ಈ 5 ಕ್ರೆಡಿಟ್ ಕಾರ್ಡ್‌ಗಳ ಮೂಲಕ ರಿಯಾಯಿತಿಯೊಂದಿಗೆ ಇಂಧನ ಖರೀದಿಸಿ!

ಇಂದಿನ ಹಣದುಬ್ಬರದ ಸಮಯದಲ್ಲಿ ಕೇವಲ ಪೆಟ್ರೋಲ್‌, ಡೀಸೆಲ್‌ ಒಟ್ಟಾರೆಯಾಗಿ ಇಂಧನಕ್ಕೆ ನಮ್ಮ ಸಂಬಳದ ಒಂದು ಪಾಲು ಖರ್ಚಾಗಿ ಹೋಗುವುದು ಬಹುತೇಕ ಜನತೆಯ ಕಥೆಯಾಗಿದೆ. ಭಾರತ ಬಹುಪಾಲು ಇಂಧನವನ್ನು ವಿದೇಶ ರಾಷ್ಟ್ರಗಳಿಂದ ಆಮದು ಮಾಡಿಕೊಳ್ಳಬೇಕಾದ ಪರಿಸ್ಥಿತಿ ಇರುವುದರಿಂದ ಇದು ಭಾರತೀಯರ ಸಾಮಾನ್ಯ ಸಮಸ್ಯೆಯಾಗಿದೆ. ಆದ್ದರಿಂದ ಅಂತಹ ವೆಚ್ಚಗಳ ಮೇಲೆ ಉಳಿತಾಯ ಮಾಡುವುದು ಅತ್ಯಗತ್ಯ.

ಇನ್ನು ಇಂಧನ ವೆಚ್ಚಗಳ ಬಗ್ಗೆ ಇಂದು ಯಾಕೆ ವಿಚಾರ ಪ್ರಸ್ತಾಪ ಮಾಡಲಾಗಿದೆ ಎಂಬ ಪ್ರಶ್ನೆಗೆ ಉತ್ತರ, ಸದ್ಯ ಬ್ಯಾಂಕುಗಳು ಇಂಧನ ಕ್ರೆಡಿಟ್ ಕಾರ್ಡ್ ಗಳನ್ನು ನೀಡುತ್ತಿದ್ದು, ಅದು ನಿಮ್ಮ ಎಲ್ಲಾ ಇಂಧನ ಖರೀದಿಗಳಲ್ಲಿ ಉಳಿತಾಯವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಎಲ್ಲರಿಗೂ ತಿಳಿದಿರುವಂತೆ ಇಂದು ಬಹುತೇಕ ಎಲ್ಲಾ ವಸ್ತುಗಳನ್ನು ಖರೀದಿಸಲು ಬ್ಯಾಂಕ್‌ಗಳು ಕ್ರೆಡಿಟ್‌ ಕಾರ್ಡ್‌ಗಳನ್ನು ಗ್ರಾಹಕರಿಗೆ ನೀಡುತ್ತದೆ.

ಈ ಮೂಲಕ ಗ್ರಾಹಕರು ತಮಗೆ ಬೇಕಾದ ವಸ್ತುಗಳನ್ನು ಸಾಲದ ರೂಪದಲ್ಲಾದರೂ ಖರೀದಿಸಿಕೊಳ್ಳುವ ಆಯ್ಕೆಯನ್ನು ಬ್ಯಾಂಕ್‌ಗಳು ನೀಡುತ್ತದೆ. ಸದ್ಯ ಭಾರತದಲ್ಲಿ ದಿನದಿಂದ ದಿನಕ್ಕೆ ವಾಹನಗಳ ಸಂಖ್ಯೆಯಲ್ಲೂ ಭಾರೀ ಪ್ರಮಾಣದಲ್ಲಿ ಏರಿಕೆ ದಾಖಲಾಗುತ್ತಿದೆ. ಹಾಗಾಗಿ ಹೆಚ್ಚಿನ ಜನತೆಗೆ ಇಂಧನ ತುಂಬಿಸುವುದೇ ದೊಡ್ಡ ಸಮಸ್ಯೆಯಾಗಿ ಕಾಡುತ್ತಿದೆ. ಸದ್ಯ ಗ್ರಾಹಕರ ಈ ಸಮಸ್ಯೆಯನ್ನು ಪರಿಹರಿಸುವ ನಿಟ್ಟಿನಲ್ಲಿ ಬ್ಯಾಂಕ್‌ಗಳು ಇಂಧನ ಕ್ರೆಡಿಟ್‌ ಕಾರ್ಡ್‌ಗಳನ್ನು ಹೊರತಂದಿದೆ.

ಏನಿದು ಇಂಧನ ಕ್ರೆಡಿಟ್ ಕಾರ್ಡ್?

ಇಂಧನ ಕ್ರೆಡಿಟ್ ಕಾರ್ಡ್ ಅನ್ನು ಇಂಧನ ಪೂರೈಕೆ ಕೇಂದ್ರಗಳಲ್ಲಿ ಬಳಕೆದಾರರಿಗೆ ಅನುಕೂಲವಾಗುವಂತೆ ವಿನ್ಯಾಸಗೊಳಿಸಲಾಗಿದೆ, ರಿವಾರ್ಡ್ ಪಾಯಿಂಟ್‌ಗಳು ಅಥವಾ ಇಂಧನ ಖರೀದಿಗಳ ಮೇಲೆ ಕ್ಯಾಶ್‌ಬ್ಯಾಕ್‌ನಂತಹ ಬಹುಮಾನಗಳು ಮತ್ತು ಪ್ರೋತ್ಸಾಹಕಗಳನ್ನು ಒದಗಿಸುತ್ತದೆ. ಇನ್ನು BPCL SBI ಕಾರ್ಡ್‌ನ ಇಂಧನ ಖರೀದಿ ಪ್ರಯೋಜನಗಳನ್ನು ಒಮ್ಮೆ ನೋಡೋಣ.

BPCL SBI ಕಾರ್ಡ್ ಭಾರತ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ ಇಂಧನ ಖರೀದಿಗಳ ಮೇಲೆ 4.25 ಶೇಕಡಾ ಮೌಲ್ಯವನ್ನು ನೀಡುತ್ತದೆ, ಇದು ಸರಿಸುಮಾರು 13 ಪಟ್ಟು ರಿವಾರ್ಡ್ ಪಾಯಿಂಟ್‌ಗಳಿಗೆ ನೆರವಾಗುತ್ತದೆ. ಕಾರ್ಡ್‌ದಾರರು ಪ್ರತೀ ಬಿಲ್ಲಿಂಗ್ ಸುತ್ತಿಗೆ ಗರಿಷ್ಠ 1,300 ರಿವಾರ್ಡ್ ಪಾಯಿಂಟ್‌ಗಳನ್ನು ಗಳಿಸಬಹುದು. ಇದರಲ್ಲಿ ಇಂಧನ ಸರ್ಚಾರ್ಜ್(surcharge -ಹೆಚ್ಚುವರಿ ಶುಲ್ಕ) ಮನ್ನಾ ಮಾಡಲಾಗುತ್ತದೆ.

ಈ ಕಾರ್ಡ್ 3.25 ಪ್ರತಿಶತದಷ್ಟು ಇಂಧನ ಸರ್ಚಾರ್ಜ್ ಮನ್ನಾ ಮತ್ತು 4,000 ರೂ.ವರೆಗಿನ ವಹಿವಾಟುಗಳ ಮೇಲೆ GST ಹೊರತುಪಡಿಸಿ ಹೆಚ್ಚುವರಿ 1 ಪ್ರತಿಶತ ಒದಗಿಸುತ್ತದೆ. ಕಾರ್ಡುದಾರರು ಎಲ್ಲಾ ಇಂಧನವಲ್ಲದ ಚಿಲ್ಲರೆ ಖರೀದಿಗಳ ಮೇಲೆ 100 ರೂ.ಗೆ 1 ರಿವಾರ್ಡ್ ಪಾಯಿಂಟ್ ಗಳಿಸುತ್ತಾರೆ. ಇದು ದೈನಂದಿನ ಖರ್ಚುಗಳಿಗೆ ಪ್ರಯೋಜನಕಾರಿಯಾಗಿದೆ.

ಇಂಡಿಯನ್ ಆಯಿಲ್ HDFC ಬ್ಯಾಂಕ್ ಕ್ರೆಡಿಟ್ ಕಾರ್ಡ್

ಇಂಧನ ಖರೀದಿ ಪ್ರಯೋಜನಗಳೇನು? ಸದ್ಯ ಮಾರುಕಟ್ಟೆಯಲ್ಲಿ ಗ್ರಾಹಕರ ಮೆಚ್ಚುಗೆಗೆ ಪಾತ್ರವಾಗಿರುವ ಕ್ರೆಡಿಟ್‌ ಕಾರ್ಡ್‌ಗಳಲ್ಲಿ ಇದು ಕೂಡ ಒಂದಾಗಿದೆ. ಯಾಕೆಂದರೆ ವಾರ್ಷಿಕವಾಗಿ 50 ಲೀಟರ್‌ಗಳಷ್ಟು ಉಚಿತ ಇಂಧನದೊಂದಿಗೆ, ಈ ಕಾರ್ಡ್ ಇಂಡಿಯನ್ ಆಯಿಲ್ ಗ್ರಾಹಕರಿಗೆ ಪ್ರಬಲ ಆಯ್ಕೆಯಾಗಿ ಪರಿಣಮಿಸಿದೆ.

ಇಂಡಿಯನ್ ಆಯಿಲ್ ಔಟ್‌ಲೆಟ್‌ಗಳು, ದಿನಸಿ ಮತ್ತು ಬಿಲ್ ಪಾವತಿಗಳಲ್ಲಿ ಖರ್ಚು ಮಾಡುವಲ್ಲಿ ಬಳಕೆದಾರರು ಶೇಕಡಾ 5 ರಷ್ಟು ಇಂಧನ ಅಂಕಗಳನ್ನು ಗಳಿಸುತ್ತಾರೆ. ಕಾರ್ಡ್ 1 ಪ್ರತಿಶತ ಇಂಧನ ಸರ್ಚಾರ್ಜ್(surcharge) ಮನ್ನಾವನ್ನು ನೀಡುತ್ತದೆ.

ಅಲ್ಲದೆ ಇಂಧನ ವಹಿವಾಟುಗಳ ಮೇಲಿನ ಹೆಚ್ಚುವರಿ ಶುಲ್ಕಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಕಾರ್ಡುದಾರರು ಎಲ್ಲಾ ಇತರ ಖರೀದಿಗಳ ಮೇಲೆ 150 ರೂ.ಗೆ 1 ಫ್ಯೂಯಲ್ ಪಾಯಿಂಟ್ ಗಳಿಸುತ್ತಾರೆ. ಇದು ಇಂಧನ ಮತ್ತು ಇಂಧನವಲ್ಲದ ವಹಿವಾಟುಗಳಿಗೆ ಪ್ರಯೋಜನಕಾರಿಯಾಗಿದೆ.

ICICI ಬ್ಯಾಂಕ್ HPCL ಕೋರಲ್ ಅಮೆರಿಕನ್ ಎಕ್ಸ್‌ಪ್ರೆಸ್ ಕ್ರೆಡಿಟ್ ಕಾರ್ಡ್

ICICI ಬ್ಯಾಂಕ್ HPCL ಕೋರಲ್ ಅಮೇರಿಕನ್ ಎಕ್ಸ್‌ಪ್ರೆಸ್ ಕ್ರೆಡಿಟ್ ಕಾರ್ಡ್ HPCL ಇಂಧನ ಖರೀದಿಗೆ ಖರ್ಚು ಮಾಡಿದ ರೂ 100 ಗೆ ಆರು ರಿವಾರ್ಡ್ ಪಾಯಿಂಟ್‌ಗಳನ್ನು ನೀಡುತ್ತದೆ. ಕಾರ್ಡುದಾರರು 500 ರೂಪಾಯಿ ಮೌಲ್ಯದ ಇಂಧನಕ್ಕಾಗಿ 2,000 ಪಾಯಿಂಟ್‌ಗಳನ್ನು ಮರು ಪಡೆಯಬಹುದು.

HPCL ಇಂಧನ ಖರೀದಿಗಳ ಮೇಲೆ 2.5 ಪ್ರತಿಶತ ಕ್ಯಾಶ್ಬ್ಯಾಕ್ ಮತ್ತು ಶೂನ್ಯ ಸರ್ಚಾರ್ಜ್ ಈ ಕಾರ್ಡ್ ಅನ್ನು HPCL ಗ್ರಾಹಕರಿಗೆ ಆಕರ್ಷಕವಾಗಿ ಮಾಡುತ್ತದೆ. ಒಂದು ಚಲನಚಿತ್ರ ಟಿಕೆಟ್ ಬುಕಿಂಗ್‌ಗಳ ಮೇಲೆ ಶೇಕಡಾ 25 ರಷ್ಟು ರಿಯಾಯಿತಿಯನ್ನು ಇದು ಒಳಗೊಂಡಿರುತ್ತದೆ. ಅಂದರೆ ಪ್ರತಿ ವಹಿವಾಟಿಗೆ 100 ರೂಪಾಯಿಗಳವರೆಗೆ ಉಳಿತಾಯವಾಗಲಿದೆ.

ಇಂಡಿಯನ್‌ ಆಯಿಲ್‌ ಆಕ್ಸಿಸ್‌ ಬ್ಯಾಂಕ್‌ ಕ್ರೆಡಿಟ್‌ ಕಾರ್ಡ್‌

ಈ ಕಾರ್ಡ್ ಮೊದಲ ಇಂಧನ ವಹಿವಾಟಿನ ಮೇಲೆ ಶೇಕಡಾ 100 ಮೌಲ್ಯವನ್ನು ಮತ್ತು ಇಂಡಿಯನ್ ಆಯಿಲ್ ಔಟ್‌ಲೆಟ್‌ಗಳಲ್ಲಿ ಇಂಧನ ಖರೀದಿಯ ಮೇಲೆ ಶೇಕಡಾ 4 ರಷ್ಟು ಮೌಲ್ಯವನ್ನು (ರೂ 100 ಗೆ 20 ರಿವಾರ್ಡ್ ಪಾಯಿಂಟ್‌ಗಳು) ಒದಗಿಸುತ್ತದೆ.

ಕಾರ್ಡುದಾರರು ಇಂಡಿಯನ್ ಆಯಿಲ್ ಇಂಧನ ಖರೀದಿಯಲ್ಲಿ ಶೇಕಡಾ 1 ರಷ್ಟು ಮನ್ನಾವನ್ನು ಪಡೆಯುತ್ತಾರೆ. ಬಳಕೆದಾರರು ಪ್ರತಿ 100 ರೂ.ಗೆ 5 ರಿವಾರ್ಡ್ ಪಾಯಿಂಟ್‌ಗಳನ್ನು ಗಳಿಸುವ ಮೂಲಕ ಆನ್‌ಲೈನ್ ಶಾಪಿಂಗ್‌ನಲ್ಲಿ ಶೇಕಡಾ 1 ರಷ್ಟು ಮೌಲ್ಯವನ್ನು ಪಡೆಯಬಹುದು. ಮುಖ್ಯವಾಗಿ ಇದು ಇಂಧನ ಉಳಿತಾಯಕ್ಕಿಂತ ಹೆಚ್ಚಿನ ಮೌಲ್ಯವನ್ನು ನೀಡುತ್ತದೆ.

ಇಂಡಿಯನ್ ಆಯಿಲ್ ಕೊಟಕ್ ಕ್ರೆಡಿಟ್ ಕಾರ್ಡ್

ಈ ಕಾರ್ಡ್ ಪ್ರತಿ ಬಿಲ್ಲಿಂಗ್ ಸೈಕಲ್‌ಗೆ 1,200 ಪಾಯಿಂಟ್‌ಗಳ ಮಿತಿಯೊಂದಿಗೆ ಇಂಡಿಯನ್ ಆಯಿಲ್ ಇಂಧನ ಖರ್ಚುಗಳ ಮೇಲೆ ಶೇಕಡಾ 4 ರಷ್ಟು ರಿವಾರ್ಡ್ ಪಾಯಿಂಟ್‌ಗಳನ್ನು (ರೂ 150 ಗೆ 24 ಪಾಯಿಂಟ್‌ಗಳು) ನೀಡುತ್ತದೆ. ಇಂಡಿಯನ್ ಆಯಿಲ್ ಇಂಧನ ಖರೀದಿಗಳ ಮೇಲೆ ಶೇಕಡಾ 1 ರಷ್ಟು ಇಂಧನ ಸರ್ಚಾರ್ಜ್ ಮನ್ನಾ, ಪ್ರತಿ ಬಿಲ್ಲಿಂಗ್ ಆವೃತ್ತಿಯಲ್ಲಿ ಲಭ್ಯವಿದೆ.

ಅಲ್ಲದೆ ಇದು 100 ಮತ್ತು ರೂ 5,059 ನಡುವಿನ ವಹಿವಾಟುಗಳಿಗೆ ಸೇರ್ಪಡಿಸಲಾಗಿದೆ. ಇನ್ನು ಮೊದಲ 30 ದಿನಗಳಲ್ಲಿ ರೂ 500 ಖರ್ಚು ಮಾಡಿದ ಮೇಲೆ ಹೊಸ ಕಾರ್ಡ್‌ದಾರರನ್ನು 1,000 ರಿವಾರ್ಡ್ ಪಾಯಿಂಟ್‌ಗೆ ನೀಡಲಾಗುತ್ತದೆ. ಹಾಗಾಗಿ ಇದು ತ್ವರಿತ ಬಹುಮಾನಗಳನ್ನು ಬಯಸುವವರಿಗೆ ಸೂಕ್ತವಾಗಿದೆ.