ಬಿಎಲ್‌ಎಸ್ ಪಾಲಿಮರ್ಸ್ ಐಪಿಒ: ಮೊದಲ ದಿನವೇ ಭರ್ಜರಿ ಸಬ್‌ಸ್ಕ್ರಿಪ್ಷನ್, ಜಿಎಂಪಿ ಟ್ರೆಂಡ್ ಹೇಗಿದೆ?

ಸ್ಪೆಷಾಲಿಟಿ ಕಾಂಪೌಂಡ್ಸ್ ತಯಾರಿಕಾ ಸಂಸ್ಥೆ ಬಿಎಲ್‌ಎಸ್ ಪಾಲಿಮರ್ಸ್‌ನ ₹255 ಕೋಟಿ ಮೌಲ್ಯದ ಐಪಿಒ (IPO) ಆಫರ್ ಇಂದು ಸಾರ್ವಜನಿಕ ಸಬ್‌ಸ್ಕ್ರಿಪ್ಷನ್‌ಗೆ ತೆರೆದುಕೊಂಡಿದೆ. ಇದು ಶೇ. 100 ರಷ್ಟು ಹೊಸ ಷೇರುಗಳ (Fresh issue) ಮಾರಾಟವಾಗಿದೆ. ಕಂಪನಿಯು ಪ್ರತಿ ಷೇರಿಗೆ ₹142 ರಿಂದ ₹150 ದರ ನಿಗದಿಪಡಿಸಿದೆ. ಒಂದು ಲಾಟ್‌ನಲ್ಲಿ 100 ಷೇರುಗಳಿದ್ದು, ಹೂಡಿಕೆದಾರರು ಕನಿಷ್ಠ ₹15,000 ಹೂಡಿಕೆ ಮಾಡಬೇಕಾಗುತ್ತದೆ. ಎನ್‌ಎಸ್‌ಇ ಮತ್ತು ಬಿಎಸ್‌ಇಯಲ್ಲಿ ಅಕ್ಟೋಬರ್ 27 ರಿಂದ ಅಕ್ಟೋಬರ್ 29 ರವರೆಗೆ ಬಿಡ್ ಸಲ್ಲಿಸಲು ಅವಕಾಶವಿದೆ.

ಇಂದು ಮಧ್ಯಾಹ್ನ 12:04 ರ ವೇಳೆಗೆ ಲಭ್ಯವಿರುವ ಮಾಹಿತಿಯಂತೆ, ಈ ಐಪಿಒ ಒಟ್ಟಾರೆಯಾಗಿ 3.96 ಪಟ್ಟು ಸಬ್‌ಸ್ಕ್ರೈಬ್ ಆಗಿದೆ. ಅರ್ಹ ಸಾಂಸ್ಥಿಕ ಹೂಡಿಕೆದಾರರ (QIB) ವಿಭಾಗದಲ್ಲಿ ಅತ್ಯಧಿಕ ಅಂದರೆ 7.52 ಪಟ್ಟು ಬಿಡ್ಡಿಂಗ್ ನಡೆದಿದ್ದರೆ, ಸಂಸ್ಥೆಯೇತರ ಹೂಡಿಕೆದಾರರ (NII) ವಿಭಾಗ 3 ಪಟ್ಟು ಭರ್ತಿಯಾಗಿದೆ. ರಿಟೇಲ್ ಹೂಡಿಕೆದಾರರ ವಿಭಾಗದಲ್ಲಿ 2.34 ಪಟ್ಟು ಸಬ್‌ಸ್ಕ್ರಿಪ್ಷನ್ ದಾಖಲಾಗಿದೆ. ಮಧ್ಯಾಹ್ನ 3:30 ರ ವೇಳೆಗೆ ದೊಡ್ಡ ಮಟ್ಟದ ಹೂಡಿಕೆದಾರರಿಂದ ಹೀಗೆಯೇ ಸ್ಪಂದನೆ ಸಿಗಲಿದೆಯೇ ಎಂಬುದನ್ನು ಕಾದು ನೋಡಬೇಕಿದೆ. ಮುಂದಿನ ಅಪ್‌ಡೇಟ್‌ಗಳು ಮಧ್ಯಾಹ್ನ 1:00 ಮತ್ತು 3:00 ಗಂಟೆಗೆ ಲಭ್ಯವಾಗಲಿವೆ.

BLS Polymers IPO GMP: ಇಂದಿನ ಜಿಎಂಪಿ ಟ್ರೆಂಡ್ ಹೇಗಿದೆ?

ಬಿಡ್ಡಿಂಗ್‌ನ ಮೊದಲ ದಿನವಾದ ಇಂದು ಬೆಳಿಗ್ಗೆ ಗ್ರೇ ಮಾರ್ಕೆಟ್ ಪ್ರೀಮಿಯಂ (GMP) ದರಗಳಲ್ಲಿ ಸಾಕಷ್ಟು ಏರಿಳಿತಗಳು ಕಂಡುಬಂದಿವೆ. ಅನಧಿಕೃತ ಮಾಹಿತಿಯ ಪ್ರಕಾರ, ಜಿಎಂಪಿ ಪ್ರತಿ ಷೇರಿಗೆ ₹28 ರಿಂದ ₹40 ವ್ಯಾಪ್ತಿಯಲ್ಲಿದೆ. ಸೋಶಿಯಲ್ ಮೀಡಿಯಾದಲ್ಲಿ ಜಿಎಂಪಿ ₹150 ಹತ್ತಿರವಿದೆ ಎಂಬ ಸುದ್ದಿಗಳು ಹರಿಡಾಡುತ್ತಿದ್ದು, ಇವುಗಳನ್ನು ಕೇವಲ ವದಂತಿ ಎಂದಷ್ಟೇ ನೋಡಬಹುದು. ಜಿಎಂಪಿಯನ್ನು ಕೇವಲ ಮಾರುಕಟ್ಟೆಯ ಟ್ರೆಂಡ್ ಸೂಚಕವಾಗಿ ನೋಡಬೇಕೇ ಹೊರತು ಅದೇ ಅಂತಿಮ ಬೆಲೆಯಲ್ಲ. ಮಧ್ಯಾಹ್ನದ ವೇಳೆಗೆ ಅಧಿಕೃತ ಬಿಡ್‌ಗಳು ಹೆಚ್ಚಾಗುತ್ತಿದ್ದಂತೆ ಜಿಎಂಪಿ ದರ ಸ್ಥಿರಗೊಳ್ಳುವ ನಿರೀಕ್ಷೆಯಿದೆ.

BLS Polymers IPO ಬೆಲೆ, ಲಾಟ್ ಸೈಜ್ ಮತ್ತು ಪ್ರಮುಖ ವಿವರಗಳು

ಹೂಡಿಕೆದಾರರು 100 ಷೇರುಗಳು ಅಥವಾ ಅದರ ಗುಣಕಗಳಲ್ಲಿ (multiples) ಅರ್ಜಿ ಸಲ್ಲಿಸಬೇಕಾಗುತ್ತದೆ. ನಿಗದಿತ ಸಮಯ ಮುಕ್ತಾಯಗೊಳ್ಳುವ ಮುನ್ನವೇ ಯುಪಿಐ (UPI) ಮ್ಯಾಂಡೇಟ್ ಅನ್ನು ಅನುಮೋದಿಸುವುದು ಕಡ್ಡಾಯ. ಷೇರು ಮಾರುಕಟ್ಟೆಗಳಲ್ಲಿ ಕ್ಯೂಐಬಿ ಮತ್ತು ಎನ್‌ಐಐ ಹೂಡಿಕೆದಾರರಿಗೆ ಸಂಜೆ 4 ಗಂಟೆಯವರೆಗೆ ಬಿಡ್ ಮಾಡಲು ಅವಕಾಶವಿದ್ದರೆ, ರಿಟೇಲ್ ಹೂಡಿಕೆದಾರರು ಸಂಜೆ 5 ಗಂಟೆಯವರೆಗೆ ಅರ್ಜಿ ಸಲ್ಲಿಸಬಹುದು. ಕಂಪನಿಯು ಆಂಕರ್ ಹೂಡಿಕೆದಾರರಿಂದ ಈಗಾಗಲೇ ₹76.5 ಕೋಟಿ ಸಂಗ್ರಹಿಸಿದೆ. ಇದರಲ್ಲಿ ನಕ್ಷತ್ರ ಭಾರತ್ ವಾಂಟೇಜ್ ಫಂಡ್ ಮತ್ತು ವೀನಸ್ ಇನ್ವೆಸ್ಟ್‌ಮೆಂಟ್ಸ್ ವಿಸಿ ಸಿ ಪ್ರಮುಖವಾಗಿವೆ.

BLS Polymers IPO ಅಲಾಟ್‌ಮೆಂಟ್, ಲಿಸ್ಟಿಂಗ್ ದಿನಾಂಕ ಹೀಗಿದೆ

ಷೇರು ಅಲಾಟ್‌ಮೆಂಟ್ ಪ್ರಕ್ರಿಯೆಯು ಅಕ್ಟೋಬರ್ 30 ರಂದು ನಡೆಯಲಿದ್ದು, ನವೆಂಬರ್ 2 ರಂದು ಹಣ ಮರುಪಾವತಿ ಹಾಗೂ ಷೇರುಗಳು ಡಿಮ್ಯಾಟ್ ಖಾತೆಗೆ ಜಮೆಯಾಗಲಿವೆ. ನವೆಂಬರ್ 3 ರಂದು ಷೇರುಗಳು ಮಾರುಕಟ್ಟೆಯಲ್ಲಿ ಲಿಸ್ಟ್ ಆಗುವ ಸಾಧ್ಯತೆಯಿದೆ. ಬಿಡ್ಡಿಂಗ್ ಮುಕ್ತಾಯದ ವೇಳೆಗೆ ಕ್ಯೂಐಬಿ, ಹೆಚ್‌ಎನ್‌ಐ ಮತ್ತು ರಿಟೇಲ್ ಹೂಡಿಕೆದಾರರ ಪ್ರತಿಕ್ರಿಯೆ ಹೇಗಿರಲಿದೆ ಎಂಬುದು ಕುತೂಹಲ ಮೂಡಿಸಿದೆ. ಮೆಟೀರಿಯಲ್ಸ್ ವಲಯದ ಕಂಪನಿಗಳಲ್ಲಿ ಕ್ಯೂಐಬಿ ಬಿಡ್ಡಿಂಗ್ ಬಲವಾಗಿದ್ದಷ್ಟು ಲಿಸ್ಟಿಂಗ್ ಸ್ಥಿರವಾಗಿರುತ್ತದೆ, ಹೀಗಾಗಿ ಇಂದಿನ ಒಟ್ಟಾರೆ ಸಬ್‌ಸ್ಕ್ರಿಪ್ಷನ್ ಗಮನಿಸುವುದು ಪ್ರಮುಖವಾಗಿದೆ.