ಮಹಿಳೆಯರಿಗಾಗಿ BOB ಟಿಯಾರಾ ಕ್ರೆಡಿಟ್‌ ಕಾರ್ಡ್‌..ಶಾಪಿಂಗ್, ಟ್ರಾವೆಲ್, ಸಿನಿಮಾಗಳ ಮೇಲೆ ಭರ್ಜರಿ ಡಿಸ್ಕೌಂಟ್..!

ಸಾಮಾನ್ಯವಾಗಿ ಎಲ್ಲರೂ ಕ್ರೆಡಿಟ್‌ ಕಾರ್ಡ್‌ಗಳನ್ನು ಹೊಂದಿರುತ್ತಾರೆ. ತಮಗೆ ಬರುವ ಆದಾಯದ ಅನುಸಾರ ಕ್ರೆಡಿಟ್‌ ಕಾರ್ಡ್‌ನಿಂದ ಇಂತಿಷ್ಟು ಮಿತಿಗಳನ್ನು ಪಡೆಯಬಹುದು. ಹಾಗೂ ತಮಗೆ ಇರುವ ಅಗತ್ಯತೆಗಳಿಗೆ ತಕ್ಕಂತೆ ಈ ಕ್ರೆಡಿಟ್‌ ಕಾರ್ಡ್‌ಗಳು ಸಹಾಯಕವಾಗಿರುತ್ತವೆ. ಅದರಂತೆ ಇದೀಗ ಮಹಿಳೆಯರಿಗೆ ಬ್ಯಾಂಕ್ ಆಫ್ ಬರೋಡಾ, BOB ಟಿಯಾರಾ ಕ್ರೆಡಿಟ್ ಕಾರ್ಡ್ ಪರಿಚಯಿಸಿದೆ. ಇದರ ವೈಶಿಷ್ಟ್ಯತೆಗಳೇನು ಎಂಬುದನ್ನು ಇಲ್ಲಿ ತಿಳಿಯೋಣ.

BOB ಟಿಯಾರಾ ಕ್ರೆಡಿಟ್ ಕಾರ್ಡ್‌ನ ವೈಶಿಷ್ಟ್ಯಗಳು:

ಈ ಕಾರ್ಡ್ ವಿಶೇಷವಾಗಿ ಮಹಿಳೆಯರಿಗಾಗಿ ವಿತರಿಸಲಾಗುತ್ತದೆ. ಮಹಿಳೆಯರ ಅಗತ್ಯತೆಗಳನ್ನು ಮನಗಂಡು ಈ ಕಾರ್ಡ್ ವಿನ್ಯಾಸಗೊಳಿಸಲಾಗಿದೆ. ಅಂದರೆ ಖರೀದಿ, ಆರೋಗ್ಯ, ಪ್ರವಾಸ ಇತ್ಯಾದಿ ವಿಭಾಗಗಳಲ್ಲಿ ಮಹಿಳೆಯರು ಹೆಚ್ಚು ಉಳಿತಾಯ ಮಾಡಿಕೊಳ್ಳಲು ಇದು ಸಹಾಯ ಮಾಡುತ್ತದೆ.

1. 5X ವೇಗದ ರಿವಾರ್ಡ್ ಪಾಯಿಂಟ್‌ಗಳು

ಬಳಕೆದಾರರು ಪ್ರತಿ ₹100 ಖರ್ಚಿಗೆ 15 ರಿವಾರ್ಡ್‌ ಪಾಯಿಂಟ್‌ಗಳನ್ನು ಪಡೆಯಬಹುದು. ಈ ರಿವಾರ್ಡ್ ಪಾಯಿಂಟ್‌ಗಳು ಆಹಾರ, ಪ್ರವಾಸ ಮತ್ತು ಅಂತರಾಷ್ಟ್ರೀಯ ವ್ಯವಹಾರಗಳಿಗೆ ಅನ್ವಯಿಸುತ್ತವೆ. 5X ವೇಗದ ರಿವಾರ್ಡ್‌ ಪಾಯಿಂಟ್‌ಗಳು 5000 ಪಾಯಿಂಟ್‌ಗಳವರೆಗೂ ಪಡೆಯಬಹುದು. ಈ ಲಿಮಿಟ್‌ನ ನಂತರ ಬಳಕೆದಾರರು ಸಾಮಾನ್ಯ ರಿವಾರ್ಡ್‌ ಪಾಯಿಂಟ್‌ಗಳನ್ನು ಪಡೆಯುತ್ತಾರೆ.

2. ಸಾಮಾನ್ಯ ರಿವಾರ್ಡ್ ಪಾಯಿಂಟ್‌ಗಳು:

ಎಲ್ಲಾ ವರ್ಗಗಳ ಮೇಲೆ ಪ್ರತಿ 100 ರೂ. ಖರ್ಚಿಗೆ 3 ರಿವಾರ್ಡ್ ಪಾಯಿಂಟ್‌ಗಳು ಸಿಗುತ್ತವೆ. ಕ್ರೆಡಿಟ್ ಕಾರ್ಡ್ ಬಳಸಿ ಮಾಡಿದ, UPI ವ್ಯವಹಾರಗಳಿಗೆ ಪ್ರತಿ ಸ್ಟೇಟ್ಮೆಂಟ್ ಚಕ್ರಕ್ಕೆ ಗರಿಷ್ಠ 500 ಬಹುಮಾನ ಪಾಯಿಂಟ್‌ಗಳ ಮಿತಿ ಇರುತ್ತದೆ.

3. ಶಾಪಿಂಗ್ ರಿಯಾಯಿತಿಗಳು:

ಈ BOB ಟಿಯಾರಾ ಕ್ರೆಡಿಟ್ ಕಾರ್ಡ್ ಪ್ರತಿ ತ್ರೈಮಾಸಿಕ ಶಾಪಿಂಗ್ ರಿಯಾಯಿತಿಗಳನ್ನು ಒದಗಿಸುತ್ತದೆ. ಅಂದರೆ ಬಿಗ್‌ ಬಾಸ್ಕೆಟ್‌ ಮೇಲೆ ₹250 ರಿಯಾಯಿತಿ. ಮಿಂತ್ರಾ, ನೈಕಾ, ಫ್ಲಿಪ್‌ಕಾರ್ಟ್‌ ಪ್ರತಿಯೊಂದರ ಮೇಲೆ ₹500 ರಿಯಾಯಿತಿ. ಪ್ರತಿ ತ್ರೈಮಾಸಿಕದಲ್ಲಿ ಲ್ಯಾಕ್‌ಮಿ ಸಲೂನ್‌ ಮೇಲೆ ₹1,500 ರಿಯಾಯಿತಿ ಒದಗಿಸಲಾಗುತ್ತದೆ.

ಹಾಗೆಯೇ ಈ ಕಾರ್ಡ್ ಸ್ವಿಗ್ಗಿ ಒನ್‌ 3 ತಿಂಗಳ ಉಚಿತ ಸದಸ್ಯತ್ವ ಒದಗಿಸಲಾಗುತ್ತದೆ. ಇದರಿಂದ ಆಹಾರ ಮತ್ತು Instamart ಆರ್ಡರ್‌ಗಳ ಅನ್‌ಲಿಮಿಟೆಡ್ ಉಚಿತ ಡೆಲಿವರಿ ಪಡೆಯಬಹುದು. ಈ ಎಲ್ಲಾ ರಿಯಾಯಿತಿಗಳು ಕ್ಯಾಲೆಂಡರ್ ತ್ರೈಮಾಸಿಕ ಆಧಾರದ ಮೇಲೆ ಲಭ್ಯವಿರುತ್ತವೆ. ಅಂದರೆ ಜನವರಿ 1 ರಿಂದ ಮಾರ್ಚ್ 31, ಏಪ್ರಿಲ್ 1 ರಿಂದ ಜೂನ್ 30, ಜುಲೈ 1 ರಿಂದ ಸೆಪ್ಟೆಂಬರ್ 30, ಅಕ್ಟೋಬರ್ 1 ರಿಂದ ಡಿಸೆಂಬರ್ 31.. ಹೀಗೆ ಈ ತ್ರೈಮಾಸಿಕ ಆಧಾರದ ಮೇಲೆ ಈ ರಿಯಾಯಿತಿಗಳನ್ನು ನೀಡಲಾಗುತ್ತದೆ.

4. ಆರೋಗ್ಯ ಮತ್ತು ಕ್ಷೇಮಾಭಿವೃದ್ಧಿ:

ಈ BOB ಟಿಯಾರಾ ಕ್ರೆಡಿಟ್ ಕಾರ್ಡ್ ಆರೋಗ್ಯ ಮತ್ತು ಕ್ಷೇಮಾಭಿವೃದ್ಧಿ ಪ್ರಯೋಜನಗಳನ್ನು ಕೂಡ ಉಚಿತವಾಗಿ ಒದಗಿಸುತ್ತದೆ. ಅಂದರೆ ಮಹಿಳೆಯರ ಆರೋಗ್ಯ ತಪಾಸಣೆಗೆ Mammogram ಪ್ಯಾಕೇಜ್, Women Health & Pap Smear ಪ್ಯಾಕೇಜ್, ಹಾಗೂ 6 ತಿಂಗಳ Fitpass Pro ಉಚಿತ ಸದಸ್ಯತ್ವ. ಈ ಪ್ಯಾಕೇಜ್‌ನಿಂದ ಮಹಿಳೆಯರು 2,500ಕ್ಕೂ ಹೆಚ್ಚು ಪ್ರೀಮಿಯಂ ಜಿಮ್ ಮತ್ತು ಫಿಟ್ನೆಸ್ ಸ್ಟುಡಿಯೊಗಳಿಗೆ ಪ್ರವೇಶ ಪಡೆಯಬಹುದು.

5. ಏರ್‌ಪೋರ್ಟ್ ಲೌಂಜ್ ಪ್ರವೇಶ:

ಭಾರತದಲ್ಲಿ ಅನ್‌ಲಿಮಿಟೆಡ್‌ ಆಗಿ ಉಚಿತ ಏರ್‌ಪೋರ್ಟ್ ಲೌಂಜ್ ಪ್ರವೇಶ ಪಡೆಯಬಹುದು. ಓ ಲಾಭ ಪಡೆಯುವ ಮುನ್ನ ತ್ರೈಮಾಸಿಕದಲ್ಲಿ ₹40,000 ಖರ್ಚು ಮಾಡಬೇಕು. ಅಂದರೆ BOB ಟಿಯಾರಾ ಕಾರ್ಡ್‌ ಹೊಂದಿರುವವರು, ಏಪ್ರಿಲ್ 1 ರಿಂದ ಜೂನ್ 30ರೊಳಗೆ ₹40,000 ಅಥವಾ ಅದಕ್ಕಿಂತ ಹೆಚ್ಚು ಖರ್ಚು ಮಾಡಿದರೆ ಜುಲೈ 1 ರಿಂದ ಸೆಪ್ಟೆಂಬರ್ 30 ತ್ರೈಮಾಸಿಕದಲ್ಲಿ ಅನ್‌ಲಿಮಿಟೆಡ್ ಲೌಂಜ್ ಪ್ರವೇಶ ಪಡೆಯಬಹುದು.

6. ಅಂತರಾಷ್ಟ್ರೀಯ ಖರ್ಚುಗಳ ಮೇಲೆ ವಿದೇಶೀ ವಿನಿಮಯ ಶುಲ್ಕ ಕಡಿತ:

ಸಾಮಾನ್ಯವಾಗಿ ಬೇರೆ ಬ್ಯಾಂಕ್‌ಗಳು ವಿದೇಶೀ ವಿನಿಮಯ ಶುಲ್ಕವನ್ನು, 3.5%ರಷ್ಟು ವಿಧಿಸುತ್ತವೆ. ಆದರೆ, BOB ಟಿಯಾರಾ ಕ್ರೆಡಿಟ್ ಕಾರ್ಡ್‌ನಲ್ಲಿ ಕೇವಲ 2% ಶುಲ್ಕ ಇದೆ. ಇದರಿಂದ ಅಂತರಾಷ್ಟ್ರೀಯ ಖರ್ಚುಗಳ ಮೇಲೆ ಹೆಚ್ಚು ಉಳಿತಾಯ ಮಾಡಬಹುದು.

7. ಜೀವನಶೈಲಿ ಮತ್ತು ಮನರಂಜನೆ:

ಮನರಂಜನೆಗಾಗಿ ಈಗೆಲ್ಲಾ ಹೆಚ್ಚು ಜನರು ಓಟಿಟಿ ಪ್ಲಾಟ್‌ಫಾರ್ಮ್‌ಗಳನ್ನು ಅವಲಂಬಿಸಿದ್ದಾರೆ. ಹೀಗಾಗಿ ಅಮೆಜಾನ್ ಪ್ರೈಮ್, ಡಿಸ್ನೇ ಪ್ಲಸ್ ಹಾಟ್‌ಸ್ಟಾರ್‍‌ ಹಾಗೂ ಗಾನಾ ಪ್ಲಸ್‌ಗೆ ವಾರ್ಷಿಕ ಉಚಿತ ಸದಸ್ಯತ್ವ ನೀಡಲಾಗುತ್ತದೆ. ಅಲ್ಲದೇ ಕನಿಷ್ಠ 2 ಚಲನಚಿತ್ರ ಟಿಕೆಟ್‌ಗಳ ಖರೀದಿಗೆ ₹250 ರಿಯಾಯಿತಿ ನೀಡಲಾಗುತ್ತದೆ. ಚಲನಚಿತ್ರ ಹೊರತುಪಡಿಸಿ ಇತರ ಈವೆಂಟ್ ಟಿಕೆಟ್‌ಗಳಿಗೂ ಅನ್ವಯಿಸುತ್ತದೆ. ಜೊತೆಗೆ ಬುಕ್‌ ಮೈ ಶೋನಲ್ಲಿ Buy One Get One ಆಫರ್‍‌ ಕೂಡ ಒದಗಿಸಲಾಗುತ್ತಿದೆ. ಆದರೆ ಈ ಎಲ್ಲಾ ಪ್ರಯೋಜನಗಳು ಪ್ರಾಥಮಿಕ ಕಾರ್ಡ್‌ಹೋಲ್ಡರ್‌ಗೆ ಮಾತ್ರ ಅನ್ವಯಿಸುತ್ತದೆ.

8. ಇಂಧನ ಶುಲ್ಕದಲ್ಲಿ ವಿನಾಯಿತಿ:

ಎಲ್ಲಾ ಇಂಧನ ಪಂಪ್‌ಗಳಲ್ಲಿ 1% ಇಂಧನ ಸುಂಕ ವಿನಾಯಿತಿ ನೀಡಲಾಗುತ್ತಿದ್ದು, ಇದು ₹400 ರಿಂದ ₹5,000 ನಡುವೆ ಇಂಧನ ಖರೀದಿಗೆ ಮಾತ್ರ ಅನ್ವಯಿಸುತ್ತದೆ. ಹಾಗೆಯೇ ಪ್ರತಿ ಸ್ಟೇಟ್ಮೆಂಟ್ ಚಕ್ರಕ್ಕೆ ಗರಿಷ್ಠ ₹250 ತನಕ ವಿನಾಯಿತಿಯನ್ನು ಪಡೆಯಬಹುದು. ಇನ್ನು ಇಂಧನ ಖರೀದಿಗೆ ಯಾವುದೇ ರಿವಾರ್ಡ್ ಪಾಯಿಂಟ್‌ಗಳನ್ನು ನೀಡಲಾಗುವುದಿಲ್ಲ.

9. ಉಚಿತ ಆಡ್-ಆನ್ ಕಾರ್ಡ್‌ಗಳು:

ಪ್ರಾಥಮಿಕ ಕಾರ್ಡ್‌ಹೋಲ್ಡರ್ ಉಚಿತ ಆಡ್-ಆನ್ ಕಾರ್ಡ್‌ಗಳನ್ನು ಪಡೆಯಬಹುದು. ಅಂದರೆ ಗರಿಷ್ಠ 3 ಆಡ್-ಆನ್ ಕಾರ್ಡ್‌ಗಳು ಲೈಫ್ಟೈಮ್ ಉಚಿತವಾಗಿ ಪಡೆಯಬಹುದು. ಇವುಗಳನ್ನು ತಮ್ಮ ಜೀವನ ಸಂಗಾತಿ, ಮಕ್ಕಳು, ತಂದೆ-ತಾಯಿ, ಸಹೋದರರು, ಇತ್ಯಾದಿಗಳಿಗೆ ಪಡೆಯಬಹುದು. ಹಾಗೆಯೇ ಆಡ್-ಆನ್ ಕಾರ್ಡ್ ಹೊಂದಿರುವ ವ್ಯಕ್ತಿಯ ಕನಿಷ್ಠ ವಯಸ್ಸು 18 ವರ್ಷ ಇರಬೇಕು.

10. ಶುಲ್ಕಗಳು ಮತ್ತು ತೆರಿಗೆಳು:

ಈ ಕಾರ್ಡ್‌ಗೆ ಸೇರ್ಪಡೆ ಮತ್ತು ವಾರ್ಷಿಕ ಶುಲ್ಕ ₹2,499 ಎನ್ನಲಾಗಿದೆ. ಒಂದು ವೇಳೆ ಕಾರ್ಡ್‌ಹೋಲ್ಡರ್ ಮೊದಲ 60 ದಿನಗಳೊಳಗೆ ₹25,000 ಖರ್ಚು ಮಾಡಿದರೆ, ಸೇರ್ಪಡೆ ಶುಲ್ಕ ಹಿಂತಿರುಗಿಸಲಾಗುತ್ತದೆ. ವರ್ಷದಲ್ಲಿ 2,50,000 ರೂ. ಖರ್ಚು ಮಾಡಿದರೆ, ವಾರ್ಷಿಕ ಶುಲ್ಕವೂ ವಾಪಸು ಪಡೆಯಬಹುದು.ಈ ಎಲ್ಲಾ ಲಾಭಗಳು ಸಮಯಕ್ಕೆ ಬಿಲ್ ಪಾವತಿಸುವ ಗ್ರಾಹಕರಿಗೆ ಮಾತ್ರ ಅನ್ವಯಿಸುತ್ತದೆ.

ಈ ಕಾರ್ಡ್‌ ಪಡೆಯಲು ಅರ್ಹತೆ ಏನಿರಬೇಕು..?

• ಈ ಕಾರ್ಡ್ ಪಡೆಯಲು ಮೊದಲು ನೀವು ಭಾರತೀಯ ನಿವಾಸಿಗಳಾಗಿರಬೇಕು.
• ಸಾಲರಿ / ಸ್ವಯಂ ಉದ್ಯೋಗಿಯಾದರೆ, ವಾರ್ಷಿಕ ಆದಾಯ ಕನಿಷ್ಠ ₹7.2 ಲಕ್ಷ ಇರಬೇಕು.
• ನೌಕರಿಯಲ್ಲಿರುವವರಿಗೆ ವಯಸ್ಸು 21 ರಿಂದ 60 ವರ್ಷ ಇರಬೇಕು.
• ಕೊನೆಯ 2 ತಿಂಗಳ ಬ್ಯಾಂಕ್ ಸ್ಟೇಟ್ಮೆಂಟ್ ಸಲ್ಲಿಸಬೇಕು.
• ಸ್ವಯಂ ಉದ್ಯೋಗಿಗಳಿಗೆ ವಯಸ್ಸು 21 ರಿಂದ 65 ವರ್ಷ ಇರಬೇಕು.
• ಕೊನೆಯ 3 ತಿಂಗಳ ಬ್ಯಾಂಕ್ ಸ್ಟೇಟ್ಮೆಂಟ್ ಸಲ್ಲಿಸಬೇಕು

ಇನ್ನು ಈ ಕಾರ್ಡ್‌ ಪಡೆಯುವ ಮೊದಲು ಗ್ರಾಹಕರು ತಾವು ನಿಯಮಿತವಾಗಿ ಆನ್‌ಲೈನ್ ಶಾಪಿಂಗ್, ಟ್ರಾವೆಲ್, ಮತ್ತು ಎಂಟರ್‌ಟೈನ್‌ಮೆಂಟ್‌ಗಾಗಿ ಹೆಚ್ಚು ಖರ್ಚು ಮಾಡುತ್ತೀರಾ ಎಂಬುದನ್ನು ಪರಿಗಣಿಸಬೇಕು. ಈ ಎಲ್ಲಾ ಪ್ರಯೋಜನಗಳನ್ನು ಮಹಿಳೆಯರಿಗಾಗಿ ಬ್ಯಾಂಕ್ ಆಫ್ ಬರೋಡಾ ನೀಡುತ್ತಿದ್ದು, ಮಹಿಳೆಯರಿಗೆ ನಿಜಕ್ಕೂ ಖುಷಿಯ ಸಂಗತಿಯಾಗಿದೆ.