ಭಾರತದಲ್ಲಿ ಆರೋಗ್ಯ ಮೂಲಸೌಕರ್ಯ ಬಲಪಡಿಸಲು ಚೀನಾ ಬ್ಯಾಂಕ್ ಸಹಾಯ
ಚೀನಾ ಮೂಲದ ಏಷ್ಯನ್ ಇನ್ಫ್ರಾಸ್ಟ್ರಕ್ಚರ್ ಇನ್ವೆಸ್ಟ್ಮೆಂಟ್ ಬ್ಯಾಂಕ್ (ಎಐಐಬಿ), ವಿಶ್ವಬ್ಯಾಂಕ್ ಮತ್ತು ಏಷ್ಯನ್ ಡೆವಲಪ್ಮೆಂಟ್ ಬ್ಯಾಂಕ್ ಜೊತೆಗೆ ಭಾರತದಲ್ಲಿ ಜಿಲ್ಲಾ ಮಟ್ಟದಲ್ಲಿ ಆರೋಗ್ಯ ಮೂಲಸೌಕರ್ಯಗಳನ್ನು ಸುಧಾರಿಸಲು 8 ಬಿಲಿಯನ್ ಡಾಲರ್ ಯೋಜನೆಗೆ ಭಾಗಶಃ ಹಣಕಾಸು ಒದಗಿಸಲು ಭಾರತ ಸರ್ಕಾರದೊಂದಿಗೆ ಚರ್ಚಿಸುತ್ತಿದೆ.
COVID-19 ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಡಲು ಭಾರತಕ್ಕೆ ಬೀಜಿಂಗ್ ಮೂಲದ ಎಐಐಬಿ ಸಂಸ್ಥೆ ಈ ಹಿಂದೆ 1.2 ಬಿಲಿಯನ್ ಯುಎಸ್ಡಿ ಆರ್ಥಿಕ ಸಹಾಯವನ್ನು ಅನುಮೋದಿಸಿತ್ತು.
ಚೀನಾ- ಚೀನೀಯರನ್ನು ಹಾಡಿ ಹೊಗಳಿದ ಅಮೆರಿಕ ಶತಕೋಟ್ಯಧಿಪತಿ ಎಲಾನ್ ಮಸ್ಕ್
ಆರೋಗ್ಯ ಮೂಲಸೌಕರ್ಯವನ್ನು ಬಲಪಡಿಸುವ ಮಹತ್ವಾಕಾಂಕ್ಷೆಯ ಯೋಜನೆಯ ಬಗ್ಗೆ ಭಾರತ ಸರ್ಕಾರ ಚರ್ಚಿಸಿದೆ. ಇದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯೊಂದಿಗೆ (ಐಸಿಎಂಆರ್) ಪರೀಕ್ಷಾ ಸೌಲಭ್ಯಗಳನ್ನು ನವೀಕರಿಸುವುದು ಸೇರಿದಂತೆ ಪ್ರತಿ ಜಿಲ್ಲೆಯಲ್ಲೂ ಆರೋಗ್ಯ ಮೂಲಸೌಕರ್ಯಗಳನ್ನು ನಿರ್ಮಿಸಲು ಒಳಗೊಳ್ಳುತ್ತದೆ ಎಂದು ಎಐಐಬಿ ಉಪಾಧ್ಯಕ್ಷ ಡಿಜೆ ಪಾಂಡಿಯನ್ ಪಿಟಿಐಗೆ ತಿಳಿಸಿದ್ದಾರೆ.
8 ಬಿಲಿಯನ್ ಯುಎಸ್ಡಿ ಯೋಜನೆ
ಇದು 8 ಬಿಲಿಯನ್ ಯುಎಸ್ಡಿ ಯೋಜನೆಯಾಗಿದ್ದು, ಏಷ್ಯನ್ ಡೆವಲಪ್ಮೆಂಟ್ ಬ್ಯಾಂಕ್ ಕೂಡ ಭಾರತ ಸರ್ಕಾರದ ಆರೋಗ್ಯ ಇಲಾಖೆಯೊಂದಿಗೆ ಚರ್ಚೆಯಲ್ಲಿ ಭಾಗಿಯಾಗಿವೆ ಎಂದು ಎಐಐಬಿ ಉಪಾಧ್ಯಕ್ಷ ಡಿಜೆ ಪಾಂಡಿಯನ್ ಪಿಟಿಐಗೆ ತಿಳಿಸಿದ್ದಾರೆ.
ಹಣಕಾಸು ಸಚಿವಾಲಯ ಪ್ರಯತ್ನಿಸುತ್ತಿದೆ
ಈ ಮಹತ್ವಾಕಾಂಕ್ಷೆಯ ಯೋಜನೆಗಾಗಿ ಹಣಕಾಸು ಯೋಜನೆಯನ್ನು ರೂಪಿಸಲು ಹಣಕಾಸು ಸಚಿವಾಲಯ ಪ್ರಯತ್ನಿಸುತ್ತಿದೆ ಮತ್ತು ವಿವರಗಳನ್ನು ರೂಪಿಸಲಾಗುತ್ತಿದೆ. ಕೆಲಸಗಳು ಕಾರ್ಯರೂಪಕ್ಕೆ ಬಂದರೆ, ಎಐಐಬಿಯ ಹಣಕಾಸನ್ನು ಈ ವರ್ಷವೇ ತ್ವರಿತಗತಿಯ ಆಧಾರದ ಮೇಲೆ ತೆರವುಗೊಳಿಸಬಹುದು ಎಂದು ಎಐಐಬಿ ಉಪಾಧ್ಯಕ್ಷ ಡಿಜೆ ಪಾಂಡಿಯನ್ ಪಿಟಿಐಗೆ ತಿಳಿಸಿದ್ದಾರೆ.
ಭಾರತವು ಅತಿದೊಡ್ಡ ಸಾಲಗಾರ
ಎಐಐಬಿಗೆ ಸಂಬಂಧಿಸಿದಂತೆ, ಭಾರತವು ಅತಿದೊಡ್ಡ ಸಾಲಗಾರನಾಗಿದ್ದು, ಇದುವರೆಗಿನ ಒಟ್ಟು ಸಾಲದ ಶೇಕಡಾ 25 ರಷ್ಟಿದೆ. ಜುಲೈ 16, 2020 ರ ಹೊತ್ತಿಗೆ, 24 ಆರ್ಥಿಕತೆಗಳಲ್ಲಿನ 87 ಯೋಜನೆಗಳಿಗೆ ಎಐಐಬಿ 19.6 ಬಿಲಿಯನ್ ಯುಎಸ್ ಡಾಲರ್ ವರೆಗೆ ಅನುಮೋದನೆ ನೀಡಿದೆ. 2016 ರಲ್ಲಿ ಪ್ರಾರಂಭವಾದಾಗಿನಿಂದ, ಎಐಐಬಿ ಭಾರತದ 17 ಯೋಜನೆಗಳಲ್ಲಿ 4.3 ಬಿಲಿಯನ್ ಯುಎಸ್ಡಿ ಸಾಲವನ್ನು ಅನುಮೋದಿಸಿದೆ.
ಅತಿ ಹೆಚ್ಚು ಮತದಾನವನ್ನು ಹೊಂದಿದೆ
ಭಾರತವು ಬಹುಪಕ್ಷೀಯ ಧನಸಹಾಯ ಸಂಸ್ಥೆಯ ಸ್ಥಾಪಕ ಸದಸ್ಯರಾಗಿದ್ದು, ಎರಡನೇ ಅತಿ ಹೆಚ್ಚು ಮತದಾನವನ್ನು ಹೊಂದಿದೆ. ಪ್ರಸ್ತುತ, ಭಾರತವು ಎಐಐಬಿಯಲ್ಲಿ ಶೇ 7.65 ರಷ್ಟು ಮತ ಪಾಲನ್ನು ಹೊಂದಿದ್ದರೆ, 2016 ರಲ್ಲಿ ಸ್ಥಾಪನೆಯಾದ ಸಂಸ್ಥೆಯಲ್ಲಿ ಚೀನಾವು ಶೇ 26.63 ರಷ್ಟು ಪಾಲನ್ನು ಹೊಂದಿದೆ.