ಬೆಂಗಳೂರಿನಲ್ಲಿ ಚಿನ್ನದ ದರ, ಡಿಸೆಂಬರ್‌-31: 24/100 ಗ್ರಾಂ ಚಿನ್ನದ ಬೆಲೆ 4,400 ರೂ. ಇಳಿಕೆ

ಹೊಸ ವರ್ಷದ ಆರಂಭದ ಸಂಭ್ರಮದಲ್ಲಿರುವ ಬೆಂಗಳೂರಿಗರಿಗೆ ಮತ್ತೊಂದು ಸಿಹಿ ಸುದ್ದಿ ಸಿಕ್ಕಿದೆ. ಬೆಂಗಳೂರಿನಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಯಲ್ಲಿ ಬಾರಿ ಇಳಿಕೆಯಾಗಿದೆ. ಹೊಸ ವರ್ಷಕ್ಕಾಗಿ ಆಭರಣಗಳನ್ನ ಕೊಳ್ಳಲು ಕಾತುರರಾಗಿರುವ ಬೆಂಗಳೂರಿಗರಿಗೆ ಬೆಲೆ ಇಳಿಕೆಯಾಗಿರುವುದರಿಂದ ಹೊಸ ವರ್ಷಕ್ಕೆ ಹೊಸ ಆಫರ್‌ ಸಿಕ್ಕಂತಾಗಿದೆ.

ಯುಎಸ್‌ ಡಾಲರ್‌ ದುರ್ಬಲತೆಯಿಂದಾಗಿ ಇಂದು ಚಿನ್ನದ ದರ ಇಳಿಕೆಯಾಗಿದೆ. ಸೋಮವಾರ ಏರಿಕೆಯಾಗಿದ್ದ ಚಿನ್ನದ ದರ ಇಂದು ಮತ್ತೆ ಇಳಿಕೆಯಾಗಿದೆ. ರಾಯಿಟರ್ಸ್‌ ವರದಿ ಪ್ರಕಾರ ಈ ವರ್ಷ ಚಿನ್ನದ ದರ 27%ನಷ್ಟು ಹೆಚ್ಚು ಗಳಿಸಿದೆ ಎನ್ನಲಾಗ್ತಿದೆ. ಬೌಗೋಳಿಕ ಹಾಗು ರಾಜಕೀಯ ಉದ್ವಿಗ್ನತೆಗಳು ಚಿನ್ನದ ದರದ ಮೇಲೆ ಪರಿಣಾಮ ಬೀರುತ್ತಿವೆ. ರಷ್ಯ ಉಕ್ರೇನ್‌ನ ಯುದ್ದ ಹಿನ್ನೆಲೆ ಜಾಗತಿಕ ಉದ್ವಿಗ್ನತೆಗಳಿಂದಾಗಿ ಚಿನ್ನದ ಬೆಲೆಯಲ್ಲಿ ಏರಿಳಿತಗಳನ್ನ ಕಾಣುವಂತಾಗಿದೆ. ಆದರೆ ಹೂಡಿಕೆದಾರರು ಯುಎಸ್ ಫೆಡರಲ್ ರಿಸರ್ವ್‌ನ ಬಡ್ಡಿದರದ ದೃಷ್ಟಿಕೋನ ಮತ್ತು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಸುಂಕ ನೀತಿಗಳನ್ನ ಎದುರು ನೋಡುತ್ತಿದ್ದಾರೆ. ಇನ್ನು ಇದು 2025 ರಲ್ಲಿ ಚಿನ್ನದ ಪಥವನ್ನು ರೂಪಿಸುವ ನಿರೀಕ್ಷೆ ಇದೆ.

ಇನ್ನು ಮುಂಬರುವ ವರ್ಷ ಭೌಗೋಳಿಕ ರಾಜಕೀಯ ಉದ್ವಿಗ್ನತೆಗಳು ಹೆಚ್ಚಾಗುವ ನಿರೀಕ್ಷೆಯಿದ್ದು, ಸೆಂಟ್ರಲ್ ಬ್ಯಾಂಕ್‌ಗಳು ಚಿನ್ನವನ್ನು ಖರೀದಿ ಮಾಡುವುದನ್ನು ಮುಂದುವರೆಸುತ್ತವೆ. ಆದರೆ ಯುಎಸ್ ಸಾಲದ ಪರಿಸ್ಥಿತಿಯು ಹದಗೆಡುವ ಸಾಧ್ಯತೆಯಿದೆ ಎನ್ನಲಾಗ್ತಿದೆ. ಹಾಗೆ ಟ್ರಂಪ್ ಆಡಳಿತದಲ್ಲಿ ಕೊರತೆಯನ್ನ ಕಾಣುವ ಸಾಧ್ಯತೆಯಿದೆ.

ಬೆಂಗಳೂರಿನಲ್ಲಿ ಚಿನ್ನದ ದರಗಳು

ಡಿಸೆಂಬರ್‌ 31 ರಂದು, ಬೆಂಗಳೂರಿನಲ್ಲಿ ಚಿನ್ನದ ದರ ಮತ್ತೆ ಇಳಿಕೆಯಾಗಿದೆ. 22 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 400ರೂ. ಇಳಿಕೆಯಾಗಿ 71,100ರೂ. ಆಗಿದೆ. ಮತ್ತು 24 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 440ರೂ. ಇಳಿಕೆಯಾಗಿ 77,560ರೂ. ಆಗಿದೆ. ಬೆಂಗಳೂರಿನಲ್ಲಿ 18 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 320 ರೂ. ಇಳಿಕೆಯಾಗಿ 58,180ರೂ. ಆಗಿದೆ.

ಹಾಗೆ 22 ಕ್ಯಾರೆಟ್‌ನ 100 ಗ್ರಾಂ ಚಿನ್ನದ ಬೆಲೆ 4,000ರೂ. ಇಳಿಕೆಯಾಗಿ 7,11,000ರೂ. ಆಗಿದೆ. ಮತ್ತು 24 ಕ್ಯಾರೆಟ್‌ನ 100 ಗ್ರಾಂ ಚಿನ್ನದ ಬೆಲೆ 4,400 ರೂ. ಇಳಿಕೆಯಾಗಿ 7,75,600 ರೂ. ಆಗಿದೆ.
18 ಕ್ಯಾರೆಟ್‌ನ 100 ಗ್ರಾಂ ಚಿನ್ನದ ಬೆಲೆ 3,200 ಇಳಿಕೆಯಾಗಿ 5,81,800ರೂ. ಆಗಿದೆ.

ಬೆಂಗಳೂರಿನಲ್ಲಿ ಬೆಳ್ಳಿ ದರಗಳು

ಇಂದು ಬೆಂಗಳೂರಿನಲ್ಲಿ ಬೆಳ್ಳಿ ಬೆಲೆ ಇಳಿಕೆಯಾಗಿ . ಪ್ರಸ್ತುತ, ಬೆಂಗಳೂರಿನಲ್ಲಿ 1 ಗ್ರಾಂ ಚಿನ್ನದ ಬೆಲೆ 190 ರೂ. ಇಳಿಕೆಯಾಗಿ 9,050ರೂ ಇದೆ. ಹಾಗೆ 1 ಕಿಲೋ ಗ್ರಾಂ ಬೆಳ್ಳಿ ಬೆಲೆ 1,900 ರೂ. ಇಳಿಕೆಯಾಗಿ 90,500ರೂ. ಇದೆ. ನಿನ್ನೆ ಬೆಳ್ಳಿ ಬೆಲೆ ಸ್ಥಿರವಗಿದ್ದು, ಆದ್ರೆ ಇಂದು ಮತ್ತೆ ಬೆಳ್ಳಿ ಬೆಲೆ ಇಳಿಕೆಯಾಗಿದೆ.

ಭಾರತದ ಕೆಲವು ಮೆಟ್ರೋಪಾಲಿಟನ್ ನಗರಗಳಲ್ಲಿನ ಚಿನ್ನದ ಬೆಲೆಗಳ ವಿವರ:

ನಗರಗಳು	24ಕ್ಯಾರೆಟ್‌	22ಕ್ಯಾರೆಟ್‌
ದೆಹಲಿ	78,150	71,650
ಮುಂಬೈ	78,000	71,500
ಚೆನ್ನೈ	78,000	71,500
ಕೋಲ್ಕತ್ತಾ	78,000	71,500

ಸ್ಪಾಟ್‌ ಚಿನ್ನದ ಭವಿಷ್ಯ

ಸ್ಪಾಟ್‌ ಚಿನ್ನದ ಬೆಲೆ ಏರಿಕೆಯಾಗುವ ನಿರೀಕ್ಷೆ ಇದೆ. ಯುಎಸ್‌ ಡಾಲರ್‌ ಏರಿಕೆಯಿಂದಾಗಿ ಇದು ಸ್ಪಾಟ್‌ ಚಿನ್ನದ ಮೇಲೆ ಹೆಚ್ಚು ಪ್ರಭಾವ ಬೀರಲಿದೆ. ಇನ್ನು ರಾಯಿಟರ್ಸ್‌ ವರದಿ ಪ್ರಕಾರ 0217 GMT ಯಲ್ಲಿ ಸ್ಪಾಟ್‌ ಚಿನ್ನ 0.1% ನಷ್ಟು ಏರಿಕೆಯಾಗಿ ಪ್ರತಿ ಔನ್ಸ್‌ಗೆ 2,608.09 ಡಾಲರ್‌ ತಲುಪಲಿದೆ. ಯುಎಸ್‌ ಚಿನ್ನದ ಭವಿಷ್ಯವು 0.1% ನಷ್ಟು ಗಳಿಸಿ 2,620.60 ಡಾಲರ್‌ ತಲುಪಿದೆ. ಬುಲಿಯನ್ ಈ ವರ್ಷ ಇಲ್ಲಿಯವರೆಗೆ 27% ಕ್ಕಿಂತ ಹೆಚ್ಚು ಗಳಿಸಿದೆ. ಇತ್ತ ಸ್ಪಾಟ್ ಬೆಳ್ಳಿ ಪ್ರತಿ ಔನ್ಸ್‌ಗೆ $28.98 ನಲ್ಲಿ ಸ್ಥಿರವಾಗಿದೆ. ಮುಂಬರುವ ವರ್ಷದಲ್ಲಿ ಚಿನ್ನದ ಬೆಲೆಯಲ್ಲಿ ಸಾಕಷ್ಟು ಏರಿಳಿತಗಳು ಉಂಟಾಗಲಿದೆ ಎನ್ನಲಾಗ್ತಿದೆ. ಪಲ್ಲಾಡಿಯಮ್ 0.5% ಏರಿಕೆಯಾಗಿ 908.25 ಡಾಲರ್‌ ತಲುಪಿದೆ. ಆದ್ರೆ ಪ್ಲಾಟಿನಂ 900.71 ಡಾಲರ್‌ನಲ್ಲಿ ಸ್ಥಿರವಾಗಿದೆ.

MCX ಗೋಲ್ಡ್ ಔಟ್‌ಲುಕ್

ಮಲ್ಟಿ ಕಮೊಡಿಟಿ ಎಕ್ಸ್‌ಚೇಂಜ್‌ನಲ್ಲಿ (MCX), ಫೆಬ್ರವರಿ 5, 2025 ರ ವಿತರಣೆಯ ಚಿನ್ನದ ಭವಿಷ್ಯ ನೋಡೋದಾದ್ರೆ, 10 ಗ್ರಾಂ ಚಿನ್ನಕ್ಕೆ 0.13% ನಷ್ಟು ಏರಿಕೆಯಾಗಿ 76,361 ರೂ. ಆಗಿದೆ. ಅದೇ ರೀತಿ, ಮಾರ್ಚ್ 5, 2025ರ ಬೆಳ್ಳಿ ಭವಿಷ್ಯವು 0.23%ನಷ್ಟು ಇಳಿಕೆಯಾಗಿ 87,328ರೂಪಾಯಿ ವಹಿವಾಟು ನಡೆಸುತ್ತಿದೆ. ಜಾಗತಿಕ ಬೇಡಿಕೆ, ಬಡ್ಡಿ ದರಗಳು, ಕರೆನ್ಸಿ ವಿನಿಮಯ ದರಗಳು, ಸರ್ಕಾರಿ ನೀತಿಗಳು ಮತ್ತು ಜಾಗತಿಕ ಘಟನೆಗಳಂತಹ ದೇಶೀಯ ಮತ್ತು ಅಂತರರಾಷ್ಟ್ರೀಯ ಎರಡೂ ಅಸ್ಥಿರಗಳಿಂದ ಚಿನ್ನದ ಬೆಲೆಗಳು ಹೆಚ್ಚು ಪರಿಣಾಮ ಬೀರಬಹುದು.

ಬುಲಿಯನ್ ಅನ್ನು ಹಣದುಬ್ಬರ ಮತ್ತು ಪ್ರಕ್ಷುಬ್ಧತೆಯ ವಿರುದ್ಧ ಹೆಡ್ಜ್ ಎಂದು ಪರಿಗಣಿಸಲಾಗುತ್ತದೆ. ಆದರೆ ಹೆಚ್ಚಿನ ದರಗಳು ಇಳುವರಿ ರಹಿತ ಆಸ್ತಿಯ ಮನವಿಯನ್ನು ಕಡಿಮೆ ಮಾಡುತ್ತದೆ. ಬುಲಿಯನ್ ಈ ವರ್ಷ ಇಲ್ಲಿಯವರೆಗೆ 27% ಕ್ಕಿಂತ ಹೆಚ್ಚು ಗಳಿಸಿದೆ. ಹಾಗೆ ಅಕ್ಟೋಬರ್ 31 ರಂದು 2,790.15 ಡಾಲರ್‌ನಷ್ಟು ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ತಲುಪಿದೆ. ಇನ್ನು ಹೊಸ ವರ್ಷದ ಆರಂಭದವರೆಗೆ, ಅಲ್ಪಾವಧಿಯ ದೃಷ್ಟಿಕೋನದಿಂದ, ನಾವು ಈ ರೀತಿಯ ಬೆಲೆಯ ಚಲನೆಯನ್ನು ನೋಡುವ ಸಾಧ್ಯತೆಯಿದೆ ಎಂದು ತಜ್ಞರು ಹೇಳಿದ್ದಾರೆ.

ಹಾಗೆ ಚಿನ್ನದ ವ್ಯಾಪಾರ ಚಟುವಟಿಕೆಯು ಈ ವರ್ಷಾಂತ್ಯದಲ್ಲಿ ಶಾಂತವಾಗಿ ಉಳಿಯುವ ನಿರೀಕ್ಷೆಯಿದೆ. ಹೂಡಿಕೆದಾರರು 2025 ರ ಫೆಡರಲ್ ರಿಸರ್ವ್‌ನ ದರ ಕಾರ್ಯತಂತ್ರ ಹಾಗೆ ಸುಂಕದ ನೀತಿಗಳ ಬಗ್ಗೆ ನಿರೀಕ್ಷೆ ಮಾುತ್ತಿದ್ದಾರೆ. ಇನ್ನು ಇಂದು ಚಿನ್ನದ ಬೆಲೆಗಳು ರಜೆದಿನಗಳು ಇರುವುದರಿಂದ ಹೆಚ್ಚಿನ ವಹಿವಾಟನ್ನ ನಿರೀಕ್ಷಿಸಲಾಗಿದೆ. ಇದರ ಜೊತೆಗೆ ಚಿನ್ನ, ಬೆಳ್ಳಿ ಎರಡೂ ಲೋಹಗಳು ಹೆಚ್ಚಿನ ಪ್ರಮಾಣದಲ್ಲಿ ವ್ಯಾಪಾರ ಮಾಡುತ್ತವೆ ಎಂಬ ನಿರೀಕ್ಷೆ ಇದೆ.