ಪಿಂಚಣಿ ಗೊಂದಲಗಳಿಗೆ ಬಜೆಟ್ನಲ್ಲಿ ಫುಲ್ ಸ್ಟಾಫ್!?

ಬೆಂಗಳೂರು, ಜುಲೈ 17: ಪ್ರತಿ ಸಾರಿ ಬಜೆಟ್ ಎದುರಾದಾಗ ನಿವೃತ್ತಿ ಪಡೆದುಕೊಂಡು ಪಿಂಚಣಿ ಪಡೆಯುತ್ತಿರುವವರ ನಿರೀಕ್ಷೆಗಳು ಗರಿಗೆದರುತ್ತವೆ. ಮಕ್ಕಳ ಶಿಕ್ಷಣ, ಮಕ್ಕಳ ಮದುವೆ ಎಂದು ಕಾಸೆಲ್ಲ ಖರ್ಚು ಮಾಡಿಕೊಂಡು ಪಿಂಚಣಿಯನ್ನೇ ನಂಬಿಕೊಂಡು ಜೀವವನ ನಡೆಸುತ್ತಿರುವ ಹಿರಿಯ ಜೀವಗಳಿಗೂ ಈ ಬಜೆಟ್ ನಲ್ಲಿ ಏನಾದರೂ ದೊಡ್ಡ ರಿಲೀಫ್ ಸಿಗುತ್ತದೆಯಾ ಎನ್ನುವುದರ ಮೇಲೂ ಗಮನ ಹರಿಸಬೇಕಿದೆ.

ಸರ್ಕಾರಿ ಕೆಲಸದಿಂದ ನಿವೃತ್ತಿ ಪಡೆದುಕೊಂಡವರು ತಕ್ಕ ಮಟ್ಟಿನ ಪಿಂಚಣಿ ಪಡೆದುಕೊಳ್ಳುತ್ತಿದ್ದಾರೆ ಎಂದು ಭಾವಿಸೋಣ. ಅದರೆ ಖಾಸಗಿ ಕೆಲಸದಿಂದ ನಿವೃತ್ತಿ ಪಡೆದುಕೊಂಡವರು? ವೈದ್ಯಕೀಯ ಪರೀಕ್ಷೆ, ಚಿಕಿತ್ಸೆ, ಹಾಗೂ ಔಷಧಗಳಿಗೂ ಹಿರಿಯ ನಾಗರಿಕರು ತಮ್ಮ ಜವಾಬ್ದಾರಿ ತಾವೇ ನಿರ್ವಹಿಸಿಕೊಳ್ಳಬೇಕಾದ ಸ್ಥಿತಿ ಇದೆ.

ಮುಂಬರುವ ಬಜೆಟ್ 2024 ಗೆ ಕೆಲವೇ ದಿನ ಬಾಕಿ ಉಳಿದಿದ್ದು ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ (NPS) ಅಡಿಯಲ್ಲಿ ದಾಖಲಾದ ಕೇಂದ್ರ ಸರ್ಕಾರಿ ನೌಕರರಿಗೆ ಸರ್ಕಾರವು ಅಂತಿಮ ವೇತನದ ಶೇ.50 ರಷ್ಟನ್ನು ಪಿಂಚಣಿಯಾಗಿ ನೀಡಬಹುದು ಎನ್ನುವ ಮಾತುಗಳು ಇವೆ, ವಿಶೇಷವಾಗಿ 2004 ರ ನಂತರ ನೇಮಕಗೊಂಡವರಿಗೆ NPS ಆಕರ್ಷಕ ಆದಾಯವನ್ನು ನೀಡುತ್ತದೆ ಎಂದು ಸರ್ಕಾರವು ಭರವಸೆ ನೀಡಿದ್ದರೂ ಒಂದಿಷ್ಟು ಗೊಂದಲಗಳಿಗೆ ಪರಿಹಾರ ಸಿಕ್ಕಿಲ್ಲ.

ಹಳೆ ಪಿಂಚಣಿ ಯೋಜನೆ ಮತ್ತು ಹೊಸ ಪಿಂಚಣಿ ಯೋಝನೆ ನಡುವಿನ ಗೊಂದಲಗಳು ಹಾಗೇ ಇವೆ. ಕೆಲವು ರಾಜ್ಯ ಸರ್ಕಾರಗಳು ಯಹಳೆಯ ಪಿಂಚಣಿ ಯೋಜನೆಯ ಕಡೆ ಒಲವು ಹಾಗೆ ಇಟ್ಟುಕೊಂಡಿವೆ. ಹೊಸ ಪಿಂಚಣಿ ಯೋಜನೆ ವಿರೋಧಿಸಿ ಪ್ರತಿಭಟನೆಗಳು ನಡೆದಿದ್ದವು. ಒಟ್ಟಿನಲ್ಲಿ ಪಿಂಚಣಿಯ ಕುರಿತಾದ ಎಲ್ಲ ಗೊಂದಲಗಳಿಗೆ ಈ ಬಾರಿಯ ಬಜೆಟ್ನಲ್ಲಿ ಫುಲ್ ಸ್ಟಾಫ್ ಬೀಳಬೇಕಿದೆ.