Bengaluru metro: ಹಳದಿ ಮಾರ್ಗ ಮೆಟ್ರೋ ನಿಲ್ದಾಣಕ್ಕೆ ಬಂತು ಮೊದಲ ಚಾಲಕ ರಹಿತ ಮೆಟ್ರೋ ರೈಲು!

ಬೆಂಗಳೂರಿಗೆ ಮೊದಲ ಚಾಲಕ ರಹಿತ ಮೆಟ್ರೋ ರೈಲು ಪಾದಾರ್ಪಣೆ ಮಾಡಿದೆ. ಇದು ಭಾರತದ ಮೊದಲ ಸ್ಥಳೀಯ ಚಾಲಕ ರಹಿತ ಮೆಟ್ರೋ ರೈಲು ಇದಾಗಿದೆ. ಹಳದಿ ಮಾರ್ಗ ಮೆಟ್ರೋಗಾಗಿ ಬಹುದಿನಗಳಿಂದ ನಿರೀಕ್ಷೆ ಮಾಡುತ್ತಿದ್ದ ಜನರಿಗೆ ಸಿಹಿ ಸುದ್ದಿ ಸಿಕ್ಕಿದೆ. ಹಳದಿ ಮಾರ್ಗ ಮೆಟ್ರೋ ನಿಲ್ದಾಣಕ್ಕೆ ಇಂದು ಚಾಲಕ ರಹಿತ ಮೊದಲ ಮೆಟ್ರೋ ಬಂದಿಳಿದಿದೆ. ಮೆಟ್ರೋ ಆರಂಭಕ್ಕಾಗಿ ಕಾಯುತ್ತಿದ್ದ ಜನರಿಗೆ ಈ ವಿಚಾರ ಸಮಾಧಾನ ತಂದಿದೆ.

ಪಶ್ಚಿಮ ಬಂಗಾಳದ ಟಿಟಘರ್‌ ರೈಲ್‌ ಸಿಸ್ಟಮ್‌ ಲಿಮಿಟೆಡ್‌ ಈ ರೈಲನ್ನು ನಿರ್ಮಾಣ ಮಾಡಿದೆ. ಅಲ್ಲದೆ ಇದು ಚಾಲಕ ರಹಿತ ಮೆಟ್ರೋ ರೈಲಾಗಿದ್ದು, ಜನರಿಗೆ ಸೇವೆಯನ್ನ ನೀಡಲು ಇದು ಸಿದ್ದವಾಗಿದೆ. ಮೆಟ್ರೋ ವಿಳಂಬದಿಂದಾಗಿ ಹಳದಿ ಮಾರ್ಗ ಮೆಟ್ರೋ ಆರಂಭ ಕೂಡ ವಿಳಂಬವಾಗಿತ್ತು, ಆದ್ರೀಗ ಮೊದಲ ಮೆಟ್ರೋವನ್ನ ಬಿಎಂಆರ್‌ಸಿಎಲ್‌ ಸ್ವೀಕರಿಸಿದೆ. ಈ ಮೂಲಕ ಜನರಿಗೆ ಶೀಘ್ರದಲ್ಲೇ ಮೆಟ್ರೋ ಆರಂಭವನ್ನ ಮಾಡುವುದಾಗಿ ಸೂಚನೆಯನ್ನ ನೀಡಿದೆ.

ಅತ್ಯಾಧುನಿಕ ತಂತ್ರಜ್ಞಾನಗಳನ್ನ ಒಳಗೊಂಡಿರುವ ಈ ಮೆಟ್ರೋ ರೈಲು ವೈಶಿಷ್ಟ್ಯಗಳನ್ನು ಹೊಂದಿದೆ. ಇದು ಶೀಘ್ರದಲ್ಲೇ 18-ಕಿಮೀ ಹಳದಿ ಲೈನ್‌ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಬೆಂಗಳೂರಿನ ಇತರ ಭಾಗಗಳೊಂದಿಗೆ ಎಲೆಕ್ಟ್ರಾನಿಕ್ಸ್ ಸಿಟಿಯನ್ನು ಸಂಪರ್ಕಿಸಲಿದೆ.

ಬೆಂಗಳೂರಿಗೆ ಮಟ್ರೋ ರೈಲು ಬಂದಿಳಿದಿದ್ದು, ಈ ಹಿನ್ನೆಲೆ ವರ್ಚುವಲ್ ಮೂಲಕ ಕೇಂದ್ರ ವಸತಿ ಮತ್ತು ನಗರ ವ್ಯವಹಾರಗಳ ಸಚಿವ ಮನೋಹರ್ ಲಾಲ್ ಅವರು ಈ ಸಾಧನೆಯನ್ನು ಶ್ಲಾಘನೆ ಮಾಡಿದ್ರು. ಮೆಟ್ರೋ ತಂತ್ರಜ್ಞಾನದಲ್ಲಿ ಇದೊಂದು ಮೈಲುಗಲ್ಲು, ಭಾರತದ ಪ್ರಗತಿಯನ್ನ ಇದು ಎತ್ತಿ ತೋರಿಸುತ್ತದೆ. ಹಾಗೆ ಸಾವಿರಕ್ಕೂ ಹೆಚ್ಚು ಕಾರ್ಯಾಚರಣೆಗಳ ಮೂಲಕ ಮೆಟ್ರೋ ರೈಲಿನೊಂದಿಗೆ, ನಾವು ಜಾಗತಿಕ ಮಟ್ಟದಲ್ಲಿ ಮೂರನೇ ಸ್ಥಾನದಲ್ಲಿರುತ್ತೇವೆ ಹಾಗೆ 5 ವರ್ಷಗಳಲ್ಲಿ ನಾವು ಯುನೈಟೆಡ್ ಸ್ಟೇಟ್ಸ್ ಅನ್ನು ಕೂಡ ಮೀರಿಸುವ ಹಾದಿಯಲ್ಲಿರುತ್ತೇವೆ ಎಂದರು.

ಇನ್ನು ಈ ಕುರಿತು ಟಿಟಾಘರ್ ರೈಲ್ ಸಿಸ್ಟಮ್ಸ್‌ನ ವ್ಯವಸ್ಥಾಪಕ ನಿರ್ದೇಶಕ ಉಮೇಶ್ ಚೌಧರಿ ಅವರು ಮೆಟ್ರೋ ರೈಲು ಸೆಟ್‌ನ ಮಹತ್ವದ ಕುರಿತು ಹೇಳಿದ್ರು. ಹಳದಿ ಮಾರ್ಗಕ್ಕಾಗಿ ಭಾರತದಲ್ಲಿ ತಯಾರಿಸಿದ ಮೋದಲ ಸ್ಟೇನ್‌ಲೆಸ್ ಸ್ಟೀಲ್ ಮೆಟ್ರೋ ರೈಲು ಇದಾಗಿದೆ ಇದು ನಮ್ಮ ದೇಶದ ಸಾಮರ್ಥ್ಯಗಳನ್ನು ತೋರಿಸುವ ಜೊತೆಗೆ, ಸ್ವಾವಲಂಬಿ ಹಾಗೆ ಅಭಿವೃದ್ಧಿ ಹೊಂದುತ್ತಿರುವ ಭಾರತದಂತಹ ದೇಶಕ್ಕೆ ಇದು ಹೊಂದಿಕೆಯಾಗುತ್ತದೆ, ಎಂದು ಅವರು ಹೇಳಿದರು.

ಬೆಂಗಳೂರಿಗೆ ಚಾಲಕ ರಹಿತ ಮೆಟ್ರೋ ರೈಲು ಬಂದಿಳಿದ ಹಿನ್ನೆಲೆ, ಸಂಸದ ತೇಜಸ್ವಿ ಸೂರ್ಯ ಟಿಆರ್‌ಎಸ್‌ಎಲ್, ಸಿಆರ್‌ಆರ್‌ಸಿ ಮತ್ತು ಬಿಎಂಆರ್‌ಸಿಎಲ್ ತಂಡವನ್ನು ಶ್ಲಾಘಿಸಿದ್ರು. ಆರಂಭದಲ್ಲಿ ಟಿಟಾಘರ್ ತಿಂಗಳಿಗೆ ಒಂದು ರೈಲು ಸೆಟ್ ಅನ್ನು ನಗರಕ್ಕೆ ತಲುಪಿಸಲಿದೆ ಹಾಗೆ ಒಂದೆರಡು ತಿಂಗಳ ನಂತರ ತಿಂಗಳಿಗೆ ಎರಡು ರೈಲುಗಳನ್ನು ತಲುಪಿಸಲಿದೆ ಮತ್ತು ಬೆಂಗಳೂರು ಮೆಟ್ರೋ ಹಳದಿ ಮಾರ್ಗವನ್ನ ಬಹುಬೇಗ ಆರಂಭ ಮಾಡಲಿದ್ದೇವೆ ಎಂದು ಹೇಳಿದರು.

ನಮ್ಮಮೆಟ್ರೋ ಹಳದಿ ಮಾರ್ಗದ ರೈಲು ಸೆಟ್‌ ಕರ್ನಾಟಕಕ್ಕೆ ಬಂದ ನಂತರ ನಮ್ಮ ಮೆಟ್ರೋ ಹಳದಿ ಮಾರ್ಗದಲ್ಲಿ ಮೆಟ್ರೋ ರೈಲಿನ ಪ್ರಾಯೋಗಿಕ ಚಾಲನೆ ಮಾಡಲಾಗುತ್ತದೆ. ಮೆಟ್ರೋ ರೈಲಿನ ವಿವಿಧ ತಾಂತ್ರಿಕ ನಿಯತಾಂಕಗಳನ್ನು ಪರಿಶೀಲಿಸಲು ಪ್ರಾಯೋಗಿಕ ಚಾಲನೆ ನೆಡೆಸಲಾಗುವುದು. ನಂತರ ಟಿಆರ್‌ಎಸ್‌ಎಲ್ ಎರಡನೇ ರೈಲನ್ನು ಜನವರಿ ಅಂತ್ಯದ ವೇಳೆಗೆ ಇಲ್ಲ ಫೆಬ್ರವರಿ ಮೊದಲ ವಾರದಲ್ಲಿ ಮತ್ತು ಮೂರನೇ ಎಪ್ರಿಲ್‌ನಲ್ಲಿ ವಾನೆ ಮಾಡಲಿದೆ. ಅದರ ನಂತರ, ಇದು ತಿಂಗಳಿಗೆ ಒಂದು ರೈಲನ್ನು ತಲುಪಿಸುತ್ತದೆ ಮತ್ತು ಸೆಪ್ಟೆಂಬರ್ ವೇಳೆಗೆ ತಿಂಗಳಿಗೆ ಎರಡು ರೈಲುಗಳನ್ನ ಹೆಚ್ಚಿಸಲಿದೆ.

ಹಳದಿ ಮಾರ್ಗ ಮೆಟ್ರೋ ನಿಲ್ದಾಣಗಳು

ಬೆಂಗಳೂರಿನ ನಮ್ಮ ಮೆಟ್ರೋ ಹಳದಿ ಮಾರ್ಗವು 18 ನಿಲ್ದಾಣಗಳನ್ನು ಹೊಂದಿದೆ. ಆರ್‌ವಿ ರಸ್ತೆ, ರಾಗಿಗುಡ್ಡ, ಜಯದೇವ ಆಸ್ಪತ್ರೆ, ಬಿಟಿಎಂ ಲೇಔಟ್, ಸೆಂಟ್ರಲ್ ಸಿಲ್ಕ್ ಬೋರ್ಡ್, ಬೊಮ್ಮನಹಳ್ಳಿ, ಹೊಂಗಸಂದ್ರ, ಕೂಡ್ಲು ಗೇಟ್, ಸಿಂಗಸಂದ್ರ, ಹೊಸ ರಸ್ತೆ, ಬೆರಟೆನ ಅಗ್ರಹಾರ, ಎಲೆಕ್ಟ್ರಾನಿಕ್ ಸಿಟಿ, ಕೊನ್ನಪನ ಅಗ್ರಹಾರ, ಹುಸ್ಕೂರ್ ರಸ್ತೆ, ಮತ್ತು ಹೆಬ್ಬಗೋಡಿ ಮಾರ್ಗಗಳನ್ನ ಸಂಪರ್ಕಿಸಲಿದೆ.

ಬೆಂಗಳೂರಿನ ನಮ್ಮ ಮೆಟ್ರೋದ ಹಳದಿ ಮಾರ್ಗವನ್ನು ಸಂಚಾರ ದಟ್ಟಣೆಯನ್ನು ಕಡಿಮೆ ಮಾಡಲು ಮತ್ತು ನಗರ ಚಲನಶೀಲತೆಯನ್ನು ಸುಧಾರಿಸಲು ವಿನ್ಯಾಸಗೊಳಿಸಲಾಗಿದೆ. ಈ ಮಾರ್ಗವು ಸರಿಸುಮಾರು 18.8 ಕಿಲೋಮೀಟರ್‌ಗಳಷ್ಟು ವ್ಯಾಪಿಸಿದೆ, ಇದು ನಗರದ ಆಗ್ನೇಯ ಮತ್ತು ನೈಋತ್ಯ ಭಾಗಗಳಲ್ಲಿನ ಪ್ರಮುಖ ಪ್ರದೇಶಗಳನ್ನು ಸಂಪರ್ಕಿಸುತ್ತದೆ.

ಅಲ್ಲದೆ ನಮ್ಮ ಮಟ್ರೋ ಹಳದಿ ಮಾರ್ಗ ಟೆಕ್‌ ಹಬ್‌ ಎಲೆಕ್ಟ್ರಾನಿಕ್‌ ಸಿಟಿಯನ್ನ ಸಂಪರ್ಕಿಸಲಿದೆ. ಸುಮಾರು 200 IT/ITES ಕಂಪನಿ ಕ್ಯಾಂಪಸ್‌ಗಳಾದ Infosys, Wipro, TCS, HCL, ಟೆಕ್ ಮಹೀಂದ್ರಾ ಮತ್ತು ಬಯೋಕಾನ್‌ಗೆ ಇದು ನೆಲೆಯಾಗಿದೆ.

ಶೀಘ್ರದಲ್ಲೇ ಆರಂಭವಾಗಲಿದೆ ನಮ್ಮ ಮೆಟ್ರೋ ಹಳದಿ ಮಾರ್ಗ

ಅತೀ ಶೀಘ್ರದಲ್ಲೇ ನಮ್ಮ ಮೆಟ್ರೋ ಹಳದಿ ಮಾರ್ಗ ಆರಂಭವಾಗುವ ನಿರೀಕ್ಷೆ ಇದೆ. ಸಾಕಷ್ಟು ವಿಳಂಬಗಳ ಮಧ್ಯೆ ಈ ಬಾರಿ ಮೊದಲ ಚಾಲಕ ರಹಿತ ಮೆಟ್ರೋ ಹಳದಿ ಮಾರ್ಗಕ್ಕೆ ಬಂದಿಲೀದಿದೆ. ಹಳದಿ ಮಾರ್ಗಕ್ಕೆ ಅಗತ್ಯವಿರುವ ರೈಲುಗಳು ತಡವಾಗಿ ಆಗಮಿಸುವುದು ವಿಳಂಬಕ್ಕೆ ಪ್ರಾಥಮಿಕ ಕಾರಣಗಳಲ್ಲಿ ಒಂದಾಗಿದೆ. ಬಹು ನಿರೀಕ್ಷಿತ ಮಾರ್ಗವು ಡಿಸೆಂಬರ್ 2024 ರ ವೇಳೆಗೆ ಕಾರ್ಯಾಚರಣೆಯನ್ನು ಪ್ರಾರಂಭಿಸುತ್ತದೆ ಎಂದು ನಿರೀಕ್ಷಿಸಲಾಗಿತ್ತು. ಆದಾಗ್ಯೂ, ಚೀನಾದಲ್ಲಿ ತಯಾರಿಸಲಾದ ಒಂದು ಮಾದರಿ ರೈಲು ಸೆಟ್ ಅನ್ನು ಮಾತ್ರ ಇಲ್ಲಿಯವರೆಗೆ ವಿತರಿಸಲಾಗಿದೆ. ಈ ರೈಲು ಫೆಬ್ರವರಿ 14, 2024 ರಂದು ಹೆಬ್ಬಗೋಡಿ ಡಿಪೋಗೆ ಆಗಮಿಸಿದೆ. ಮಾರ್ಗದ ಕಾರ್ಯನಿರ್ವಹಣೆಗೆ ಅಗತ್ಯವಾದ ಉಳಿದ ರೈಲು ಸೆಟ್‌ಗಳ ವಿತರಣೆಯು ಇನ್ನೂ ಬಾಕಿಯಿದೆ.

ಅಲ್ಲದೆ ಆಗಮನದ ನಂತರ, ಮೂಲಮಾದರಿಯ ರೈಲು ಡಿಪೋದೊಳಗೆ ಕಠಿಣ ಸ್ಥಿರ ಪರೀಕ್ಷೆಗೆ ಒಳಗಾಯಿತು, ಡಿಪೋದ ಹಳಿಗಳ ಮೇಲಿನ ಪರೀಕ್ಷೆಗಳು ಸೇರಿದಂತೆ. ಆದಾಗ್ಯೂ, ಇದು ಕೇವಲ ಆರಂಭಿಕ ಹಂತವಾಗಿದೆ. ಕಾರ್ಯಾಚರಣೆಗಳು ಪ್ರಾರಂಭವಾಗುವ ಮೊದಲು, ಲೈವ್ ಟ್ರ್ಯಾಕ್‌ಗಳಲ್ಲಿ ಡೈನಾಮಿಕ್ ಪರೀಕ್ಷೆಗಳು ಮತ್ತು ಕಾರ್ಯಾಚರಣೆಯ ಪರಿಶೀಲನೆಗಳು ಸೇರಿದಂತೆ ಹೆಚ್ಚಿನ ಪರೀಕ್ಷೆಯ ಅಗತ್ಯವಿದೆ. ರೈಲುಗಳ ಸಂಪೂರ್ಣ ಸೆಟ್ ಅನ್ನು ತಲುಪಿಸಿದ ನಂತರ ಮತ್ತು ಈ ಎಲ್ಲಾ ಪರೀಕ್ಷೆಗಳಲ್ಲಿ ಉತ್ತೀರ್ಣರಾದ ನಂತರವೇ ಸಾರ್ವಜನಿಕ ಬಳಕೆಗಾಗಿ ಮಾರ್ಗವನ್ನು ತೆರವುಗೊಳಿಸಬಹುದು.