‌ಗಳು ಚಿನ್ನವನ್ನು ಖರೀದಿ ಮಾಡುವುದನ್ನು ಮುಂದುವರೆಸುತ್ತವೆ. ಆದರೆ ಯುಎಸ್ ಸಾಲದ ಪರಿಸ್ಥಿತಿಯು ಹದಗೆಡುವ ಸಾಧ್ಯತೆಯಿದೆ ಎನ್ನಲಾಗ್ತಿದೆ. ಹಾಗೆ ಟ್ರಂಪ್ ಆಡಳಿತದಲ್ಲಿ ಕೊರತೆಯನ್ನ ಕಾಣುವ ಸಾಧ್ಯತೆಯಿದೆ.

ಹಾಗೆ ಚಿನ್ನದ ವ್ಯಾಪಾರ ಚಟುವಟಿಕೆಯು ಈ ವರ್ಷಾಂತ್ಯದಲ್ಲಿ ಶಾಂತವಾಗಿ ಉಳಿಯುವ ನಿರೀಕ್ಷೆಯಿದೆ. ಇನ್ನು ಇಂದು ಚಿನ್ನದ ಬೆಲೆಗಳು ರಜೆದಿನಗಳು ಇರುವುದರಿಂದ ಹೆಚ್ಚಿನ ವಹಿವಾಟನ್ನ ನಿರೀಕ್ಷಿಸಲಾಗಿದೆ. ಇದರ ಜೊತೆಗೆ ಚಿನ್ನ, ಬೆಳ್ಳಿ ಎರಡೂ ಲೋಹಗಳು ಹೆಚ್ಚಿನ ಪ್ರಮಾಣದಲ್ಲಿ ವ್ಯಾಪಾರ ಮಾಡುತ್ತವೆ ಎಂಬ ನಿರೀಕ್ಷೆ ಇದೆ. ಬಂಗಾರ ಬೆಲೆಗಳು ಮತ್ತು ಬೆಳ್ಳಿ ದರಗಳು ಜಾಗತಿಕ ಮತ್ತು ಸ್ಥಳೀಯ ಕಾರಕಗಳ ಸಂಯೋಜನೆಯಿಂದ ಪರಿಣಾಮಗೊಳುತ್ತವೆ. ವಿಶ್ವಾದ್ಯಾಂತ ಬೇಡಿಕೆ, ವಿನಿಮಯ ದರಗಳು, ಬಡ್ಡಿ ದರಗಳು, ಸರ್ಕಾರದ ನೀತಿಗಳು ಮತ್ತು ಜಾಗತಿಕ ಘಟನೆಗಳು ಅವುಗಳ ಮೌಲ್ಯವನ್ನು ಬಹುಮಟ್ಟಿಗೆ ಪ್ರಭಾವಿತ ಮಾಡಬಹುದು.

ಬೆಂಗಳೂರಿನಲ್ಲಿ ಚಿನ್ನದ ದರಗಳು

ಜನವರಿ2 ರಂದು, ಬೆಂಗಳೂರಿನಲ್ಲಿ ಚಿನ್ನದ ದರ ಮತ್ತೆ ಏರಿಕೆಯಾಗಿದೆ. 22 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 300ರೂ. ಏರಿಕೆಯಾಗಿ 71,800ರೂ. ಆಗಿದೆ. ಮತ್ತು 24 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 330ರೂ. ಏರಿಕೆಯಾಗಿ 78,330ರೂ. ಆಗಿದೆ. ಬೆಂಗಳೂರಿನಲ್ಲಿ 18 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 250 ರೂ. ಏರಿಕೆಯಾಗಿ 58,750ರೂ. ಆಗಿದೆ.

ಹಾಗೆ 22 ಕ್ಯಾರೆಟ್‌ನ 100 ಗ್ರಾಂ ಚಿನ್ನದ ಬೆಲೆ 3,000ರೂ. ಏರಿಕೆಯಾಗಿ 7,18,000ರೂ. ಆಗಿದೆ. ಮತ್ತು 24 ಕ್ಯಾರೆಟ್‌ನ 100 ಗ್ರಾಂ ಚಿನ್ನದ ಬೆಲೆ 3,300 ರೂ. ಏರಿಕೆಯಾಗಿ 7,83,300ರೂ. ಆಗಿದೆ.
18 ಕ್ಯಾರೆಟ್‌ನ 100 ಗ್ರಾಂ ಚಿನ್ನದ ಬೆಲೆ 2,500 ಏರಿಕೆಯಾಗಿ 5,87,500ರೂ. ಆಗಿದೆ.

ಬೆಂಗಳೂರಿನಲ್ಲಿ ಬೆಳ್ಳಿ ದರಗಳು

ಇಂದು ಬೆಂಗಳೂರಿನಲ್ಲಿ ಬೆಳ್ಳಿ ಬೆಲೆ ಸ್ಥಿರವಾಗಿದೆ . ಪ್ರಸ್ತುತ, ಬೆಂಗಳೂರಿನಲ್ಲಿ 1 ಗ್ರಾಂ ಚಿನ್ನದ ಬೆಲೆ 9,050ರೂ ಇದೆ. ಹಾಗೆ 1 ಕಿಲೋ ಗ್ರಾಂ ಬೆಳ್ಳಿ ಬೆಲೆ 90,500ರೂ. ಇದೆ. ನಿನ್ನೆ ಇಳಿಕೆಯಾಗಿದ್ದ ಬೆಳ್ಳಿ ಬೆಲೆ ಇಂದು ಸ್ಥಿರವಗಿದೆ.

ಭಾರತದ ಕೆಲವು ಮೆಟ್ರೋಪಾಲಿಟನ್ ನಗರಗಳಲ್ಲಿನ ಚಿನ್ನದ ಬೆಲೆಗಳ ವಿವರ:

ನಗರಗಳು	24 ಕ್ಯಾರೆಟ್	22 ಕ್ಯಾರೆಟ್
ದೆಹಲಿ	78,480	71,950
​ಮುಂಬೈ	78,330	71,800
ಚೆನ್ನೈ	78,330	71,800
​ಕೋಲ್ಕತ್ತಾ	78,330	71,800

ಸ್ಪಾಟ್‌ ಚಿನ್ನದ ಭವಿಷ್ಯ

ಸ್ಪಾಟ್‌ ಚಿನ್ನದ ಬೆಲೆ ಏರಿಕೆಯಾಗುವ ನಿರೀಕ್ಷೆ ಇದೆ. ಯುಎಸ್‌ ಡಾಲರ್‌ ಏರಿಕೆಯಿಂದಾಗಿ ಇದು ಸ್ಪಾಟ್‌ ಚಿನ್ನದ ಮೇಲೆ ಹೆಚ್ಚು ಪ್ರಭಾವ ಬೀರಲಿದೆ. ಇನ್ನು ವರದಿ ಪ್ರಕಾರ ಸ್ಪಾಟ್‌ ಚಿನ್ನದ ಬೆಲೆಯು ಪ್ರತಿ ಔನ್ಸ್‌ಗೆ 0..06%ರಷ್ಟು ಇಳಿಕೆಯಾಗಿ 2,627.50 ಡಾಲರ್‌ ತಲುಪಿದೆ. ಬುಲಿಯನ್ ಈ ವರ್ಷ ಇಲ್ಲಿಯವರೆಗೆ 27% ಕ್ಕಿಂತ ಹೆಚ್ಚು ಗಳಿಸಿದೆ. ಇತ್ತ ಸ್ಪಾಟ್ ಬೆಳ್ಳಿ ಪ್ರತಿ ಔನ್ಸ್‌ಗೆ 28.84 USDನಲ್ಲಿ ಸ್ಥಿರವಾಗಿದೆ. ಮುಂಬರುವ ವರ್ಷದಲ್ಲಿ ಚಿನ್ನದ ಬೆಲೆಯಲ್ಲಿ ಸಾಕಷ್ಟು ಏರಿಳಿತಗಳು ಉಂಟಾಗಲಿದೆ ಎನ್ನಲಾಗ್ತಿದೆ.

MCX ಗೋಲ್ಡ್ ಔಟ್‌ಲುಕ್

ಮಲ್ಟಿ ಕಮೊಡಿಟಿ ಎಕ್ಸ್‌ಚೇಂಜ್‌ನಲ್ಲಿ (MCX), ಫೆಬ್ರವರಿ 5, 2025 ರ ವಿತರಣೆಯ ಚಿನ್ನದ ಭವಿಷ್ಯ ನೋಡೋದಾದ್ರೆ, 10 ಗ್ರಾಂ ಚಿನ್ನಕ್ಕೆ 0.36%ನಷ್ಟು ಏರಿಕೆಯಾಗಿ 77,172 ರೂ. ಆಗಿದೆ. ಅದೇ ರೀತಿ, ಮಾರ್ಚ್ 5, 2025ರ ಬೆಳ್ಳಿ ಭವಿಷ್ಯವು 1.16%ನಷ್ಟು ಏರಿಕೆಯಾಗಿ 88,594ರೂಪಾಯಿ ವಹಿವಾಟು ನಡೆಸುತ್ತಿದೆ. ಜಾಗತಿಕ ಬೇಡಿಕೆ, ಬಡ್ಡಿ ದರಗಳು, ಕರೆನ್ಸಿ ವಿನಿಮಯ ದರಗಳು, ಸರ್ಕಾರಿ ನೀತಿಗಳು ಮತ್ತು ಜಾಗತಿಕ ಘಟನೆಗಳಂತಹ ದೇಶೀಯ ಮತ್ತು ಅಂತರರಾಷ್ಟ್ರೀಯ ಎರಡೂ ಅಸ್ಥಿರಗಳಿಂದ ಚಿನ್ನದ ಬೆಲೆಗಳು ಹೆಚ್ಚು ಪರಿಣಾಮ ಬೀರಬಹುದು.

ಬುಲಿಯನ್ ಅನ್ನು ಹಣದುಬ್ಬರ ಮತ್ತು ಪ್ರಕ್ಷುಬ್ಧತೆಯ ವಿರುದ್ಧ ಹೆಡ್ಜ್ ಎಂದು ಪರಿಗಣಿಸಲಾಗುತ್ತದೆ. ಆದರೆ ಹೆಚ್ಚಿನ ದರಗಳು ಇಳುವರಿ ರಹಿತ ಆಸ್ತಿಯ ಮನವಿಯನ್ನು ಕಡಿಮೆ ಮಾಡುತ್ತದೆ. ಬುಲಿಯನ್ ಈ ವರ್ಷ ಇಲ್ಲಿಯವರೆಗೆ 27% ಕ್ಕಿಂತ ಹೆಚ್ಚು ಗಳಿಸಿದೆ. ಹಾಗೆ ಅಕ್ಟೋಬರ್ 31 ರಂದು 2,790.15 ಡಾಲರ್‌ನಷ್ಟು ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ತಲುಪಿದೆ. ಇನ್ನು ಹೊಸ ವರ್ಷದ ಆರಂಭದವರೆಗೆ, ಅಲ್ಪಾವಧಿಯ ದೃಷ್ಟಿಕೋನದಿಂದ, ನಾವು ಈ ರೀತಿಯ ಬೆಲೆಯ ಚಲನೆಯನ್ನು ನೋಡುವ ಸಾಧ್ಯತೆಯಿದೆ ಎಂದು ತಜ್ಞರು ಹೇಳಿದ್ದಾರೆ.

ರಾಯಿಟರ್ಸ್‌ ವರದಿ ಪ್ರಕಾರ ಈ ವರ್ಷ ಚಿನ್ನದ ದರ 27%ನಷ್ಟು ಹೆಚ್ಚು ಗಳಿಸಿದೆ ಎನ್ನಲಾಗ್ತಿದೆ. ಬೌಗೋಳಿಕ ಹಾಗು ರಾಜಕೀಯ ಉದ್ವಿಗ್ನತೆಗಳು ಚಿನ್ನದ ದರದ ಮೇಲೆ ಪರಿಣಾಮ ಬೀರುತ್ತಿವೆ. ರಷ್ಯ ಉಕ್ರೇನ್‌ನ ಯುದ್ದ ಹಿನ್ನೆಲೆ ಜಾಗತಿಕ ಉದ್ವಿಗ್ನತೆಗಳಿಂದಾಗಿ ಚಿನ್ನದ ಬೆಲೆಯಲ್ಲಿ ಏರಿಳಿತಗಳನ್ನ ಕಾಣುವಂತಾಗಿದೆ. ಆದರೆ ಹೂಡಿಕೆದಾರರು ಯುಎಸ್ ಫೆಡರಲ್ ರಿಸರ್ವ್‌ನ ಬಡ್ಡಿದರದ ದೃಷ್ಟಿಕೋನ ಮತ್ತು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಸುಂಕ ನೀತಿಗಳನ್ನ ಎದುರು ನೋಡುತ್ತಿದ್ದಾರೆ. ಇನ್ನು ಇದು 2025 ರಲ್ಲಿ ಚಿನ್ನದ ಪಥವನ್ನು ರೂಪಿಸುವ ನಿರೀಕ್ಷೆ ಇದೆ.