CBSE 12ನೇ ತರಗತಿ ಫಲಿತಾಂಶ ಪ್ರಕಟ, ರಿಸಲ್ಟ್‌ಗಾಗಿ ಈ ಲಿಂಕ್‌ ಒತ್ತಿ

ನವದೆಹಲಿ, ಮೇ 13: ಸೆಂಟ್ರಲ್ ಬೋರ್ಡ್ ಆಫ್ ಸೆಕೆಂಡರಿ ಎಜುಕೇಶನ್ (CBSE) ಸೋಮವಾರ ಬೆಳಿಗ್ಗೆ 12 ನೇ ತರಗತಿಯ ಫಲಿತಾಂಶಗಳನ್ನು ಪ್ರಕಟಿಸಿದೆ. 87.98 ರಷ್ಟು ವಿದ್ಯಾರ್ಥಿಗಳು ಬೋರ್ಡ್ ಪರೀಕ್ಷೆಗಳಲ್ಲಿ ಉತ್ತೀರ್ಣರಾಗಿದ್ದಾರೆ. ಕಳೆದ ವರ್ಷಕ್ಕಿಂತ ಶೇಕಡಾ 0.65 ರಷ್ಟು ಉತ್ತೀರ್ಣರಾಗಿದ್ದಾರೆ.

18,417 ಶಾಲೆಗಳು ಸಿಬಿಎಸ್‌ಸಿ 12ನೇ ತರಗತಿ ತರಗತಿಯ ಪರೀಕ್ಷೆಗಳನ್ನು 7,126 ಕೇಂದ್ರಗಳಲ್ಲಿ ನೀಡಿವೆ. ಈ ವರ್ಷ ಒಟ್ಟಾರೆ ಉತ್ತೀರ್ಣ ಶೇಕಡಾವಾರು 87.98 ಆಗಿದೆ. 2023 ರಿಂದ ಶೇಕಡಾ 0.65 ರಷ್ಟು ಹೆಚ್ಚಳವಾಗಿದೆ. ತಿರುವನಂತಪುರ ಪ್ರದೇಶವು ಶೇಕಡಾ 99.91 ರಷ್ಟು ಮಂದಿ ಪಾಸಾಗಿ ಮೊದಲ ಸ್ಥಾನದಲ್ಲಿದ್ದಾರೆ.

ಒಟ್ಟಾರೆ ದೆಹಲಿ ಪ್ರದೇಶದಲ್ಲಿ ಶೇಕಡಾ 94.9 ರಷ್ಟು ಉತ್ತೀರ್ಣರಾಗಿದ್ದಾರೆ. 91.52% ಹುಡುಗಿಯರು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದರೆ, 85.12% ಹುಡುಗರು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದಾರೆ ಮತ್ತು ಹುಡುಗಿಯರು 6.40% ರಷ್ಟು ಹುಡುಗರನ್ನು ಮೀರಿಸಿ ಸಾಧನೆ ಮಾಡಿದ್ದಾರೆ. ಅಭ್ಯರ್ಥಿಗಳು ತಮ್ಮ ಅಂಕಗಳನ್ನು ಅಧಿಕೃತ ವೆಬ್‌ಸೈಟ್‌ಗಳಲ್ಲಿ ಪರಿಶೀಲಿಸಬಹುದು. results.cbse.nic.in, cbse.gov.in ಅಥವಾ cbseresults.nic.in.

ಫಲಿತಾಂಶಗಳು UMANG ಅಪ್ಲಿಕೇಶನ್, ಡಿಜಿಲಾಕರ್ ಅಪ್ಲಿಕೇಶನ್, ಪರೀಕ್ಷಾ ಸಂಗಮ್ ಪೋರ್ಟಲ್ ಮತ್ತು SMS ಸೌಲಭ್ಯದ ಮೂಲಕ ಲಭ್ಯವಿದೆ. CBSE 12 ಮತ್ತು 10 ನೇ ತರಗತಿ ಪರೀಕ್ಷೆಗಳು ಫೆಬ್ರವರಿ 15 ರಂದು ಪ್ರಾರಂಭವಾಗಿದ್ದು, 10 ನೇ ತರಗತಿಯ ಬೋರ್ಡ್ ಪರೀಕ್ಷೆಗಳು ಮಾರ್ಚ್ 13 ರಂದು ಮತ್ತು 12 ನೇ ತರಗತಿಯು ಏಪ್ರಿಲ್ 2 ರಂದು ಕೊನೆಗೊಳ್ಳಲಿದೆ.

ಸಿಬಿಎಸ್‌ಇ 10 ಮತ್ತು 12ನೇ ತರಗತಿ ಪರೀಕ್ಷೆಗಳಲ್ಲಿ ಉತ್ತೀರ್ಣರಾಗಲು ವಿದ್ಯಾರ್ಥಿಗಳು ಕನಿಷ್ಠ ಶೇಕಡಾ 33 ಅಂಕಗಳನ್ನು ಗಳಿಸಿರಬೇಕು. 10ನೇ ತರಗತಿ ಫಲಿತಾಂಶ ಇನ್ನಷ್ಟೇ ಪ್ರಕಟವಾಗಬೇಕಿದೆ. ಕಳೆದ ವರ್ಷದ ಟ್ರೆಂಡ್‌ಗಳನ್ನು ನೋಡಿದಾಗ 2023 ರಲ್ಲಿ CBSE ಫಲಿತಾಂಶಗಳನ್ನು ಮೇ 12 ರಂದು ಪ್ರಕಟಿಸಲಾಯಿತು. 2022 ರಲ್ಲಿ ಜುಲೈ 22 ರಂದು ಘೋಷಿಸಲಾಯಿತು.