Bengaluru: ಬೆಂಗಳೂರು ಮೂಲಸೌಕರ್ಯ ಮತ್ತು ಸ್ಮಾರ್ಟ್ ಸಿಟಿ ಯೋಜನೆಗಳಿಗೆ 7000 ಕೋಟಿ ರೂ. ಹೂಡಿಕೆ!

ಬೆಂಗಳೂರು ನಗರದ ಅಭಿವೃದ್ಧಿ ಕಣ್ಣು ಕುಕ್ಕುವಂತೆ ಸಾಗುತ್ತಿದೆ. ಕಳೆದ ವರ್ಷದ ಬಜೆಟ್‌ನಲ್ಲಿ, ಗ್ರೇಟರ್ ಬೆಂಗಳೂರು ಪ್ರಾಧಿಕಾರ (ಜಿಬಿಎ) ರಾಜ್ಯ ಸರ್ಕಾರದಿಂದ 3,000 ಕೋಟಿ ರೂ. ಸಹಾಯ ಪಡೆದು, ಒಂದಷ್ಟು ಯೋಜನೆಗಳಿಗಾಗಿ ಬಳಕೆ ಮಾಡಿದೆ. ಪ್ರಮುಖವಾಗಿ ರಸ್ತೆಗಳ ಡಾಂಬರೀಕರಣ, ಮಳೆನೀರು ಚರಂಡಿ ಸುಧಾರಣೆ, ಕೆರೆ ಅಭಿವೃದ್ಧಿ ಮತ್ತು ಘನತ್ಯಾಜ್ಯ ನಿರ್ವಹಣೆಗೆ ಹಣವನ್ನು ಬಳಸಲಾಗಿದೆ. ಈ ಯೋಜನೆಗಳಿಗೆ ಹೆಚ್ಚಿನ ಅನುಮೋದನೆ ಮಾಜಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರ ಅಧಿಕಾರಾವಧಿಯಲ್ಲಿ ಸಿಕ್ಕಿತ್ತು.

ಬಜೆಟ್ ಹಂಚಿಕೆ ಮತ್ತು ಹೊಸ ಯೋಜನೆಗಳು:

ಇನ್ನು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಆಡಳಿತದಲ್ಲಿ ಗ್ರೇಟರ್ ಬೆಂಗಳೂರು ಪ್ರಾಧಿಕಾರದ ಬಜೆಟ್ ಹಂಚಿಕೆಯನ್ನು, 3,000 ಕೋಟಿ ರೂ.ರಿಂದ 7,000 ಕೋಟಿ ರೂ.ಗೆ ಹೆಚ್ಚಿಸಲಾಯ್ತು. ಈಗಿನ ಹೊಸ ಬಜೆಟ್‌ನಲ್ಲಿ ನಗರದ ಮೂಲಸೌಕರ್ಯ ಅಭಿವೃದ್ಧಿಗಾಗಿ ಹಲವು ಯೋಜನೆಗಳನ್ನು ಪ್ರಸ್ತಾಪಿಸಲಾಗಿದೆ.. ಮುಖ್ಯವಾಗಿ, ಪ್ರಮುಖ ಕಾಮಗಾರಿಗಳನ್ನು ನಿರ್ವಹಿಸಲು ವಿಶೇಷ ಉದ್ದೇಶದ ಸಂಸ್ಥೆ (SPV) ರಚನೆಯೂ ಘೋಷಿಸಲಾಗಿದೆ.

ಅಂದಹಾಗೆ ಹಣಕಾಸು ವರ್ಷ ಮುಗಿಯೋ ವೇಳೆಗೆ, ಜಿಬಿಎ ಈಗಾಗಲೇ 2,250 ಕೋಟಿ ರೂ. ಮೂರು ಹಂತಗಳಲ್ಲಿ ಪಡೆದಿದೆ. ಉಳಿದ 750 ಕೋಟಿ ರೂ. ಬಿಡುಗಡೆಗೂ ಅನುಮತಿ ಸಿಕ್ಕಿದೆ. ಆದರೆ, ಮಾರ್ಚ್ ಅಂತ್ಯಕ್ಕೆ 4,000 ಕೋಟಿ ರೂ. ಬಿಡುಗಡೆ ಆಗುತ್ತದೆಯೆಂಬ ನಿರೀಕ್ಷೆ ಇಲ್ಲ. ಜಿಬಿಎ ಮುಖ್ಯ ಆಯುಕ್ತ ಎಂ. ಮಹೇಶ್ವರ್ ರಾವ್ ಹೇಳಿದ್ದಾರೆ, "ತಕ್ಷಣದ ಅಗತ್ಯವಿಲ್ಲದ ಕಾರಣ ಹೆಚ್ಚುವರಿ ಹಣಕ್ಕಾಗಿ ಅರ್ಜಿ ಸಲ್ಲಿಸಲಾಗಿಲ್ಲ" ಎಂದು.

ಮುಂದಿನ ಹಂತದ ಯೋಜನೆಗಳು ಹೇಗಿದೆ?

ಬಹಳ ಯೋಜನೆಗಳು ಇನ್ನೂ ಪರಿಕಲ್ಪನಾ ಹಂತದಲ್ಲಿವೆ. ಅಗತ್ಯ ಬಂದಾಗ ಮಾತ್ರ ಜಿಬಿಎ ಹಣ ಕೋರುತ್ತದೆ. ಬೆಂಗಳೂರು ಸ್ಮಾರ್ಟ್ ಇನ್ಫ್ರಾಸ್ಟ್ರಕ್ಚರ್ ಲಿಮಿಟೆಡ್ (ಬಿ-ಸೈಲ್) ಕೈಗೊಳ್ಳುವ ಯೋಜನೆಗಳಿಗೆ ಅಗತ್ಯವಿರುವ ಹಣವನ್ನು ಜಿಬಿಎ ಮೂಲಕ ನೀಡಲಾಗುತ್ತದೆ.

2021-22ರಲ್ಲಿ, ಬೊಮ್ಮಾಯಿ ಸರ್ಕಾರ 8,015 ಕೋಟಿ ರೂ. ಯೋಜನೆಗಳನ್ನು ಅನುಮೋದಿಸಿತ್ತು. ಅವುಗಳಲ್ಲಿ ರಸ್ತೆ, ಚರಂಡಿ, ಕೆರೆ, ಘನತ್ಯಾಜ್ಯ ನಿರ್ವಹಣೆ ಕಾರ್ಯಗಳಿಗೆ ಹೆಚ್ಚಿನ ಹಣ ಹಂಚಲಾಗಿದೆ. ಇತ್ತೀಚೆಗೆ ಸಿದ್ದರಾಮಯ್ಯ ಸರ್ಕಾರ 2,250 ಕೋಟಿ ರೂ. ಹೊಸ ಕಾಮಗಾರಿಗಳನ್ನು ಮಂಜೂರು ಮಾಡಿದ್ದು, ಹೆಚ್ಚಿನವು ರಸ್ತೆ ಅಭಿವೃದ್ಧಿಗೆ ಮೀಸಲಾಗಿವೆ.

ಬೆಂಗಳೂರು ಬಿಸಿನೆಸ್ ಕಾರಿಡಾರ್‍‌ಗೆ ಏನು?

ರಾಜ್ಯ ಬಜೆಟ್‌ನಲ್ಲಿ 74 ಕಿ.ಮೀ. ಬೆಂಗಳೂರು ಬಿಸಿನೆಸ್ ಕಾರಿಡಾರ್ ಯೋಜನೆಗೆ 500 ಕೋಟಿ ರೂ. ಬಿಡುಗಡೆ ಮಾಡಲಾಗಿದೆ. ಈ 27,000 ಕೋಟಿ ರೂ. ವೆಚ್ಚದ ಯೋಜನೆ ಹುಡ್ಕೊ ಸಾಲದಿಂದ ನಡೆಯುತ್ತಿದೆ. ಆರಂಭಿಕ ವೆಚ್ಚಗಳಿಗೆ ಸರ್ಕಾರ 500 ಕೋಟಿ ರೂ. ನೀಡಿ, ಭೂಮಿ ಕಳೆದುಕೊಳ್ಳುವವರಿಗೆ ಪರಿಹಾರ ಸೇರಿದಂತೆ ಹಲವು ಕಾರ್ಯಗಳಿಗೆ ಹಣ ಬಳಸಲಾಗಿದೆ.

ಮುಂದಿನ ಯೋಜನೆಗಳು:

ಬೆಂಗಳೂರು ನಗರದಲ್ಲಿ ಡಬಲ್ ಡೆಕ್ಕರ್ ಕಾರಿಡಾರ್, ಪ್ರೈಓವರ್, ರೈಲು ಅಂಡರ್ಬ್ರಿಡ್ಜ್ ಯೋಜನೆಗಳಿಗೆ ಹೆಚ್ಚಿನ ಅನುದಾನ ಬೇಕಾಗಿದೆ. ಈ ಯೋಜನೆಗಳಿಗೆ ಇನ್ನೂ ಸರ್ಕಾರದ ಅಧಿಕೃತ ಬೆಂಬಲ ಸಿಗಿಲ್ಲ, ಆದರೆ ಬೆಂಬಲ ಸಿಗಿದರೆ ಶೀಘ್ರ ಆರಂಭ ಸಾಧ್ಯ.

ಬೆಂಗಳೂರು ಮೂಲಸೌಕರ್ಯ ಅಭಿವೃದ್ಧಿ ಕಾರ್ಯಗಳು "ಗತಿಯಲ್ಲಿವೆ," ಆದರೆ ಬಹಳ ಯೋಜನೆಗಳು ಇನ್ನೂ ಪ್ರಗತಿ ಹಂತದಲ್ಲಿವೆ. ಬಜೆಟ್ ಬೆಂಬಲದಿಂದ ರಸ್ತೆ, ಚರಂಡಿ, ಕೆರೆ, ಬಿಸಿನೆಸ್ ಕಾರಿಡಾರ್ ಯೋಜನೆಗಳು ಕೈಗೊಳ್ಳಲಾಗಿವೆ. ಮುಂದಿನ ಹಂತದಲ್ಲಿ ಹೆಚ್ಚುವರಿ ಅನುದಾನ ಸಿಗುವುದರಿಂದ ನಗರದಲ್ಲಿ ಹೆಚ್ಚಿನ ಕಾಮಗಾರಿಗಳು ಪ್ರಾರಂಭವಾಗಲಿವೆ ಮತ್ತು ನಗರ ವಾಸಿಗಳಿಗೆ ಸುಲಭ ಸಂಚಾರ, ಸುರಕ್ಷಿತ ನೀರು, ಹಾಗೂ ಉತ್ತಮ ಪರಿಸರ ದೊರೆಯಲಿದೆ.