ಮೊದಲ ಬಾರಿ ಬೆಂಗಳೂರಲ್ಲಿ ಮನೆ ಖರೀದಿಸ್ತಿದ್ದೀರಾ? ಈ ವಿಚಾರ ತಿಳಿದಿರಲೇಬೇಕು..ಹಾಗೇ ಬೆಸ್ಟ್ ಏರಿಯಾಗಳ್ಯಾವುವು?

ಇದೆ ಮೊದಲ ಬಾರಿಗೆ ಮನೆ ಖರೀದಿ ಮಾಡ್ತಿದ್ದೀರ? ಅದ್ರಲ್ಲೂ ಬೆಂಗಳೂರಿನಲ್ಲಿ ಮನೆ ಕೊಂಡುಕೊಳ್ಳೋ ಪ್ಲಾನ್ ಇದ್ಯಾ? ಹಾಗಾದ್ರೆ ನಾವು ಹೇಳೋ ಒಂದಷ್ಟು ವಿಚಾರಗಳ ಬಗ್ಗೆ ಸರಿಯಾಗಿ ಗಮನಿಸಿ. ಯಾಕಂದ್ರೆ ಮನೆ ಅಂದ್ರೆ ಕೇವಲ ಅದೊಂದು ಹೂಡಿಕೆ ಅಷ್ಟೇ ಅಲ್ಲ. ಅದು ನೆಲೆಸಲು ಬೇಕಾದ ಒಂದು ಸರಕ್ಷಿತ ಸ್ಥಳ, ಸಂಪರ್ಕ ಸುಲಭವಾಗಿರಬೇಕು ಹಾಗೇ ಉತ್ತಮ ಮೂಲಭೂತ ಸೌಕರ್ಯ ಹೊಂದಿರುವಂತಹ ಸ್ಥಳವಾಗಿರಬೇಕು. ಹೀಗಾಗಿ ಮನೆ ಖರೀದಿಗೂ ಮುನ್ನ ನೀವೊಂದಷ್ಟು ವಿಚಾರಗಳನ್ನು ತಿಳಿದುಕೊಳ್ಳಲೇಬೇಕು. ಹೀಗಾಗಿ ಈ ಬಗ್ಗೆ ತಜ್ಞರು ಒಂದಷ್ಟು ಸಲಹೆಗಳನ್ನ ಕೊಟ್ಟಿದ್ದಾರೆ. ಹಾಗಾದ್ರೆ ಆ ಸಲಹೆಗಳೇನು ಅನ್ನೋದನ್ನ ತಿಳಿದುಕೊಳ್ಳಿ.

ಮೊದಲನೆಯದಾಗಿ ಗಮನಿಸಬೇಕಾದ ಅಂಶಗಳು:

ಮನೆ ಖರೀದಿಸುವ ಮುನ್ನ, ಕೆಲಸದ ಸ್ಥಳಗಳು ಹಾಗೂ ಐಟಿ ಪಾರ್ಕ್‌ಗಳಿಗೆ ಹತ್ತಿರವಿರುವ ಸ್ಥಳವನ್ನು ಆರಿಸುವುದು ಬಹುಪಾಲು ಖರೀದಿದಾರರಿಗೆ ಹೆಚ್ಚು ಅನುಕೂಲಕರ. ಶಾಲೆಗಳು, ಆಸ್ಪತ್ರೆಗಳು, ಸಾರ್ವಜನಿಕ ಸಾರಿಗೆ ಹಾಗೂ ರಸ್ತೆಗಳ ಗುಣಮಟ್ಟವೂ ಸಹ ನಿರ್ಧಾರಕ್ಕೆ ಪ್ರಭಾವ ಬೀರುತ್ತದೆ. ಜೊತೆಗೆ, ಮೆಟ್ರೋ ಮಾರ್ಗಗಳು ಹಾಗೂ ಹೆದ್ದಾರಿ ವಿಸ್ತರಣೆ ಯೋಜನೆಗಳು ಅಸ್ತಿತ್ವದಲ್ಲಿದ್ದರೆ, ಅವು ಭವಿಷ್ಯದಲ್ಲಿ ಆಸ್ತಿಯ ಮೌಲ್ಯವರ್ಧನಕ್ಕೆ ಕಾರಣವಾಗುತ್ತವೆ. ಬಾಡಿಗೆ ಬೇಡಿಕೆ ಹಾಗೂ ಆಯಾ ಪ್ರದೇಶದಲ್ಲಿ ಬಾಡಿಗೆ ಹೆಚ್ಚಳದ ಗತಿಯನ್ನೂ ಪರಿಶೀಲಿಸಬೇಕು.

RERA ನೋಂದಣಿ ಇರುವ ಯೋಜನೆಗಳೇ ಸುರಕ್ಷಿತ, ಏಕೆಂದರೆ ಅವು ಕಾನೂನುಬದ್ಧವಾಗಿದ್ದು ಗ್ರಾಹಕರ ಹಕ್ಕುಗಳನ್ನು ಕಾಯುತ್ತದೆ. ಈ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡು ಬೆಂಗಳೂರು ನಗರದಲ್ಲಿ ಮೊದಲ ಮನೆ ಖರೀದಿಸಲು ಸೂಕ್ತವಾಗಿರುವ ಕೆಲವು ಪ್ರದೇಶಗಳ ವಿಶ್ಲೇಷಣೆ ಹೀಗಿದೆ.

1. ಎಲೆಕ್ಟ್ರಾನಿಕ್ ಸಿಟಿ:

ಐಟಿ ಉದ್ಯೋಗಿಗಳಿಗೆ ಈ ಪ್ರದೇಶ ಅತ್ಯುತ್ತಮ ಆಯ್ಕೆ. ಇಲ್ಲಿ ಫ್ಲಾಟ್‌ಗಳ ಆಯ್ಕೆ ಅಪಾರವಾಗಿದ್ದು, ಬಜೆಟ್-ಪ್ರಜ್ಞೆಯುಳ್ಳ ಖರೀದಿದಾರರಿಗೆ ಲಭ್ಯವಿದೆ. ಮೆಟ್ರೋ ವಿಸ್ತರಣೆ ನಿಕಟ ಭವಿಷ್ಯದಲ್ಲೇ ಆಗಲಿರುವುದರಿಂದ ಸಂಪರ್ಕ ಮತ್ತಷ್ಟು ಸುಲಭವಾಗಲಿದೆ. ಬಾಡಿಗೆ ಬೇಡಿಕೆ 4-5% ಇಳುವರಿಯೊಂದಿಗೆ ಪ್ರಗತಿಯಲ್ಲಿದೆ. ಸರಾಸರಿ ಬೆಲೆ 6,200 ರೂ./ಚದರ ಅಡಿ (ಕನಿಷ್ಠ ₹2,142) ಇರುತ್ತದೆ.

2. ಸರ್ಜಾಪುರ ರಸ್ತೆ:

ವಿಪ್ರೋ, ಸಿಸ್ಕೊ ಮುಂತಾದ ಐಟಿ ಕಂಪನಿಗಳ ಹತ್ತಿರವಿರುವ ಈ ಪ್ರದೇಶ, ಉತ್ತಮ ಶಿಕ್ಷಣ ಸಂಸ್ಥೆಗಳಿಂದ ಕೂಡಿದೆ. ಇಲ್ಲಿ ಪ್ಲಾಟ್‌ಗಳು, ವಿಲ್ಲಾಗಳು ಸೇರಿದಂತೆ ಎಲ್ಲಾ ವಿಧದ ಮನೆಗಳೂ ಲಭ್ಯ. ಮೆಟ್ರೋ ವಿಸ್ತರಣೆ ಕೂಡ ನಡೆಯುತ್ತಿದೆ. ಬೆಲೆ ಶ್ರೇಣಿ 7,000 ರೂ. ಇಂದ 12,000 ರೂ. ಚದರ ಅಡಿ ಇರುತ್ತದೆ.

3. ವೈಟ್‌ಫೀಲ್ಡ್:

ಅತ್ಯುತ್ತಮ ಮೂಲಸೌಕರ್ಯ ಹಾಗೂ ಐಟಿ ಉದ್ಯೋಗಿಗಳಿಗಾಗಿ ಐಷಾರಾಮಿ ವಸತಿ ಗುರಿಯಾಗಿರುವ ಈ ಪ್ರದೇಶದಲ್ಲಿ ಮನೆ ಬೆಲೆಗಳು ಹೆಚ್ಚು ಇದ್ದರೂ ಭವಿಷ್ಯದ ಮೌಲ್ಯ ಹೆಚ್ಚಳ ಗ್ಯಾರಂಟಿ. ಇಲ್ಲಿ ಬೆಲೆ ಶ್ರೇಣಿಯು 8,000 ದಿಂದ 18,000 ರೂ./ಚದರ ಅಡಿ ಇರುತ್ತದೆ.

4. ಹೆಬ್ಬಾಳ:

ಮಾನ್ಯತಾ ಟೆಕ್ ಪಾರ್ಕ್ ಹತ್ತಿರವಿರುವ ಈ ಪ್ರದೇಶ ವಿಮಾನ ನಿಲ್ದಾಣಕ್ಕೆ ಸುಲಭ ಪ್ರವೇಶ ಹೊಂದಿದ್ದು, ಉತ್ತಮ ಶಾಲೆಗಳು, ಆಸ್ಪತ್ರೆಗಳು, ಮಾರುಕಟ್ಟೆಗಳು ಹತ್ತಿರವಿವೆ. ಇಲ್ಲಿನ ಬೆಲೆ ಶ್ರೇಣಿ 8,000 ದಿಂದ 13,200 ರೂ./ಚದರ ಅಡಿ ಇರುತ್ತದೆ.

5. ದೇವನಹಳ್ಳಿ:

ಬೆಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಸಮೀಪದಲ್ಲಿರುವ ಈ ಪ್ರದೇಶ, ಹೊಸ ವ್ಯಾಪಾರ ಕೇಂದ್ರಗಳು ಹಾಗೂ ಮೆಟ್ರೋ ಯೋಜನೆಯೊಂದಿಗೆ ಭವಿಷ್ಯದ ಬೆಳವಣಿಗೆಯ ಹದಿಯನ್ನು ಹೊಂದಿದೆ. ಇಲ್ಲಿನ ಬೆಲೆ ಶ್ರೇಣಿ 8,500 ದಿಂದ 15,000 ರೂ./ಚದರ ಅಡಿ ಇರುತ್ತದೆ.

6. ಬನ್ನೇರುಘಟ್ಟ ರಸ್ತೆ:

ಅತ್ತ ನೈಸರ್ಗಿಕ ಮೀಸಲುಗಳು, ಇತ್ತ ಉತ್ತಮ ಶಿಕ್ಷಣ ಸಂಸ್ಥೆಗಳು..ಇವೆರಡೂ ಈ ಪ್ರದೇಶವನ್ನು ಕುಟುಂಬಗಳಿಗೆ ಸೂಕ್ತವನ್ನಾಗಿ ಮಾಡುತ್ತವೆ. ಸಂಪರ್ಕವೂ ಉತ್ತಮ. ಇಲ್ಲಿನ ಬೆಲೆ ಶ್ರೇಣಿ 5,185 ದಿಂದ 14,500/ಚದರ ಅಡಿ ಇರುತ್ತದೆ.

7. ಯಲಹಂಕ:

ಉತ್ತರ ಬೆಂಗಳೂರು ಭಾಗದಲ್ಲಿ ಇರುವ ಈ ಪ್ರದೇಶದಲ್ಲಿ ಹಸಿರು ಪರಿಸರ, ಕಡಿಮೆ ಸಂಚಾರ ಮತ್ತು ಸ್ವಚ್ಛ ವಾತಾವರಣ ಇವೆ. ಶಾಂತಿಯುತ ಜೀವನಶೈಲಿ ಬಯಸುವವರಿಗೆ ಸೂಕ್ತ. ಬೆಲೆ ಶ್ರೇಣಿ 7,200-₹13,500 ರೂ./ಚದರ ಅಡಿ ಇರುತ್ತದೆ.

8. ಹೊಸಕೋಟೆ:

ಬಜೆಟ್-ಆಧಾರಿತ ಖರೀದಿದಾರರಿಗೆ ಮತ್ತು ದೀರ್ಘಾವಧಿ ಹೂಡಿಕೆದಾರರಿಗೆ ಅತ್ಯುತ್ತಮ ಅವಕಾಶ ನೀಡುವ ಸ್ಥಳ. ಅಭಿವೃದ್ಧಿಯ ಪ್ರಾರಂಭಿಕ ಹಂತದಲ್ಲಿದ್ದು, ಮುಂದಿನ ವರ್ಷಗಳಲ್ಲಿ ಮೌಲ್ಯವರ್ಧನೆ ನಿರೀಕ್ಷಿಸಬಹುದು. ಬೆಲೆ ಶ್ರೇಣಿಯು 4,650-7,000 ರೂ./ಚದರ ಅಡಿ

9. ಕನಕಪುರ ರಸ್ತೆ:

ಹಸಿರು ಪರಿಸರ, ಉತ್ತಮ ಶಾಲೆಗಳು ಮತ್ತು ಯೋಜಿತ ಮೆಟ್ರೋ ಮಾರ್ಗದಿಂದಾಗಿ ಇದು ಹೆಚ್ಚು ಕುಟುಂಬಪ್ರಿಯ ಪ್ರದೇಶವಾಗಿದೆ. ಬೆಲೆ ಸಹ ಇನ್ನೂ ಕೈಗೆಟುಕುವ ಹಂತದಲ್ಲಿದೆ. ಬೆಲೆ ಶ್ರೇಣಿ: ₹6,200-₹8,000/ಚದರ ಅಡಿ.

ಮನೆ ಖರೀದಿಸುವ ಮೊದಲು RERA ನೋಂದಣಿ, ಆಸ್ತಿ ಶೀರ್ಷಿಕೆ, ನಿವೇಶನ ಪ್ರಮಾಣಪತ್ರಗಳು, ಇತ್ಯಾದಿಗಳ ಸರಿಯಾದ ಪರಿಶೀಲನೆ ಅಗತ್ಯ. ಖರೀದಿದಾರರು ಜಿಎಸ್‌ಟಿ, ಸ್ಟಾಂಪ್ ಡ್ಯೂಟಿ, ನೋಂದಣಿ ಶುಲ್ಕಗಳನ್ನು ಬಜೆಟ್‌ನಲ್ಲಿ ಸೇರಿಸಿಕೊಳ್ಳಬೇಕು. ಮೆಟ್ರೋ ಮತ್ತು ರಸ್ತೆ ವಿಸ್ತರಣೆಯ ಭವಿಷ್ಯ ಯೋಜನೆಗಳು ಇರುವ ಪ್ರದೇಶಗಳನ್ನು ಆರಿಸುವುದು ಚಾತುರಿಯಾಗಿದೆ. ಅಲ್ಲದೇ, ನೆರೆಹೊರೆಯ ಸುರಕ್ಷತಾ ಇತಿಹಾಸ ಮತ್ತು ಪ್ರವಾಹದ ಅಪಾಯಗಳನ್ನೂ ಪರಿಶೀಲಿಸುವುದು ಸೂಕ್ತ.