BMTC ಪ್ರಯಾಣಿಕರಿಗೆ ಗುಡ್‌ನ್ಯೂಸ್...100 ಹೊಸ ಬಸ್‌ಗಳು ಸಂಚಾರಕ್ಕೆ ಸಜ್ಜು, 2,286 ಕಂಡಕ್ಟರ್‌ಗಳು! ಎಲ್ಲೆಲ್ಲಿ ಹೊಸ ಬಸ್‌ಗಳು?

ಬೆಂಗಳೂರಿನಲ್ಲಿ ದಿನೇ ದಿನೆ ಜನದಟ್ಟಣೆ ಹೆಚ್ಚಾಗುತ್ತಿದೆ. ಸಾರಿಗೆ ವ್ಯವಸ್ಥೆ ಎಷ್ಟೇ ಇದ್ದರೂ ಕೊರತೆ ಎಂಬಂತೆ ಭಾಸವಾಗುತ್ತಿದೆ. ಹೆಚ್ಚುತ್ತಿರುವ ಪ್ರಯಾಣಿಕರ ಬೇಡಿಕೆಗಳನ್ನು ಈಡೇರಿಸಲು ಈಗ ಸಾರಿಗೆ ಇಲಾಖೆ ಮುಂದಾಗಿದೆ. ಅದೇನೆಂದರೆ ಪ್ರಯಾಣಿಕರ ಬೇಡಿಕೆಗೆ ಅನುಸಾರವಾಗಿ ಬೆಂಗಳೂರಿನಲ್ಲಿ ಬಿಎಂಟಿಸಿ ಬಸ್ ಸೇವೆಗಳನ್ನು ವಿಸ್ತಾರ ಮಾಡಲಾಗುತ್ತಿದೆ.

ಹೌದು, ಪ್ರಯಾಣಿಕರ ಬೇಡಿಕೆಗಳನ್ನು ಪೂರೈಸಲು, ಅವರ ಪ್ರಯಾಣದ ದಾರಿ ಸುಗಮಗೊಳಿಸಲು ಸಾರಿಗೆ ಇಲಾಖೆ ಬಿಎಂಟಿಸಿ 25 ಹೆಚ್ಚಿನ ಸಾಂದ್ರತೆಯ ಮಾರ್ಗಗಳಲ್ಲಿ ನೂರಾರು ಹೊಸ ಬಸ್‌ಗಳನ್ನು ಸೇರಿಸಲು ನಿರ್ಧರಿಸಿದೆ. ಇದಿಷ್ಟೇ ಅಲ್ಲ 2,286 ಹೊಸ ಕಂಡಕ್ಟರ್‌ಗಳನ್ನು ನೇಮಿಸಲು ಯೋಜನೆ ಮಾಡುತ್ತಿದೆ. ಬಿಎಂಟಿಸಿಯ ಮುಖ್ಯ ಸಂಚಾರ ವ್ಯವಸ್ಥಾಪಕ ಜಿಟಿ ಪ್ರಭಾಕರ ರೆಡ್ಡಿ ಸೋಮವಾರ (ಮೇ 12) ಈ ಹೊಸ ಯೋಜನೆ ಬಗ್ಗೆ ಅಧಿಕೃತವಾಗಿ ಮಾಹಿತಿ ನೀಡಿದ್ದಾರೆ.

ಭದ್ರತೆ ಮತ್ತು ಸುಗಮ ಸೇವೆಗಳು:

ಕೋವಿಡ್ -19 ಪರಿಣಾಮವಾಗಿ ಆಗ ಬಿಎಂಟಿಸಿ, ತನ್ನ ಬಸ್ ಸೇವೆಗಳನ್ನು ಪುನಃಸ್ಥಾಪಿಸುವುದರಲ್ಲಿ ಕೊಂಚ ವಿಳಂಬ ಮಾಡಿತ್ತು. ಆದರೆ ಹೆಚ್ಚುತ್ತಿರುವ ಪ್ರಯಾಣಿಕರ ಸಂಖ್ಯೆಯಿಂದ, ಸಾಂದ್ರತೆಗೆ ಮಾರ್ಗಗಳಲ್ಲಿ ಅನೇಕ ಬಾರಿ ಜನದಟ್ಟಣೆ ಹೆಚ್ಚಾಗಿತ್ತು. 2016 ರಲ್ಲಿ, ಬಿಎಂಟಿಸಿ ಪ್ರತಿದಿನವೂ 6,500 ಬಸ್‌ಗಳಲ್ಲಿ 6,200 ಬಸ್‌ಗಳನ್ನು ನಿರ್ವಹಿಸುತ್ತಿತ್ತು. ಆದರೆ ಈಗ ಪ್ರಯಾಣಿಕರ ಸಂಖ್ಯೆ ಹೆಚ್ಚಾಗಿರುವುದರಿಂದ, 6,851 ಬಸ್‌ಗಳಿದ್ದರೂ ಸಾಕಾಗುತ್ತಿಲ್ಲ. ಏಕೆಂದರೆ ಈ 6,851 ಬಸ್‌ಗಳ ಪೈಕಿ ಸೇವೆ ನಿರ್ವಹಿಸುತ್‌ತಿರುವುದು ಮಾತ್ರ, 5,950 ಬಸ್‌ಗಳು ಮಾತ್ರ. ಹೀಗಾಗಿ ಪ್ರಯಾಣಿಕರ ಬೇಡಿಕೆ ಕೂಡ ಹೆಚ್ಚಾಗಿದೆ.

ಪರಿಣಾಮ ಮತ್ತು ಸಾರ್ವಜನಿಕ ಪ್ರತಿಕ್ರಿಯೆ:

ಇನ್ನು ಕೆಲವು ಪ್ರಯಾಣಿಕರು ತಮಗಾಗುವ ಸಮಸ್ಯೆಗಳನ್ನು ವಿವರಿಸಿದ್ದಾರೆ. ಇತ್ತೀಚೆಗೆ ಮೆಜೆಸ್ಟಿಕ್, ಕೆಆರ್ ಮಾರುಕಟ್ಟೆ, ಶಿವಾಜಿನಗರ ಮುಂತಾದ ಸ್ಥಳಗಳಿಗೆ ಹೋಗುವ ಬಸ್‌ಗಳು, ಹತ್ತಿರ 5-10 ನಿಮಿಷಗಳ ನಡುವೆ ಸಿಗುತ್ತಿದ್ದವು. ಆದರೆ ಈಗ ಎಷ್ಟು ಹೊತ್ತು ಕಾದರೂ ಸಾಲದು. ಸುಮಾರು 20 ನಿಮಿಷಕ್ಕಿಂತ ಹೆಚ್ಚು ಹೊತ್ತು ಕಾಯುವ ಪರಿಸ್ಥಿತಿ ಬಂದಿದೆ. ಇದರಿಂದಾಗಿ ಪ್ರಯಾಣದ ಸಮಸ್ಯೆ ಹೆಚ್ಚಾಗಿದೆ ಎನ್ನುತ್ತಿದ್ದಾರೆ. ಅಷ್ಟೇ ಅಲ್ಲ..ಬಸ್ ಸಿಕ್ಕರೂ ಅತಿಹೆಚ್ಚು ಜನರಿಂದ ಬಸ್ ತುಂಬಿ ತುಳುಕುತ್ತಿರುತ್ತದೆ. ಕೆಲವೊಮ್ಮೆ ನಿಲ್ಲಲೂ ಜಾಗವಿರುವುದಿಲ್ಲ. ಕೆಲವರು ಬಾಗಿಲ ಬಳಿ ನಿಂತು ಪ್ರಯಾಣಿಸುವಂತಹ ಸ್ಥಿತಿ ಬಂದಿದೆ. ಇದರಿಂದ ಸಾಕಷ್ಟು ಸಮಸ್ಯೆಯಾಗಬಹುದು ಎಂದು ಕೂಡ ಕಳವಳ ವ್ಯಕ್ತಪಡಿಸಿದ್ದಾರೆ.

ಬಿಎಂಟಿಸಿ ಹೊಸ ಯೋಜನೆ:

ಈ ಸಮಸ್ಯೆಯನ್ನು ಪರಿಹರಿಸಲು, ಬಿಎಂಟಿಸಿ ಹೊಸ 2,286 ಕಂಡಕ್ಟರ್‌ಗಳನ್ನು ನೇಮಿಸಲು ತೀರ್ಮಾನಿಸಿದೆ. ಈ ಹೊಸ ಕಂಡಕ್ಟರ್‌ಗಳು ಸೋಮವಾರದಿಂದ (ಮೇ 12) ಸೇವೆಗೆ ಸೇರಲಿದ್ದಾರೆ. ಮುಂದಿನ ಕೆಲ ವಾರಗಳಲ್ಲಿ, 25 ಸಾಂದ್ರತೆಯ ಮಾರ್ಗಗಳಲ್ಲಿ 100 ಹೊಸ ಬಸ್‌ಗಳನ್ನು ಸೇರಿಸಲು ಯೋಜನೆ ಇದೆ. "ನಾವು 25 ಹೆಚ್ಚು ಜನಪ್ರಿಯ ಮಾರ್ಗಗಳಲ್ಲಿ, ಪ್ರಯಾಣಿಕರ ಪೀಕ್ ಅವರ್ ಸಮಯದಲ್ಲಿ ಉತ್ತಮ ಸೇವೆಯನ್ನು ನೀಡಲು ಯೋಜಿಸಿದೆ" ಎಂದು ಪ್ರಭಾಕರ ರೆಡ್ಡಿ ತಿಳಿಸಿದರು.

ಪರಿಸರ ಸ್ನೇಹಿ ಬಸ್‌ಗಳು:

ಆಗಾಗಲೇ 262 ಎಲೆಕ್ಟ್ರಿಕ್ ಬಸ್‌ಗಳನ್ನು ಬಿಎಂಟಿಸಿಯವರು ಪರಿಚಯಿಸಲು ಸಜ್ಜಾಗಿದ್ದಾರೆ. 86 ಎಸಿ-ಇ-ಬಸ್‌ಗಳು ವಿಮಾನ ನಿಲ್ದಾಣ ಮಾರ್ಗಗಳಲ್ಲಿ ಸಂಚರಿಸಲಿದೆ. ಇದು ಪರಿಸರ ಸ್ನೇಹಿ ಮಾರ್ಗದಲ್ಲಿ ತಲುಪುವ ಪ್ರಯಾಣಿಕರಿಗೆ ಮತ್ತಷ್ಟು ಸುಗಮ ಸೇವೆಗಳನ್ನು ಒದಗಿಸುತ್ತದೆ.

ಬಿಎಂಟಿಸಿಯ ಹಾಲಿ ಬಸ್ ಫ್ಲೀಟ್:

ಆಗಲೇ ಹೇಳಿದಂತೆ ಒಟ್ಟು ಬಿಎಂಟಿಸಿ ಬಸ್‌ಗಳ ಸಂಖ್ಯೆ: 6,851 (5,482 ಡೀಸೆಲ್, 1,369 ಇ-ಬಸ್‌ಗಳು)

ಪ್ರತಿದಿನ ಸೇವೆ ನೀಡುವ ಬಸ್‌ಗಳ ಸಂಖ್ಯೆ: 5,950 ಬಸ್‌ಗಳು

ಪ್ರಯಾಣಿಕರ ಸಂಖ್ಯೆ: 12.09 ಲಕ್ಷ

ದೈನಂದಿನ ಪ್ರಯಾಣಿಕರ ಸಂಖ್ಯೆ: 40 ಲಕ್ಷ

ಹೆಚ್ಚು ಮಾರ್ಗಗಳ ವಿವರಗಳು:

401: ಯಲಹಂಕ - ಕೆಂಗೇರಿ

2, 201: ಶ್ರೀನಗರ - ದೊಮ್ಮಲೂರು

210N: ಮೆಜೆಸ್ಟಿಕ್ - ಉತ್ತರಹಳ್ಳಿ

ಬಿಎಂಟಿಸಿಯ ಈ ಹೊಸ ಪ್ರಯತ್ನಗಳು ಪ್ರಯಾಣಿಕರ ಅನುಭವವನ್ನು ಸುಧಾರಿಸಲು ಮತ್ತು ಬಸ್ ಸೇವೆಯು ದೀರ್ಘಾವಧಿಯಲ್ಲಿ ಹೆಚ್ಚಿನ ಜನರನ್ನು ತಲುಪಲು ಸಹಕಾರಿಯಾಗಿದೆ.